رقم العضوية : 158427
تاريخ التسجيل : 05Apr2014
المشاركات : 292
النوع : ذكر
الاقامة : الزقازيق
السيارة: لانوس
السيارة[2]: ماروتي
الحالة :
من فضلكم انا تقطعت بيا السبل هنا ومليش مخرج بعد ربنا غير السفر
انا أعمل موظف حكومة ومرتبي 1000 جنية وكنت عامل مشروع محل كمبيوتر وعايش في امان الله بيجيبلي 2000/شهر ولكن من مدة سوق الكمبيوتر وقع واضطريت اصفي المحل وصرفت كل رأس مالي وبكده مستحيل اني اقدر امشي بيتي بال1000 ج ده غير التحكمات اللي قارفينا بيها لاني عندي اسره من 3اطفال ووالدتهم في رقبتي
لو أمكن تدلوني علي طريق السفر انا جبت شركات كتير من علي النت في القاهره ورحت قدمت سيفيهات هناك ومليت ابليكيشنات في الشركات دي وعلي مدار سنة رحت أكتر من 120 شركة سفريات وفي الأخر بيقولوا هنتصل ومحدش بيتصل
انا مؤهلي بكالوريوس حاسبات ومعلومات دفعة 2009 تقدير جيد جداً وشغال في مجال نظم المعلومات (it) وشغلي في محلي كان شبكات سلكية ولا سلكية وبيع وصيانة كمبيوتر بالاضافة الي تركيب محدود لكاميرات المراقبة وإجادة تامه لجميع برامج الأوفيس وأي برنامج ان شاء الله اقدر اتعامل معاهوواخد دورة في أنظمة الطاقة الشمسية وتطبيقاتها وانا علي اتم الإستعداد أني اشتغل حتي لو زبال بره بس اسافر من البلد دي وعلي اتم الاستعداد اني اتعلم اي مجال جديد واي وظيفة جديدة المهم اسافر من هنا
أرجوكم ساعدوني ودلوني علي الطريق
وشكراً لكم جميعا اخوتي الأعزاء
رقم العضوية : 42
تاريخ التسجيل : 18Apr2007
المشاركات : 519
النوع : ذكر
الاقامة : الدنيا
السيارة: لا يوجد
السيارة[2]: لا يوجد
دراجة بخارية: h
الحالة :
السكتين اللي أعرفهم علشان تخرج بره مصر بطريقة شرعية هما إما الشغل أو الدراسة.
1- الشغل يعني يجيلك عقد عمل في الغالب بناء على مؤهلك، وفي المعتاد إما بنتكلم عن دول الخليج أو العالم الغربي (أوروبا/ كندا/ أستراليا)
الخليج يبدو أسهل نسبيا في الالتحاق به لإنه ما بيتطلبش مثلا إجادة لغات أجنبية بمستوى عال، لكن يعيبه طبعا شدة المنافسة وإضطراب الأحوال الاقتصادية هناك وما تتبعه من تسريح لكتير من الأجانب، لكن يظل هو المنفذ الأسهل والأسرع.
أوروبا وكندا واستراليا هتحتاج لغة إنجليزي كويسة وهتحتاج كمان غالبا تعتمد شهادتك الجامعية من جهات معينة هناك عشان تحصل على عقد عمل والأرجح كمان إنك هتحتاج شهادات خبرة
2- الدراسة: دي سكتها أطول شوية وقد تكون غير ملاءمة لظروفك، أطول لإنك هتحتاج تدور على جهة تديك منحة (في جهات كتير، بس الحصول على منحة محتاج تجهيز واستعداد عشان تكتب موضوع يكون في تخصصك وتمتحن امتحانات معينة تجيب فيها درجات معينة)، وغالبا هتبقى المنحة بتغطي مصاريفك كفرد وبالتالي هتواجه مشكلة فيما يتعلق بأسرتك
خلاصة نصيحتي: إستغل خبرتك خلال السنين اللي فاتت واعمل سيرة ذاتية محترمة مدعمة بشهادات خبرة وركز تدويرك على الخليج كمرحلة أولى.
السكة منين: أكيد الفيس بوك فيه جروبات للناس اللي في نفس تخصصك، أنضم لها وشوف فرص السفر المتاحة متطلباتها إيه وجهز نفسك لها، بس حاسب من النصابين. ولو لك صلة بزمايلك اللي من دفعتك أو الناس اللي شغالة في مجالك تواصل معاهم وشوف اللي سافر منهم عمل إيه وسافر على إيه وانت هتلاقي الدنيا بتنور أدامك وتبدأ السكة تبان لها ملامح
المفضلات