السلام عليكم,
عايز أعرف فين المشروع الامريكى بجوار مساكن اطلس - غرب الاتوستراد - حلوان
يعني لو ركبت المترو أنزل حلوان وأسال ولا أبقى بعيد؟
ولو بعيد أيه أقرب مكان معروف أوصله و أسأل من هناك؟
جزاكم الله خيرا.
عرض للطباعة
السلام عليكم,
عايز أعرف فين المشروع الامريكى بجوار مساكن اطلس - غرب الاتوستراد - حلوان
يعني لو ركبت المترو أنزل حلوان وأسال ولا أبقى بعيد؟
ولو بعيد أيه أقرب مكان معروف أوصله و أسأل من هناك؟
جزاكم الله خيرا.
حضرتك ممكن تركب المترو لآخر الخط " حلوان "
هتنزل تسأل على موقف ميكروباصات مايو ( هو خلف المحطة على طول...
الموقف مقسم إلى صفوف طولية...كل صف عبارة عن خط بيروح لإحدى المجاورات بمدينة مايو......
الظريف إن العربيات اللى بتروح المشروع الأمريكى و شارع أطلس هى الواقفة فى ثالث صف من جهة سور الموقف.....طبعا قبل ما تركب تسأل....الأجرة كانت 60 قرش آخر مرة أنا ركبت....و لازم تسأل إذا كان رايح لغاية مكان ما انت عايز...لإن المشروع متقسم لمجاورات كتير فى منها بعيد العربيات دى مش بتوصل لحد عندها فلازم تعرف إذا كانت تمشية و لا مواصلة و لا تاخد حاجة تانية خالص قبل ما تركب...خصوصا لو رايح بالليل لإن سواقين بالليل على الخطوط دى فعلا ناس زى الفل و مش هتعرف تتفاهم معاهم فى حالة أى خلاف....
بالنسبة لمسألة الوصول للمنطقة المركزية فى حلوان....أنا قولتلك على المترو و تنزل آخر الخط....لكن برضه ممكن تاخد من العباسية ميكروباص من أمام عمارة مصر للسياحة حتى حلوان....و فيه موقف لحلوان برضه من أمام نادى السكة هلى الجهة الأخرى من الأوتوستراد.....و فيه من السيدة عائشة أعتقد و فيه من مساكن شيراتون و فيه من ميدان عبد المنعم رياض ( فى القسم المخصص لأوتوبيسات شبرا الخيمة ) لكن دول غالبا هينزلوك على كورنيش حلوان و تاخد عربية تانية لمنطقة المترو ( المنطقة المركزية لحلوان و التى بها موقف مايو و المشروع ).....
أتمنى إنى أكون ساعدتك و لو فى أى استفسار لا تتردد...
الكلام كله سليم و100%، بالنسبة للميكروباصات هي بتوصل لحلوان بس بعيد حاجة بسيطة عن المترو دقيقتين مشي بالكتير.
وميكروباص التحرير-حلوان بيقوم من محطة عبد المنعم رياض اللي على الكورنيش (مش بتاعة مصر الجديدة).
ع العموم أنا أفضل المترو لو متيسر لك وبعيد عن أوقات الزحمة
انا من المشروع الأمريكى لما انتى جاى مش تقول انا لسه واخد بالى نعمل احلى وااااااااااجب مع الناس الكويسه فى قلب منطقتنا
يا باشا لو لسه مجتش المشروع كلمنى على الموبيل وانا اسعدك ولو عاوزنى اجى اخدك بالعربيه عييييينى
0128992968
وانا مش بهرج وهوديك اى حته فى المشروووووووع
خلاص اوووووووكى وفرصه سعيده يا طنطاوى