الموضوع: ارجو النصيحة و المساعدة فى اتخاذ قرار شراء سيارة

سلام عليكم ... أنا عضو جديد معاكم لسه النهاردة و محتاج مساعدة خبراء و ملوك العربيات فى اتخاذ قرار خاص بشراء سيارة

مبدأيا كده أول حاجة انا معايا مبلغ فى حدود 170- 200 الف جنيه و أول قرارا محتاج اخده هل اجيب عربية جديدة تماما فى حدود المبلغ ده ( لوجان - صنى - اوبترا) وللا بنفس الفلوس اجيب عربية مستعملة بس هتكون بامكانيات اعلى علما بانى مليش فى الميكانيكا معنديش خبرة كبيرة فيها (بالغم انى معايا لادا موديل 86 بس بطيخة فى الميكانيكا برضه) مع العلم انى مقرر اجيب اوتوماتيك مش مانيوال

فياريت الناس تقوللى ايه الافضل جديد وللا مستعمل و ايه المميزات و العيوب ..


السؤال الثانى لو القرار انى هشترى جديد انهى عربية من التلاتة أفضل و ياريت لو حد عنده مقارنة بين التلاتة مع بعض (لوجان - اوبترا - صنى)

شكرا مقدما و أتمنى أكون ضيف خفيف عليكم :)

المشاركة الأصلية كتبت بواسطة salam100100

معتقدش هتلاقى حد امتلك الثلاث عربيات ويقدر يديك تقييم ليهم محايد
فانصح حضرتك لم معلومات من النت- وبعد كدا لم معلومات من ملاكها على الحقيقه
دا هيكون مهم جدا عشان فى رائ هيكون اكثر دقه من المقارانات اللى على النت

بالمناسبه الحيره اللى حضرتك فيها دى طبيعيه وانشاء الله تجيب عربيه مقتنع بيها

الف شكر لحضرتك يا فندم :)