كتالوج عربيتك مكتوب فيه كل التفاصيل.. هو الأساس في اختيار أي سوائل وزيوت لعربيتك..
ارجعله لو عايز تحافظ عليها.
ولو مش موجود عندك.. تقدر تنزله من هنا:
BYD F3/F3R Owners Manual
في الكتالوج مكتوب في صفحة 203 (207 في ملف الـpdf) إن الزيت المطلوب اسمه ATF SP-III
وفي صفحة 185 (189 في ملف الـpdf) مكتوب في جدول الصيانة إن الزيت :
- في الأحوال العادية: ما بيتغيرش.. وتفحصه بس كل 20 ألف كيلومتر أو كل سنة.
- في الأحوال الشاقة: يتغير كل 40 ألف كيلومتر
الأحوال الشاقة مكتوبة بالتفصيل في صفحة 187 (191 في ملف الـpdf).. وهما 10 حالات:
1- القيادة في أماكن مغبرة .. أو تعريض السيارة لأماكن بها هواء مالح أو على الشواطئ.
2- القيادة في الطرق الوعرة أو الوحلة (الطينية) أو الطرق الجبلية
3- القيادة في المناطق الباردة (مقصود الباردة لحد التجمد)
4- قيادة السيارة في الجو البارد لمسافات قصيرة أو ترك المحرك يعمل على السلانسيه لمدد طويلة
5- الفرملة الفجائية المتكررة
6- استخدام السيارة لسحب سيارات أخرى
7- استخدام السيارة كتاكسي أو كسيارة مؤجرة
8- أكثر من نصف وقت قيادة السيارة في الزحام وفي درجة حرارة أعلى من 32°م
9- أكثر من نصف وقت قيادة السيارة بسرعة عالية (أعلى من 120 كم/س) وفي درجة حرارة أعلى من 30°م
10- التحميل الزائد على السيارة (وضع أوزان عالية في السيارة)
يعني من الآخر.. الزيت لازم يتغير كل 40 ألف كيلومتر..
الزيت موجود عند ميتسوبيشي وكيا.. وفيه ماركات تانية ممكن تمشي معاك..
خد بالك إن مش أي زيت مكتوب عليه III يمشي معاك... لازم تلاقي كلمة SP-III أو SP-3
ادخل على الموضوع دي لو عايز تعرف أكتر:
زيت الفتيس atf sp-iii هو ال atf 320 ؟
أرجو إني أكون قدرت أفيدك
...
المفضلات