رد مع اقتباس
اختيار الزيت دايما بيبقى حسب الكتالوج... الكيلومترات ملهاش دعوة.. ودي أصلا أسطورة وفكرة غلط تماما عن زيوت المحركات... تقدر تعرف أصلها من هنا:
أسطورة الـ100 ألف كيلومتر... هل لها أصل؟؟؟
وعلى فكرة.. موتور الـK4M هو الموتور شبه الوحيد اللي نزل في عربيات رينو في مصر خلال الـ10-15 سنة اللي فاتوا..
نزل في اللوجان.. والميجان.. والفلوينس.. وأتوقع كمان في الكليو (لو كان فيه منها 1600)
وتوصيات رينو لزيوت المحركات مرنة نسبيا ... والصورة دي بتوصف المطلوب:
حسب الصورة.. مواصفات الزيت كالتالي:
مستوى الأداء
لازم الزيت يكون مطابق لمواصفة رينو RN0700
أو
مطابق لإحدى مواصفات ACEA المكتوبة اللي هي A1 أو A2 أو A3 أو A5
أو
مطابق لمواصفة API كحد أدنى SL.. يعني SM و SN يشتغلوا بردو
خد بالك من كلمة (أو) دي.. وخد بالك بردو إن مستوى الاداء (أو الجودة) أهم من اللزوجة..
اللزوجة
0W-30 و 0W-40
5W-30 و 5W-40 و 5W-50
10W-30 و 10W-40 و 10W-50
15W-40 و 15W-50
كل درجات اللزوجة المكتوبة في الكتالوج تمشي معاك.. بس راعي استخدام اللزوجة مع مواصفة الجودة بتاعتها..
يعني مثلا.. ما ينفعش تستخدم لزوجة 15W-40 مع زيت عليه مواصفة RN0700 بس..
علشان كده.. أفضل زيت بالنسبالك واللي يشتغل معاك تمام - من وجهة نظري - هو اللي يبقى مكتوب علية مواصفة رينو RN0700 مع مواصفة ACEA A3 أو A5 وكمان يكون واخد تصنيف عالي في API زي SM أو SN
فاحنا هنشوف من الكتالوج درجات اللزوجة المتكررة في الـ3 مواصفات دول وندور على زيت يناسبنا في السوق.
على فكرة.. فيه ملف رينو كانت منزلاه في سنة 2004 قبل ما تعمل مواصفة خاصة بيها للزيوت... فيه تقريبا نفس التوصيات ومحدد اسم الموتور.. تقدر تنزل الملف من هنا:
Renault Engine Oil Specs - Technical Note 6013A
طيب..
يبقى اللزوجات الأفضل هي:
10W-40
أو 5W-30 أو 5W-40
أو 0W-40 أو 0W-30
لزوجة 0W-30 مش موجودة في السوق على حسب علمي.. إنما الباقي موجودين .. وطبعا اللزوجات دي مفيش منها زيوت معدنية في مصر.. أقل حاجة هتكون شبه تخليقي..
هنا بقى اختيار اللزوجة يعتمد على أسلوب سواقتك.. وأنصحك تدخل على الموضوع ده لو عايز تعرف ليه:
https://www.nilemotors.net/Nile/481878-a.html (إزاي تختار لزوجة زيت الموتور المناسبة لعربيتك؟؟؟)
عموما.. خلينا نشوف الأول إيه الزيوت المتاحة اللي تناسب اللي قولنا عليه ده كله:
شل هيليكس ألترا 5w-30
shell helix ultra 5w-30 | shell global
شل هيليكس ألترا 5w-40
shell helix ultra 5w-40 | shell global
آمسويل يوروبيان 5w-40 classic
amsoil european car formula 5w-40 classic esp synthetic motor oil
آمسويل يوروبيان 5w-40 improved
amsoil european car formula 5w-40 improved esp synthetic motor oil
آمسويل يوروبيان 0w-40
amsoil european car formula 0w-40 classic esp synthetic motor oil
على فكرة.. دورتلك في موبيل وكاسترول.. للأسف معندهمش حاجة فيها كل المواصفات دي متجمعة مع بعض...
