سعر الجنوط الأصلية للانسر البومة

**محمد أنور** · 14-12-2008 01:19 PM

بعد اذنكوا يا جماعة كنت عاوز سعر الجنوط ال15 الأصلية بتاعة اللانسر البوما 2007 و اشتريها منين .. عشان انا ناوي اجنط ..
و هل تنصحوني بيها ولا اجنط احسن من عند اشرفكوا جنوط اندونيسي أو ماليزي و خلاص ؟

**limo** · 14-12-2008 01:50 PM

دور فى المعارض الى بتبيع الخليجى
انا كان معرض عارض عليا انه ياخد الجنوط الى نازله مع العربيه وادفعه 2000 جنيه ويركب جنوط اصليه 15 بوصه (زى الى موجوده فى التوقيع بتاعى )
بس انا جبت عربيه هاف سبورت فمتاجتش انى اغير الجنوط

**محمد أنور** · 14-12-2008 06:35 PM

شكرا يا أخ Limo بس ب 2000 جنيه و لازم ياخد الجنوط البلدي والطاسات ؟
و هل بال2000 جنيه دول 5 جنوط (لل 4 عجلات والأستبن) ولا ال4 عجلات بس ؟
و معرض زي مين اللي ممكن يكون بيبعهم ؟ أوتو سمير ريان مثلا ؟

**أبو إياد** · 15-12-2008 09:48 AM

الجنوط فعلا بتغير ملامح السياره انا عربيتى 1300مانيوال 2007 الجنوط الاصليه طبعا 14 اول لما جبت العربيه غيرت الجنوط على نفس المقاس العربية كانت بتقفل امبير معايا بس مش ثابته اوى ع الطريق غيرت الجنوط لمقاس 15 وكاوتش اعرض بصراحه حسيت بقوه العربيه فى الشكل والاداء بس العربيه سرعتها قلت عن الاول اخرها 195 وده طبعا لان الجنوط بتقل العربيه بس بصراحه قمه فى الثبات وبالذات فى الملفات والمحاور

ده الجنط القديم

ده الجنط الحالى

**محمد أنور** · 16-12-2008 10:14 AM

معلش كمان :) هو انت راشش الأكصدم اسود ولا ده ستيكر .. اصله ماشاء الله مغير شكل العربية

**أبو إياد** · 16-12-2008 02:42 PM

الجنوط دى اندونيسى وكنت جايب مقاس 14 بـ 1300 وال15 بـ 1650 من عند الافريقى بشارع احمد عرابى المهندسين وانا اكتشفت انه بيجيب احدث واغرب جنوط واقل سعر فى مصر وفاتح 24 ساعه ياعنى ممكن تقضى عنده سهره لذيذه وتختار براحتك كده فى يوم بعد الساعه 12
بالنسبه للاكصدام انا من النوع اللى باتضايق جدا من حاجه اسمها خربوش رغم ان عربيتى موديل 2007 بس رشيت الاكصدام ده 3مرات وكل مره يكلفنى 250جنيه فكرت فى فكره الاستيكرز لقيته حاجه سهله وبيحافظ على الدهان وكلفنى 70جنيه واهو يعتبر تغيير

**أبو إياد** · 16-12-2008 02:47 PM

بالنسبه لتقفيل العداد ده متوقف اولا على نوع الفتيس لو اوتوماتيك فى اللانسر استحاله علشان كان عندى 1600اوتوماتيك فى طريق الغردقه كان اخرها 195 بطلوع الروح لكن فى المانيوال هاقفله ياعنى هاقفله حتى لو 1300 بس انا عمرى ما استعملت الا بنزين 92 وعمرى ما غيرت زيت الا موبيل وان 10000كم وقفلت العداد فى طريق الغردقه باردو وربنا يستر وماموتش فى طريق اللعنه ده
ويعدين بلاش موضوع السرعه ده باستمرار

**أبو إياد** · 17-12-2008 10:36 AM

بالنسبه للسرعات انا مش من هواه الجرى داخل المدينه الا لما الظروف بتسمح وبعدين مش بحب احرق ع الغيار ياعنى ابتداء من الغيار الاول
الاول حد اقصى 20كم
الثانى >>>> 40كم
الثالث>>>> 60كم
الرابع>>>> 100كم
السرعات دى داخل البلد
ع الطريق الرابع معايا يوصل الى 160كم