الحيرة المعتادة

**weels74** · 17-06-2018 12:56 PM

صباح الخير

هاشترى 2018 زيرو وكالعادة دخلت فى شهر بدور ودماغى لفت واخيرا حصرت المقارنه وضيقت الخناق على 4 عربيات وهنجت بعدها ومحتاج حد يفكر معايا يقولى اختار ايه وليه ولو بلاش دى بلاش ليه , ورونا ابداعاتكم واحترافكم , ترتيب التسلسل هو ترتيب ميولى , ولو فى عربيه انا مش شايفها فى افريج ال 320000 الف او ازيد حبه وحلوة قولولى . شكرا للجميع

1 - رينو داستر 4w او 2w

2 - لانسر شارك

3 - رينو فلوانس

4 - هيونداى النترا

متشكر ليكم مقدما

**sonah4ever** · 17-06-2018 05:53 PM

افضلهم بدون شك الالنترا
لان الشارك قديمة قوى و بقت مملة من الداخل
و الداستر فئة تانية لانها عربية كروس اوفر
اما الفلوانس فاعتقد انها ما بتنزلش زيرو
لكن احسن نصيحة تستنى السيراتو 2019 لانها نازلة بتصميم داخلى و خارجى جديد كليا و امكانيات رائعة و قيمة مقابل السعر ممتازة

**weels74** · 17-06-2018 10:38 PM

متشكر لاهتمامك بس انا كان معايا السيراتو 2011 سبورت ومش مبسوط منها عربيه فافى اوى انا معايا جنط ال17 ناشفة اوى وثبات مش ممتاز اوبشن طبعا هايل لكن فى المشى وفى الطرق بتاعتنا مش مريحانى كانت وخصوصا انا بسافر بيها الشرقيه وماادراك ماطرق الشرقيه

**أحمد عثمان** · 02-08-2018 11:47 AM

بلا شك الداستر
2 أو 4 ده يرجع للسعر و إمكانياتك
طبعا الخامات ممكن متبقاش أفضل حاجة و لكن العربيات العالية في مصر هل اللي حتعيش و تستحمل الشوارع و المطبات.
إنسى السيدان في الوقت الحالى تماماً
و لو ناوي كده كده تجيب سيدان يبقى الشارك هي أفضل واحدة من ناحية الارتفاع و العتمادية و توفر قطع الغيار.
بالتوفيق إن شاء الله

**borio1704** · 02-08-2018 11:53 PM

المشاركة الأصلية كتبت بواسطة weels74

متشكر لاهتمامك بس انا كان معايا السيراتو 2011 سبورت ومش مبسوط منها عربيه فافى اوى انا معايا جنط ال17 ناشفة اوى وثبات مش ممتاز اوبشن طبعا هايل لكن فى المشى وفى الطرق بتاعتنا مش مريحانى كانت وخصوصا انا بسافر بيها الشرقيه وماادراك ماطرق الشرقيه

مفيش أي وجه مقارنة بين السيراتو 2011 والشكل اللي بعدها ..

أنا معايا سيراتو 2014.. وسقت السيراتو 2011 كذا مرة وعارف قد إيه هي ناشفة... وبقوللك عن تجربة امتلاك 5 سنين دلوقتي إن السيراتو YD (الشكل الحالي) على الأقل أنعم بكتير من السيراتو TD (الشكل اللي مع حضرتك).. وفرق القعدة والصالون والإمكانيات لصالح الجديدة.. والجنط الـ17 مش فارق خالص في نعومة العفشة...

ادخل هنا علشان تاخد فكرة
https://www.kia.com/sa/ar/showroom/c...d/gallery.html

كيا بتطور بسرعة كبيرة جدا وعربياتها بقت أحسن كتير من قبل كده.

ولو عايز ثبات... فالإيلانترا والسيراتو 2019 أفضل بكتير جدا من زمان.. والإيلانترا الجديدة فيه ريفيوهات كتير أجنبية بتشبهها بالألماني.. وقالوا عليها إنها نقلة نوعية في سيارات هيونداي...

وانت عارف إن سيراتو هي نسخة من إيلانترا... لإن كيا وهيونداي شركة واحدة أساسا.

أما لو عايز حاجة تستحمل الطرق اللي حضرتك بتمشي فيها.. فمؤكد يبقى تروح عالـSUV أو الكروس أوفر.

أنصحك تدخل على الموضوع ده.. اعتقد هيساعدك ترتب أفكارك..
عايز تشتري عربية ومحتار؟؟؟؟ تعالى أقوللك إزاي تختار

...