الموضوع: التاكس الى جااااى من اليابان.. عليه اربعة من قدام .. والخالة باتشوكا فى الحمام

المشاركة الأصلية كتبت بواسطة Ahmed A.Maksoud

و أنا كمان مش شايف غير أخر واحده بس


موضوع تفريغ الأندية ده بأه قصة تانية......يعنى بسم الله ما شاء الله نقول أحنا بنطبق الأحتراف وبيعدين اللى يشترى لاعيبة تقولو عليه بيفرغ؟؟؟؟
مبدأياً كده الأهلى خد كام واحد من الأسماعيلى على طزل من غير ما يعدوا على نوادى تانية؟؟؟ أعتقد أن العدد 0
كلهم بلا أستثناء عدوا على تجارب أحتراف قبل الأهلى......مش مشكلتنا دلوقتى أن تجارب الأحتراف دى فاشلة ولا ناجحة.....بس فيها وفيها.
الأسماعيلى بأه خد كام لاعب من الأهلى على طول ؟ أعتقد على الأقل محمد فضل....ده أذا مش هنحسب أحمد سمير فرج.

احمد باشا حقنا للدماء بلاش الطريق ده
ده طريق واعر جوى يا بوى

بس يا سيدى الاهلى ماينفعش يشترى لاعيب من الاسماعيلى دايركت عشان الاسماعلاويه شايلين من الاهلى فى نافسيتهم هما احرار مش مشكلتنا
الاهلى بقى و عمنا عدلى القيعى الراجل التقى الورع يعمل ايه؟
بيجيب عقد احتراف مالوش معنى فى تركيا اليونان قطر ايى داهيه و السلام و يخلى اللاعب يقبل بيه و الاسماعيلى بيوافق عشان الدولارات و رغبه اللاعب فى الاحتراف و مسيره عمره و القرشنات و الكلام ده
قوووم ايه بأه يلعب هناك 6 شهور و يرجع يقول مش قادر على الغربه و يكون فيه ثغره فى العقد لو هوه معار و اللعب يرجع عدل على الاهلى :)

على فكره انتقالات يناير مفتوحه مخصوص بسبب الموضوع ده

اللعيبه اللى فى الاسماعيلى من الاهلى - الاهلى هوه اللى راميهم و مش عايزهم مش سايبين الاهلى عشان يلعبوا فى الاسماعيلى لاعيبه اتصرف عليها كتير عشان تتعلم الكوره و الاسماعيلى بيوفر و ياخدهم على الجاهز بالرخيص

فالكلام بتاع كام واحد على طول و كده ده نوع من اللف و الدوران
عشان القصه معروفه

و صباحو فل

بأمانه مشوفتش ابوخ من كده ..حاجه ............ولا بلاش

المشاركة الأصلية كتبت بواسطة zAzU

نفسى افهم ايه الغرض من الموضوع ده ؟؟؟!!! الغريب ان الزمالك لسه مغلوب امبارح يعنى الناس تتكسف حتى !!!!

دي شماتة مش اكتر عشان يداري على خيبته
واللي انا مسغربله ان حتى الاهلي وهو مغلوب حارق قلبهم بردوا
والاهلي عمهم بردوا واحنا مش زعلانين منهم وموتوا بغيظكم

يا ريت نركز في تصفيات كأس العالم هو ده المهم دلوقت بلا أهلي بلا زمالك .

أولا.. عايز أعرف لسه رسالتي مش واضحة , ياريت حد يطمنني

ثانيا.. بلاش ياجماعة نقلب الموضوع أهلي و زمالك و فكروا بطريقة تانية لان زي ماقولنا قبل كده الرياضة غالب و مغلوب و لما الفريق اللي بتشجعه يخسر دي مش نهاية الكون و لا نهاية المطاف المهم يكون أدي اللي عليه و نستمر علي تشجيعه كي يصلح من أخطائه و يحاول مرة تانية و ثالثة و رابعة و يحاول و يحاول الي أن يكتب له الله التوفيق و الكلام ده لا ينطبق علي الرياضة فقط و لكن علي كل منا في عمله و دراسته

المشاركة الأصلية كتبت بواسطة SE_coralsea

أولا.. عايز أعرف لسه رسالتي مش واضحة , ياريت حد يطمنني

ماتقلقش
دلوقتى انت باين وزى الفل
الحمد لله
بس تقريبا الحاله ديه بتيجى و تروحانا شايف تعرض نفسك على الدعم الفنى عشان يدوك روشته :)