الموضوع: مشكلة في طبلة المفتاح

[align=center]السلام عليكم ورحمة الله وبركاتة[/align]
انا امبارح حصل معايا موقف غريب كدة
وانا طالع بالعربية سيريون 2008 مانيوال
الكونتاك مرضاش يفتح زي لما تكون قافل (مسوجر) الدركسيون بس طبعا مكنش مقفول
والمفتاح استحالة يلف انا استغربت وكان موقف مش ظريف خالص
واحد من الي كانو واقفين قالي ممكن يكون في حاجة في بلي الطبلة روح بيها التوكيل بسرعة احسن البلي دة لو انفرط هتبقي مشكلة كبيرة
ياتري دي بقي مشكلة كبيرة ولا حاجة بسيطة ممكن اصبر عليها يعني لحد الامتحانت متعدي
انا وانا في فحص ال 5 الاف من حوالي اسبوعين كدة كان في صوت بيطلع لما اروح مشوار وارجع وابطل العربية كان بيطلع صوت خبطة زي رنة كدة في الكبوت وبعد الفحص بقي الصوت دة اعلي بكتير بقي زي الخبطة في الشسية مش عارف دة كمان يطلع اية
وغير كدة انا من اول مجبت العربية وهي بتحدف يمين ولما قلتلهم في التوكيل قالولي ضغط الهوا بس لما مشيت علي سركات كبيرة اعلي من 120 لسة برضو بتحدف يمين
تاني وكانهم معملوش اي حاجة
ياتري دة بقي عيب في حاجة معينة ولا حاجة بسيطة
اسف اني اكون طولت عليكم بس والله انا مقفول جدا كل يوم حاجة بتحصل في العربية بتخنقني اكتر من الي قبلها
عسي تكون حاجة بسيطة انشاء الله