ومع ذلك .. تقدر تستخدم من عندهم بعض الزيوت اللي تمشي معاك.. بس مش هتكون أفضل شيء حسب الكتالوج.
وزيوت توتال ممكن تلاقي عندها زيوت تحقق اللي احنا ققلنا عليه... بس للأسف مش عارف أوصل على النت للأنواع الموجودة منها في مصر..
وبالنسبة للزوجة 10W-40.. فهي تعتبر المفضلة بالنسبة لرينو.. بس للأسف أنواع الزيوت اللي باللزوجة في السوق المصري نادر إنها تكون مطابقة لمواصفة رينو RN0700
تقدر ترجع للمواضيع دي لو عايز معلومات أكتر..
https://www.nilemotors.net/Nile/489801-4-4-a.html (أيه أفضل زيت للداستر 4*4 مع شوية إستفسارات أخرى)
https://www.nilemotors.net/Nile/501401-2010.html (محتاج كتالوج رينو لوجان 2010)
https://www.nilemotors.net/Nile/460671-5w30-5w40.html (شل الترا 5w30 ولا 5w40)
https://www.nilemotors.net/Nile/469988-a.html (تقرير عن استخدام زيت كاسترول في لوجان اوتو)
...
الموضوع: الزيت المناسب لموتور رينو مستورد ؟؟
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 174539
تاريخ التسجيل : 20Apr2015
المشاركات : 73
النوع : ذكر
الاقامة : EG
السيارة: R.Clio
السيارة[2]: R.Clio
الحالة :
الزيت المناسب لموتور رينو مستورد ؟؟ -
انشر الموضوع فى : hasad">السلام عليكم ورحمة الله
عربيتي رينو كليو موديل 2005 مانوال
مسقط موتور ميجان 2 لان اللي كان فيها جاب صبابات, ودي بيانات الموتور الاستيراد:
renault k4m 1600cc 16v
وانا حاليا المفروض في فتره تجربه وحاطط في العربيه زيت معدني كاسترول جي تي اكس 20w50
مشيت عليه 400 كيلو
وناوي اغيره قريب علشان احط الزيت المضبوط بتاع الموتور, وعايز احط كاسترول ايدج 5w40
فايه رأي حضراتكم ؟
غير معروف الموتور عامل كام كيلو
وغير معروف الزيت المستخدم من قبل
المعروف انه مستورد من فرنسا
{وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لا يَعْلَمُونَ}
-
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
-
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
-
رقم العضوية : 174539
تاريخ التسجيل : 20Apr2015
المشاركات : 73
النوع : ذكر
الاقامة : EG
السيارة: R.Clio
السيارة[2]: R.Clio
الحالة :
-
عاجز عن شكرك يا باشمهندس بوريو دايما ردود مفصله ووافيه جزاك الله خير
انت من الأفاضل اللي نورو عقولنا على مملكة زيوت السيارات ربنا يجعله في موازين حسناتك
الفكره في مصر ان موضوع الغش كبير جداً خصوصا في الزيوت الدارجه
علشان كده بنفضل الزيوت اللي ليها توكيلات محترمه
فهمت من كلامك اني لازم ادور على التلات حاجات دول مع بعض في اي زيت
rn0700
وACEA A3
و api sm or sn
مع البراح اللي في درجه اللزوجه اللي بيحدده نوع السواقة
انا كنت منزل الداتا شيت بتاعت الكاسترول ايدج 5w40
ApplicationCastrol EDGE 5W-40 A3/B4 is suitable for use in automotive gasoline and diesel engines where the manufacturer recommends an ACEA
A3/B4, API SN or earlier specification 5W-40 lubricant.
