فتيس كيا سيراتو 2011 ال ٦ سرعات

السلام عليكم
عندي كيا سيراتو ٢٠١١ كنت غيرت زيت الفتيس بره التوكيل علي ١١٠ الف كيلو متر زيت موبيل ٣٢٠ والامور كانت تمام وبعد ما مشيت عليه ٢٠ الف كيلو حصلت مشكله العربيه ماشيه تمام مفيش اي مشاكل في الغيارات لكن لما اقف واجيب الريفرس علي طول الغيار مبيستجبش ياخر ١٠ ثواني وبعدين مع دوسه البنزين العربيه تنتش وتدب وترجع لورا ولكن لو وانا ماشي ووقفت وجبت الفتيس الاول علي ال n وبعدين جبت الريفرس ييجي تمام والعربيه ترجع بدون مشكله جبت الزيت من التوكيل بتاع العربيه وغيرته وبرضوا نفس المشكله وحطيت العربيه علي الكمبيوتر مقراش اي اعطال خالص حد عنده حل

العربية بتاخد حوالي 6 لتر زيت...

للأسف لما بتغير الزيت بينزل نصهم بس أو أقل..

اللي حاصل عند حضرتك إن زيتين مختلفين موجودين دلوقتي في الفتيس عند حضرتك...

لازم تفضي الزيت كله وتحط جديد.

خد بالك إن الزيت بيبقى في الفتيس ومحول العزم.

مش هقوللك بقى إنك تجيب الزيت بتاعها.. مش أي زيت وخلاص...

الزيت بتاعها اسمه atf sp-iv (أو sp-4)... ده النوع اللي بيقعد مدة طويلة 80-100 ألف كيلومتر...

الزيوت التانية عمرها قصير.. ومش متوافقة مع الفتيس نهائي..

أوعى تحط حاجة غير الزيت الأصلي... بالذات في الفتيس.


...

منا دلوقتي غيرت الزيت atf iv حطيت ٤ لتر الا ٢٠٠ زي التوكيل ماقال

شاهد هذا الفيديو
https://youtu.be/ZwwQP14xxU8

ماهو ده يا فندم اللي بقوله لحضرتك

حضرتك كده غيرت جزء من الزيت... لسه زيت الموبل 320 موجود في الفتيس وهو ده اللي بيعمل المشاكل عندك..

الفتيس بتاعك بياخد 7.3 لتر زيت بالضبط حسب الكتالوج. .
https://nileup.com/up/watermark.php?...717191.jpg&p=c

حضرتك غيرت 4 لتر بس... لسه فاضل 3.3 لتر فيهم مشكلة..


المشكلة كمان إن الطريقة المشروحة في الفيديو مش مضمونة 100%... هي هتقلل كتير من المشكلة ولكن من الصعب ضمان إن كل الزيت القديم نزل..

لازم كل الزيت ينزل علشان نضمن إن مفيش أثر للزيت بتاع موبل.

...