قطع غيار دايو ريسر

**zaraze** · 07-08-2007 11:07 AM

السلام عليكم جميعا،

عندي دايو ريسر موديل 1994، العربية جميلة وزي الفل لكن المشكلة في قطع غيارها ما اعرفش غير واحد اسمه سرور في شامبليون بس هوه اللي عنده قطع غيارها، لو أي حد يعرف أي واحد ثاني بيشتغل في قطع غيارها يا ريت يقوللي وكان هل ممكن استعمل قطع غيار أويل لأني سمعت أن الموتور بتاعها هوه موتور أوبل كاديت.

**lord_n** · 07-08-2007 03:46 PM

السلام عليكم ورحمة الله وبركاته

انا عندى دايو اسبيرو بقالى 4 سنين
اول ما اشتريتها عرفت ان قطع غيارها الاصلية موجودة عند واحد اسمه سرور وهو له فرعين الاول فى شارع شامبليون زى ما حضرتك قلت والثانى فى شارع جسر السويس عند جنب محل لابوار والصراحة ان المحل ده بيبيع اى قطعة غيار للاسبيرو والريسر والاصلية كمان وهو محل موثوق به.

وممكن حضرتك تلاقى ليها قطع غيار فى محل فى شارع دمشق بمصر الجديدة بتاع دايو فاتح جنب محل السجان بس انا موش فاكر اسمه

وممكن تنزل الوكالة لو حبيت تجيب حاجة استعمال

**Hossam_Hassan** · 07-08-2007 04:01 PM

المشاركة الأصلية كتبت بواسطة lord_n

السلام عليكم ورحمة الله وبركاته

انا عندى دايو اسبيرو بقالى 4 سنين
اول ما اشتريتها عرفت ان قطع غيارها الاصلية موجودة عند واحد اسمه سرور وهو له فرعين الاول فى شارع شامبليون زى ما حضرتك قلت والثانى فى شارع جسر السويس عند جنب محل لابوار والصراحة ان المحل ده بيبيع اى قطعة غيار للاسبيرو والريسر والاصلية كمان وهو محل موثوق به.

وممكن حضرتك تلاقى ليها قطع غيار فى محل فى شارع دمشق بمصر الجديدة بتاع دايو فاتح جنب محل السجان بس انا موش فاكر اسمه

وممكن تنزل الوكالة لو حبيت تجيب حاجة استعمال

يا ترى ممكن تقيملنا الاسبيروا علشان العربية دى فعلا عاجبانى و عاوز أعرف معلومات عن ادائها

**lord_n** · 07-08-2007 06:03 PM

السلام عليكم ورحمة الله وبركاته
شوف يا اخ حسام
العربية دايو اسبيرو من اجمل العربيات اللى انا سقتها
موتورها 1500 سى سى يقال انه نفس موتور الاوبل فيكترا ... موتور قوى صوته يعتبر هادىء بالنسبة لعربيات كتير فى الوقت الحالى ... معظم الموديلات اللى نزلت منها كانت 1500 سىسى
ونزل منها نوع 2000 سى سى وكان مانيوال وكان تقريبا موديل 1996 (ملحوظة اسبيرو انتجت ثلاث سنوات فقط من 94 الى 96)
صاج العربية قوى جدا وحط 100 خط تحت قوى جدا وكذلك طلاء السيارة خصوصا لو قارنته بالعربيات الجديدة وده يفسر ان معظم وليس كل اللى موجود منها فى مصر حاليا تعتبر حالته كويسة بالنسبة لعربية ماشية حوالى 15 سنه.
العربية من جوه واسعة جدا لا تقارن فى وسعها من الداخل الا بالكورولا.
ثباتها رائع.
لو ركبتها تحس انك مميز لانها موش منتشرة قوى بالاضافة لكونها تحمل شكل انسيابى جميل(ده منوجهة نظرى)
يقال فى بعض المواقع على الانترنت مثل ويكيبيديا ان شركة دايو استبدلتها بليجانزا يعنى تقدر تقول انها ليجانزا قدديمة.
عيوبها :
1-قطع الغيار غير متوفرة الا فى محلات محددة بس هتلاقيها وهى تعتبر اغلى شوية من قطع غيار الدايو بحاجة بسيطة والغريب انك هتلاقى حاجات كتير مشتركة مع الاوبل فيكترا القديمة وبعض قطع الغيار هتلاقى انها المانى .
2- المرايات الجانبية لا تقفل بالاضافة لانها طويلة قوى لذلك فهى دائما معرضة للخبطات

بالنسبة لاسعارها فهى تتراوح ما بين 40 الى 45 الف حسب الحالة لو اقل من كده تعرف انها متبهدله ولو اكتر تعرف انه مغالى قوى فى سعرها. انا بقولك الاسعار دى لانى عاوز ابيع عربيتى واجيب كورولا زيرو لذلك سألت على اسعارها فى السوق عشان اقدر ابيع فى حدود معقولة.

