بالنسبة لشراء العربيات بتوكيل للشخص وله حق البيع لنفسه وللغير الترخيص والتعامل مع المرور
هحكي مشكلتي التي وجدتها منتشره جدا بالاسلوب ده

انا اشتريت عربيتي في 10- 2016 وكان فيها سنتين رخصة ... طبعا عملت توكيل وقلت اوفر القرشين بتوع الضريبة والترخيص والعقد المسجل والكلام ده بعدين .. لسه بدري في الرخصة بقى... طبعا صاحب العربية كان جيبلي شهادة برائة ذمه وان العربيه مفيش عليها مخالفات

المهم السنتين قربوا يخلصوا و كان ناقص اسبوع علي انتهاء الترخيص والفحص سألت علي تسجيل العربيه ونقل الملكية بأسمي وجدت الرسوم 3000 قلت اعمل الترخيص علي اسم المالك القديم ولما ربنا يسهل اسجل خلال الثلاث سنوات القادمة
روحت على مرور الدراسة علشان اطلع شهادة مخالفات ... فوجئت ان عليها 3300 جنيه مخالفات !!
لما طبعلي تفاصيل المخالفات لقيت المخالفات بتاريخ من شهر 6 الي شهر 9- 2016 وانا طبعا شاري بتوكيل بتاريخ 25-10-2016 يعني بعد المخالفات بشهر ونصف
حل المشكلة ايه ؟؟؟؟؟
فيه ناس بتقول اني هعمل مخالفات مالك سابق بس يكون معايا عقد تسجيل بنقل الملكية بأسمي والتوكيل وشهادة برائة الذمة اللي بتاريخ شهر 11-2016
طبعا انا اخترت اسجل بأسمي وادفع 3000 بدلا من دفع 3300 وتبقي باسم المالك القديم وارجع اسجل تاني بعد كده