الموضوع: مشكلة و ارجو المساعدة كيا سيراتو 2011 جنط 17 وتحذير من بتوع الكاوتش

عربيتى كيا سيراتو 2011 جنط 17 الاصلى من يومين الكوتش الفردة اليمين خلفى نام روحت لواحد بتاع كاوتش فك الفردة وكشف عليها قالى الجنط مشروخ قلتله خلاص ركب الكاوتشه على جنط الاستبن وركبها المهم بعد ماركب الكاوتش على جنط الاستبن وركب الفردة فالعربية حاسبته ومشيت فضلت اسمع صوت وننه زى صوت ماتور بتعلى مع السرعة اكتشفت فالاخر ان البيه نسى يركب 4 صواميل من اصل 5 !!!!!!!!!!!!!!! فالفردة ركب صامولة واحدة فقط والوقت كان الفجر متاخر الناس قالتلى فك صامولة من كل فردة وركبها للفردة دى عشان اعرف اروح البيت وعملت كدا فعلا بقا كل فردة فيها 4 صواميل من اصل 5 بس اول ما عملت كدا جيت اتحرك بالعربية صوت حديد فحديد زى مايكون سكينة بتتسن خصوصا من فردتين الشمال طول الطريق ,, تانى يوم اشتريت صواميل وركبتهم اتحركت بالعربية مفيش لكن فجاءة الصوت يظهر تانى ويختفى لما ادوس فرامل كل ما زود دوسة فرامل يخف ,, يظهر فجاءة ويختفى لما ادوس فرامل جامد افيدونى اعمل ايه وممكن يكون ايه واسف للأطالة