Castrol EDGE 5W-40 A3/B4 is approved by leading automobile manufacturers, please refer to the specifications section and your owners
handbookمش كده هو محقق المواصفات ولا فيه حاجه فايتاني ؟Renault RN 0700 / RN 0710
دي زيوت توتال الموجوده ف مصر
2018_6_21_13_28_1_41.jpg
كام سؤال فني صغير لو تكرمت ^__^
هل الزيت التقيل (mineral 20w50) بيخفي عيوب الموتور لو فيه تسريب ؟
وهل ممكن يكون مسؤول عن علو صوت الموتور وخلل في عمل ترس الديفيزر الخاص بالميجان المسؤول عن توقيت فتح وغلق الصبابات؟
هل fully synthetic oil 5w40 يعتبر زيت خفيف ؟
وايه حقيقة ان الزيوت التخليقيه بالكامل بتحتوي على منظفات بتاكل الsludge فانت لو بتغير من معدني لتخليقي ممكن يحصل تسريب ف الزيت؟{وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لا يَعْلَمُونَ}
-
رقم العضوية : 202485
تاريخ التسجيل : 17Dec2017
المشاركات : 20
النوع : ذكر
الاقامة : cairo
السيارة: Renault logan
السيارة[2]: Toyota corolla
الحالة :
-
و عليكم السلام , المصنع لا يحدد لزوجة معينة , فهو يعدد عدة لزوجات تكون لها علاقة بدرجة حرارة الجو و ظروف التشغيل ,و دا الموجود في كتيب الصيانة , الزيت الموصي به تكون مركة معينة مثال رينو تنصح ب توتال تويوتا تنصح ب موبيل ولاكن اختيارك للزوجة يكون حسب درجة حرارة الجو في بلدك و ظروف التشغيل مثال لظروف التشغيل , القيادة لمسافات طويلة علي سرعات عالية القيادة في زحام و وقوف متكرر , تشغيل المحرك و ايقافة عدة مرات ,مثال لدرجات حرارة الجو في بلدك مصر من متوسط من 20 درجة الي 35 درجة كندا من -0 الي 15 مثلا بمعني نفس السيارة بنفس المحرك و لاكن في بلدين رجات الحرارة فيهم مختلفة سيكون الوقت الازم لوصول المحرك لدرجة حرارة تشغيله المناسبة للحصول علي اعلي اداء و حماية المحرك مختلفة فستكون اسرع في مصر نظرا لارتفاع درجات الحرارة في مصر و عشان كدة المصنع محدد عدة لزوجات فسيكون مثلا زيت خفيف سريع التدفق مناسب لكندا 0w30 وزيت 10w40 20w50 مثلا مناسب لمصر الزيت يقاس بلطريقة ديه الرقم قبل الw يمثل تدفق الزيت في البارد و الرقم الثاني في درجات الحرارة الطبيعية بمعني زيت 5w30 , و 10w30 سيكون تدفق الزيت ال5w اسرع من ال10w في درجات الحرارة المنخفضة و عند تشغيل المحرك عا البارد اول مرة فليوم و التدفق يكون مهم لوصول الزيت الي جميع اجزاء المحرك لحمايتها لان الزيت يكون متجمع في الكرتيرة في اسفل المحرك و تقوم مضخة الزيت برفعه و توزيعه
-
رقم العضوية : 202485
تاريخ التسجيل : 17Dec2017
المشاركات : 20
النوع : ذكر
الاقامة : cairo
السيارة: Renault logan
السيارة[2]: Toyota corolla
الحالة :
-
مثال من ارض الواقع عربية لوجان موتور k7m سعة 1,6 8v 8 صباب تم شرائها و الزيت المستخدم فيسكو 20w50 صوت الموتور عند ادارة المحرك عا البارد ممتاز صوته بعد وصول المحرك لدرجة الحرارة و بعد القيادة فترة ممتاز اداء العربية و استهلاك البنزين ممتاز , بعد كدة روحت التوكيل عشان اصلح دراع النور او اغيره في الضمان لعطل بل كلاكس فاشترطو عمل صيانة ال40000 لتفعيل الضمان غيره زيت total quartz 5 5w40 و فلتر الزيت المفروض الزيت يقعد 10000 km اداء العربية قل حاجة بسيطة صوت الموتور اتغير بمعني صوت عالي من التاكهات استهلاك البنزين هو هو طبعا الزيت غيرته ب شيل الاحمر بعديها ب 4000 km , صوت الموتور و درجة حرارته اختلفت مع العلم ان الزيت المستخدم في التوكيل total quartz بيحطوه في كل العربيات الرينو تقريبا و سعره 500 او اكتر شوية , طبعا رينو شركة بياعة و ناجحة و عربيتها شكل و امكانيات و سعات ادء و اقتصادية زي اللوجان والسانديرو الكليو و لاكن زي الطقم الفرنسي كله بيجو و ستروين فهي غير اعتمادية و مليانة عيوب سواء في الكهربا او الفيتيس او الموتور
-
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
-
المشاركة الأصلية كتبت بواسطة Silent Storm
الكلام ده كتير عليا والله.. وأنا ما زلت بتعلم من أسئلتكم..
