السلام عليكم ورحمة الله وبركاته.

الله أكرمنى بلانسر كريستاله 98 أوتوماتيك.

بقى لى حوالى أسبوع العفشة بتطأطأ وانا ماشى طوالى وفى الحفر والمطبات العادية والهوائية ومش بتطأطأ عند الملفات.

حاسس إن العربية مايلة ناحية الشمال (واطية من الناحية الشمال) وبسمع صوت خبطو جامدة لما بيكون فيه حد قاعد ورا.

لما سألت الناس حد قال لى ديه كبالن جوا (كبالن طوالى)، وناس تانية قالت لى مافيش حاجة اسمها كبالن جوا وكبالن برا أو كبالن طوالى أو كبالن ملفات، قالوا لى هى كلها كبالن واحدة.

وقالوا لى المشكلة التانية مساعدين، خصوصا إنى لما بشمى على الهادى بحس إن العربية بتتنطط ولكن بسيط ممكن محدش يلاحظها غيرى.

فالسؤال هنا:-

1- هل حد من حضراتكم عنده تفسير تانى للكلام ده
2- ممكن حد يقول لى أجيب قطع غيار منين وانا فى مدينة نصر
3- ممكن حد يقول لى الأسعار كم الأيام ديه لقطع الغيار.

بس محتاج رد قدر الإمكان سريع لإن الناس خوفتنى من إنى امشى بالكولن وهو بايظ.

وبعتذر عن الإطالة ولكم جميعا جزيل الشكر والتقدير .