-
معلش يا جماعة انا هقول رأيي
انا والدى لما جه يشرى كان حاطط ميزانية حوالى 85 الف
كان قدامى
لانسر 1300 _ نيسان صنى _ اوبترا ( مفكرتش فى الجين 2 لأأنها مش واسعة انا عاوز عربية سيدان)
الالنترا ساعتها المانيول كانت ب 100 الف وكانت اللانسر ال 1600 بحوالى 99 الف
والدى اختار اللانسر ال 1300 عشان الفلوس وقال هيكمل ال6000اللى فاضلين (كانت ب 91 الف)
قعدت اتحايل علية اجيب الصنى يقول دى تقفيل مصرى ومش حلوة ومعجبتهوش خالص لما ركبها (وانا كمان رغم شكلها الخارجى حلوة بس انا كنت عاوز 1600 )
اقولو طيب الاوبترا يقولى دى كورى (انا برضو مش بحبها بس عاوز 1600 برضو)
قالى من الاخر انا عاوز اجيب عربية وانساها عربية اعتمادية وقالى ابقى اشتغل انت وجيب اللى انت عاوزو
الياريس كان ساعتها غالية عن اللانسر ب 4-5 الاف جنية
نيجى للحتة المهم
قلتلو خلاص عاوز عربية حلوة جدا واعتمادية (اريحك) وتكون 1600 (تريحنى)
قلتلو هات لانسر 1600 او النترا 1600 قالى الفلوس ومش هقسط ومش هدخل الحوارات دى انا هجيب كاش وخلاص
ولو حتى معايا الميزانية دى مش هجيب النترا وهجيب لانسر
انا ولدىمن الناس اللى بتهتم بدول التصنيع واعتمادية العربية
رغم انى شايف ان الالنترا اشيك بكتر واحلى وانا لو معايا الفلوس اجيب النترا
طبعا انا شاب ونفسى اجيب عربية 1600 سحب عالى وشد وحركات
لكن والدى قال انا ادفع 90 الف فى عربية مضمونة ومعمرة وكمان اجيبها 1300 عشان توفر بنزين (كفاية البيجو 2000 سى سى كاربرتير)
انا شايف ان تفكير ولدى فيه نسبة كبيرة صح
بس معلش مقارنة ال 1600 بال 1300 دا ظلم
ومعلش التوفير ده قد ايه عشان الواحد يتحرم من متعة وسحب عربية 1600
وانا ارفض التفكير بأن العربية دى كورى ويابانى
طول ما العربية شغالة واعتمادية واعطالها قليلة ومش بتشتكى يبقى خلاص ان شا الله لو كانت من تصنيع اثيوبيا
وعلى فكرة هيونداى مش الخامس على العالم من فراغ
شوفو الجينسيس _ I30 _ الالنترا _ السوناتا
واخدين جوايز فى اوروبا وامريكا ومبيعات فى الوصف
دا حتى النيو اكسنت واخد جوايز
يا ريت نحكم على العربية نفسها مش على الشركة عموما او على دولة التصنيع
وعلى فكرة انا هقول مثال صغير
السيفيك ثباتها وهمى بس السيتى فوق ال 120 ضايعة (بلاش تقفيل تيلاندى دى اهى برضو شايلة علامة هوندا)
واسف للاطالة
-
بلاش يا جماعة تفتحوا موضوع البنزين ده. لو كانت الصفيحة عندنا بتتباع ب10 دولار كنت قلت قلت ماشي, انما البنزين هنا مدعم. و كمان الفارق في الاستهلاك بين ال1300 و ال1600 مش كبير.
بالنسبة للاعتمادية, فالاحصاءات أثبتت ان بلد المنشأ ملهاش علاقة بالاعتمادية...
شوفوا اللينك ده اللي بيقارن متوسط عدد مرات التصليح كل 100 عربية على مدار ال3 سنين اللي فاتوا:
http://www.cars.com/go/advice/Story....referer=advice
يمكن اعتمادية هيونداي أقل من تويوتا, و لكن الاتنين كويسين نسبيا رغم ان الهيونداي كوري...
ننزل بقى تحت هنلاقي سوزوكي اليابانية واخدة تاني أسوأ اعتمادية, و الفولكس فاجن الأوروبية واخدة سادس أسوأ اعتمادية...
و النيسان اعتماديتها أقل من الهيونداي.
-
الالنترا كاتورجي والياريس كاتوريجي تاني خالص
الالنترا تقارن بالكورولا
والياريس تقارن بالفيرنا
تعالو بقى نشوف الاسعار
الكورولا بكام والالنترا بكام
الياريس بكام والفيرنا بكام
وبيتهيألي ان رغم كدا سعر الياريس مقارب لسعر الالنترا ان لم يكن اعلى في جميع دول العالم
الكلام دا مش من فراغ .. الكلام دا من تجارب سنين
شركه بتصنع عربيات من السبعينات او الستينات زي تويوتا متقارنش بشركه بنت يومين
شوفو فرق الخبره كام سنه
اقولكو حاجه تانيه
قارنو مثلا موديلات قديمه لتويوتا مع نفس الموديلات لها من هيونداي
وشوفو منظر تويوتا عامل ازاي دلوقتي ومنظر هيونداي عامل ازاي
ومهما كان فشل عربيات تويوتا ( الايكو زي مالبعض بيذكر ) فميوصلش لاننا نقارنه بالكوري يعني
الخبره في شركة تويوتا عاليه مهما كان
التصنيفات كالاتي :
الصيني اوبشن عالي جدا مقابل سعر منخفض وجوده سيئه
الكوري اوبشن متوسط مقابله سعر متوسط وجوده متوسطه
الياباني اوبشن مقبول مقابل سعر اعلى وجوده جيده
لذلك نقول ان الالنترا تقارن بالكورولا من حيث الحجم والثبات والسعه ... الخ
ولكن ليس من حيث الجوده
ونصيحتي للاخ شوف انت عاوز ايه واتوكل على الله واشتري
لو عايز عربيه تعيش فعلا واعطالها قليله او مشاكلها عموما قليله هات ياريس
عاوز فخامه وبرستيج ووسع هات النترا
مع العلم اوبشنز الالنترا اعلى من اوبشنز الياريس واللانسر( الشكل القديم ) مش الياريس بس
-
لو مكانك هجيب الياريس رغم ان الالنترا فئة و الياريس فئة
بس الياريس ياباني و كفاية انك بعدت عن غبور
-
توكل على الله وهات اليارس عربيه تتحمل معاك سنين طويله ....
-
mmmmmmmmmmmmmmmm
انا معايا النترا فهقولك هاتها عشان هيا كويسه معايا جدا بس اليارس برده عربيه محترمه ومع واحد صاحبى وماشيه كويس ومفيش منها مشاكل فاهم حاجه انت حابب ايه؟؟:biggrin2:
-
-
-
النترا ياباشا وانتة مغمض :)
-
احلى حاجة ان صاحب الموضوع عرف تاريخ الشركات كلها :)
الناس بتدافع عن اليابان وكوريا كانها بلدهم الاولى ..
دى عربيات يا جماعة ووجهات نظر مش اكتر ..
عموما انا بشجع الصناعة الصينية :fdsa:
Content Relevant URLs by
vBSEO 3.6.0 PL2