المشاركة الأصلية كتبت بواسطة Silent Storm
أتفق مع حضرتك تماما.. الشراء من أماكن سمعتها كويسة هو أكبر ضمان ..
المشاركة الأصلية كتبت بواسطة Silent Storm
الكتالوج مديلك براح إن أي زيت مطابق لأي مواصفة فيهم يمشي..
إنما لو الزيت محقق الـ3 مواصفات.. فمؤكد حيكون أفضل...
المشاركة الأصلية كتبت بواسطة Silent Storm
حسب البيانات اللي حضرتك مقتبسها من الداتا شيت.. فكده يبقى الزيت مناسب جدا ومحقق الشرط اللي قلنا عليه..
أنا عملت بحث في موقع كاسترول الشرق الأوسط .. ودورت على زيت كاسرول إيدج 5W-40 الموجود في مصر...
فطلع لي 3 زيوت... منهم 2 مطابقين لشروطنا.. وواحد ناقصه مواصفة رينو... تقدر تتأكد من الرابط ده: Search Results
متهيألي الأحسن إن حضرتك تتأكد من المكتوب على علبة الزيت قبل متشتريه..
خلي بالك إن سواء الزيت مطابق لمواصفة رينو أو مش مطابق فهو يمشي مع عربيتك (حسب الكتالوج).. بس احنا بندور على "أفضل شيء"..
المشاركة الأصلية كتبت بواسطة Silent Storm
دي زيوت توتال الموجوده ف مصر
متشكر جدا لتعبك معايا
المشاركة الأصلية كتبت بواسطة Silent Storm
من عنيا
المشاركة الأصلية كتبت بواسطة Silent Storm
اللزوجة الأعلى بتقلل نسبيا من استهلاك الزيت (اللي بيسموه بخر الزيت)
إنما لو بتتكلم على تسريب من جوانات وأويلسيلات.. ما أتوقعش يكون فيه فرق كبير..
فعليا.. أي زيت سخن بيكون خفيف... ولزوجة 20W ما تعتبرش زيت تقيل.. وبالتالي فزيت 20W-50 على البارد يعتبر زيت خفيف نسبيا.
الزيت الثقيل فعلا هو الزيت أحادي الزوجة بدرجة SAE 40 أو SAE 50.. وكده كده لزوجتهم بتخف مع تشغيل الموتور.
أنصحك تدخل هنا لو عايز معلومات أكتر:
تبخر الزيت... هل هو حقيقة أم خرافة؟؟
إزاي تختار لزوجة زيت الموتور المناسبة لعربيتك؟؟؟ (المشاركة التانية في الموضوع بتشرح معنى درجات اللزوجة والفرق بين الزيت أحادي درجة اللزوجة ومتعدد الدرجات)
المشاركة الأصلية كتبت بواسطة Silent Storm
درجة اللزوجة 20W-50 مش موجودة في الكتالوج.. وبالتالي ممكن استخدامها يسبب مشاكل...