**Hossam_Hassan** · 08-08-2007 10:14 AM

شكرا يا لورد على أهتمامك

**Nader** · 08-08-2007 10:47 AM

ممكن تلاقي قطع الغيار عند المحل دة:

السناري....ت 22637258
0124304283

**lord_n** · 10-08-2007 10:54 PM

شوف يااستاذ ashaesho
بالنسبة للسيليو والريسر فهما تقريبا امتداد لبعض ... بمعنى ان الريسر بدء انتاجها من عام 92 وتوقفت حتى 94 وبعد كده تم انتاجها بشكل اكثر تطورا وسميت سيليو او نيكسيا كما فى بعض البلاد الاوروبية والاثنين لهم نفس الماتور 1500 سى سى .
ولقد تم توقف انتاج السيليو عام 1997 وتم استبدالها باللانوس وهناك على فكرة تشابه كبير بينها وبين اللانوس خصوصا فى الاجزاء الميكانيكيه
وبالنسبة للاسبيرو فهى ممتازة وهى معايا من 4 سنوات ولو عايز اى سؤال انا تحت امرك.

**عصفور** · 11-08-2007 12:21 AM

شكرا يا لورد علي ردك
بس كنت عايز أعرف ايه الاحسن من وجهة نظرك الرايسر ولا السيلو ولا الاسبيرو بس بدون تحيز
ويا تري الاسبيرو قطع غيارها متوفرة ولا أيه وأدائها وسعرها في السوق لأن الميكانيكي بتاعي قالي ابعد عنها علشان موتورها 2 كامة صيانته غلسة شوية علي عكس السيلو اللي تقريبا نفس قطع غيار اللانوس

**lord_n** · 11-08-2007 04:42 PM

السلام عليكم ورحمة الله وبركاته

بدون تحيز يا استاذ عصفور انا هاقوللك
السيليو احسن بكتير من الريسر وذلك لانها تعتتبر تعديل للريسر وومكن تلاقى قطع غيارها جديدة اكتر شوية بالاضافة لانها من وجهة نظرى احسن بكتير من حيث الشكل من الريسر ... وزى ما قال الميكانيكى بتاعك ان فى حاجات مشتركة بينها وبين اللانوس فان ده صحيح لانى مرة كنت فى الورشة ولقيت كبوت السيليو مفتوح فوجدت هناك تشابة كبير بينها وبين اللانوس كمان هتلاقى فى الانترنت بيقولوا ان اللانوس هى التهديل لموديل السيليو..... لكن هناك مشكلة وهى ان السيليو موش منتشرة خالص وممكن تلاقى الريسر منتشرة عنها وصعب قوى تلاقيها معروضة للبيع.فمثلا فى جرنال الوسيط نادر ما تلاقى سيليو معروضة للبيع ولكن ممكن تلاقى ريسر كتير .
اما الاسبيرو فهى لا تقارن بهما لانها حاجة تانية .... انا لما جيت اشتريها كنت بقارن بنها وبين الريسر ... طبعا ما كانش فى مقارنة خالص لان الاسبيرو اكبر وامتن واقوى على الرغم من ان الموتورين 1500 .... وعلى فكرة حاجتها لو هتجيبها استعمال رخيصة جدا على سبيل المثال فتيس الاوتوماتيك بتاعها يعمل حوالى 1000 جنيه ... الكمبروسور يتاع التكيف بيعمل حوالى 400 جنيه طبعا دى اسعار لو قارنتها باعسعار حاجات استعمال للنوبيرا مثلا هتلاقيها قليلة جدا فمن الاخر اقدر اقولك ان الاسبيرو احسن بكتير وان قررت موش هابيعها الا لما اقدر اجيب زيرو لانى بصراحة موش مستعدج ابيعها عشان اجيب مستعمل
نسيت اقولك ان الاسعار ما يلى
ريسر ------من 34000 الى 36000 الف بالكتثير
سيليو ------موش فاكر قوى بس تعمل حوالى 38000 تزيد 1000 او تخس 1000
الاسبيرو الاوتوماتيك ----تعمل من 40000 الى 45000 حسب الحالة
وانا تحت امرك