إيه نوع المشاكل.. بصراحة ما أعرفش.. ولكن كل شيء ممكن...
عموما.. اللزوجات العالية بتعمل مقاومة على حركة الأجزاء المتحركة في الموتور.. وبالتالي ممكن تسبب تأخير أو بطء في حركة أجزاء المفروض تكون استجابتها اعلى من كده..
لكن ما أقدرش أجزم بإن الزيت هو السبب..
المشاركة الأصلية كتبت بواسطة Silent Storm
لزوجة 5W-40 عبارة عن زيت خفيف على البارد بلزوجة SAE 5.. وتكافئ لزوجة زيت SAE 40 على الساخن (عند 100 °م)
فحضرتك بتسأل على إنه خفيف إمتى؟؟ عند بداية التشغيل ولا أثناء التشغيل والموتور سخن؟؟؟
المشاركة الأصلية كتبت بواسطة Silent Storm
الحقيقة دي حدوتة كبيرة شوية...
الزيوت التخليقية عبارة عن نوعين أساسيين:
نوع مخلق من مواد كيماوية (مهياش زيوت أصلا)... والنوع التاني عبارة عن زيوت معدنية معدلة...
النوع الأول أداؤه خارق.. عمره طويل جدا (أكثر من 25 ألف كيلومتر أو سنة.. أيهما أقرب).. يتحمل ظروف التشغيل المتطرفة.. بس له تأثير سلبي على الجوانات لإنه لازم يكون فيه مواد مذيبة من الأستر..
النوع التاني هو الأكثر انتشارا والأرخص... أداؤه عالي مقارب للنوع الأول ولكن عمره لا يتعدى 20 ألف كيلومتر بأي حال من الأحوال أو 6 أشهر.. والنوع ده مالوش التأثير السيء على الجوانات...
بس بشكل عام.. كل الزيوت حاليا فيها مواد منظفة.. تختلف قوتها ونوعها وتأثيرها حسب ماركة ونوع الزيت..
أنصحك تدخل هنا لو عايز معلومات أكتر...
الزيوت التخليقية ... هل هي تخليقية فعلا؟؟
أسطورة الـ100 ألف كيلومتر... هل لها أصل؟؟؟
...Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
-
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
-
hasad"> المشاركة الأصلية كتبت بواسطة dacia
أود تصحيح بعض المعلومات لحضرتك لأنه يوجد خلط في بعض الأمور...
بعض شركات السيارات تحدد فعلا لزوجات بعينها.. فمثلاً.. لزوجة 5W-30 أصبحت شبه ثابتة ولا يوجد غيرها في الكتالوج في سيارات شيفروليه حول العالم ... سواء في أمريكا أو في الخليج..
مؤكد أن اختيار اللزوجة يتبع درجة حرارة الجو.. ولكن مع وجود الزيوت التخليقية حاليا.. أصبح تأثير الجو على اختيار اللزوجة في الجزء الأول من لزوجة الزيت (الرقم ما قبل W)... أما الرقم ما بعد الـW فليس للجو أدنى تأثير عليه .. فحرارة المحرك ثابتة .. سواء كنت في كندا أو كنت في الكويت.
اختيار اللزوجة حسب ظروف التشغيل ليس له علاقة بالقيادة على سرعات عالية أو في الزحام إطلاقا..
ظروف التشغيل التي تؤثر فعلا على اختيار اللزوجة تؤثر فقط في الرقم بعد الـW.. ونراعي فيها زيادة الرقم إذا كنت تجهد المحرك بأحمال عالية... وهي كل ما يضع حملا كبيرا على محامل وسبايك المحرك..
والأحمال العالية في أرض الواقع هي:
1- القيادة الرياضية وما يسمى بـ "القرص على الموتور" أو الشد... بمعنى أنك تضغط بشدة على دواسة الوقود مع دوران عالي للمحرك.
2- القيادة على الطرق الجبلية.. سواء صعودا أو نزولا... وما يرافقه من ضغط شديد على دواسة الوقود أو استخدام مطول لفرامل المحرك .. مع استخدام تروس منخفضة لمحاولة الحصول على عزم أعلى لمقاومة قوة الجاذبية.
3- قطر أو سحب سيارات أو مقطورات (مثل الكارافان وما شابهه)
4- وضع أوزان عالية في السيارة بما يزيد عن نصف الحمل الأقصى المسموح للسيارة.. ومعظم السيارات الملاكي يكون حملها الأقصى في حدود 500 كجم
5- استخدام السيارة كسيارة دورية (شرطة) أو سيارة تاكسي أو سيارة تجارية... لأنها معرضة لكافة الظروف السابقة..
أما ما ذكرته حضرتك من ظروف تشغيل... فهذا يؤثر على مدة تشغيل الزيت في المحرك...القيادة لمسافات طويلة علي سرعات عالية القيادة في زحام و وقوف متكرر , تشغيل المحرك و ايقافة عدة مرات
بمعنى أن مثل هذه الظروف تقصر من عمر الزيت... لا أكثر...
راجع كتالوج سيارتك لمعرفة متى تغير زيت سيارتك... وأنصحك أيضا بالمرور على هذا الموضوع:
إمتى تغير زيت الموتور؟؟؟
المشاركة الأصلية كتبت بواسطة dacia
صوت المحرك ليس دليلا على جودة الزيت
هذه معلومة صادمة للكثيرين..
ليس معنى أن صوت المحرك أصبح أقل أن الزيت يعمل بكفاءة... بل على العكس تماما... هذه الزيت يسبب إعاقة داخلية كبيرة ويعوق تلامس الأجزاء ببعضها.
أيضا... زيت شل الأحمر (شل هيلكس HX3) هو أسوأ انواع الزيوت لدى شل... مصنوع من زيت مصنف ضمن المجموعة 1 في زيوت الأساس وبالتالي فهو مليء بالشمع والشوائب والكبريت..
وللعلم...
اختيار الزيت له قواعد وأصول.. أهمها هو مراعاة مستوى الأداء والجودة المطلوبين في الكتالوج...
مستوى الأداء والجودة شيء مختلف عن اللزوجة... وهو الأساس في اختيار الزيت... اما اللزوجة فهي شيء مكمل.
أنصحك بالدخول على هذا الموضوع لمعلومات أكثر..
القواعد الذهبية لاختيار زيت العربية.... موسوعة مبسطة لأساسيات زيوت المحركات
أيضا هذا الموضوع يوضح الفرق بين مجموعات الزيوت.. ولماذا توجد زيوت رخيصة وأخرى غالية...
الزيوت التخليقية ... هل هي تخليقية فعلا؟؟
وآسف على الإطالة.
...Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
المواضيع المتشابهه
-
ما هو افضل انواع فلتر الزيت لموتور سيتروين ax 1400 cc
بواسطة hinrey_2 في المنتدى ستـــرويـنمشاركات: 1آخر مشاركة: 25-04-2016, 04:24 PM -
الزيت الموصى به لموتور ٤٠٦
بواسطة NightmarE84 في المنتدى بيــــجومشاركات: 9آخر مشاركة: 08-05-2014, 04:42 PM -
نوع الزيت المناسب لعربيتك
بواسطة م.احمد زكريا في المنتدى القــــسم التعلــــيمىمشاركات: 63آخر مشاركة: 12-05-2011, 08:48 AM -
كمية الزيت المناسبة لموتور العربية البولو 1000 cc
بواسطة alptchino_name في المنتدى فــــولكـــسمشاركات: 4آخر مشاركة: 26-09-2010, 11:07 AM -
ايه رأيكم في نوعية الزيت ده لموتور العربية total
بواسطة hemalotfy في المنتدى زيوت المحركمشاركات: 3آخر مشاركة: 27-02-2010, 01:00 AM
المفضلات