اطلاق صاروخ فيات الجديد Grande Punto T-Jet 120 HP

السلام عليكم ورحمة اللة وبركاتة

تم اطلاق النسخة الرياضية الاولى من السيارة الناجحة جراند بونتو .. بالمحرك المتطور T-JET وتحمل اسم Garnde Punto T-Jet ويولك المحرك الجديد قدرة خرج جبارة تقدر ب مئة وعشرون احصنة ايطالية " اصيلة .. بالتعاون مع تيربو فائق الصغر ..الجدير بالذكر هو السعة اللترية للمحرك .. وهى 1400 سم .. حيث ان قدر الخرج بالنسبة للسعة اللترية تعتبر من اعلى النسب فى العالم .

المحرك هو نفسة المستخدم فى الجراند بونتو " 1.4 - 75 حصان " , وفيات لينيا , والبرافو 1.4 - 90 حصان .

لكن مع اجراء تعديلات على صمامات دخول وخروج الهواء واضافة شاحن تيربو .. والنتيجة النهائية ... قوة خرج جبارة .

جدير بالذكر ان هناك نسخة اكثر رياضية .. بقدرة خرج 150 حصان :shock: ... سوف تطلق فى وقت لاحق


وتتسارع الجراند بونتو الجديدة فى زمن خيالى قدرة 8,9 ثانية ... وتبلغ سرعتها القصوى 205 كيلو .
.... ممكن نقول باى باى للبولو والابيزا .. ومش حقول الفابيا لانها خارج المنافسة ...


http://www.italiaspeed.com/2007/cars..._120_t_jet.jpg

باي باي بولو و باي باي ابيزا و باي باي رينو كليو و باي باي بيجو 207 و باي باي اي عربيه صغيره تانيه .
ايه يا عم مهاب فينك وحارمنا من الحاجات الحلوه دي بقالك كتير ليه كده بس.
الصراحه عربيه محترمه و انا ارفع ليها القبعه و انحني ليها كمان :) .
و اللون الاحمر عليها خرافه

شكرا على الموضوع و ان شاء الله تنزل مصر و بسعر معقول حتكتسح

متتوقعش نجاح فيات مع وكيلها الحالى

شوف وكيل فورد معندوش غير عربية واحدة و كل اسبوع اعلان و اعلانات فى الاف ام, و مش ياكت

الوكيل ده نايم على نفسه, و شكلهم مش محترفين

ASK ME !!!

اقتباس:

---

ايه يا عم مهاب فينك وحارمنا من الحاجات الحلوه دي بقالك كتير ليه كده بس.

---

ربنا يخليك يا حازم باشا ..معلش انتا عارف الظروف .. واللة انتا والناس كلها وحشتونى جدا .. ووحشنى الموقع اوى .

اقتباس:

---

باي باي بولو و باي باي ابيزا و باي باي رينو كليو و باي باي بيجو 207 و باي باي اي عربيه صغيره تانيه .

---

فعليا هية حتقول باى باى على الطريق لعربيات وهمية واغلى منها بمراحل .. اولهم الجولف ال 1600 ... والفوكس هاتش باك الى مكتسحة اوروبا .. و البى ام دبليو الفئة الاولى 116 " 10.8 ثانية" بفرق ثانيتين :twisted: , واسرع من الفئة التالتة الجديدة 318 الى مش موجودة فى مصر "9,3 ثانية " ... ب تلات اعشار من الثانية ,... يعنى الباى باى دية حتشمل عربيات .. ممكن يوصل تمنها 300 الف جنية :wink: بعربية فيات " 1400 سىسى " :twisted:

انا مش عارف النسخة ال 150 حصان .. حتعمل اية ... حتتقارن بالبورش بوكستر ولا اية ؟؟؟ :mrgreen:

اقتباس:

---

شكرا على الموضوع و ان شاء الله تنزل مصر و بسعر معقول حتكتسح

---

كنت اتمنى كلام حضرتك يتحقق .. بس للاسف كاوتش العربية دية مش حيشوف مصر .. ولو شافها مش حيمشى
عليها ... ولو مشى عليها حيمشى عليها للعرض فقط .. ومش حتبقى للبيع :cry:

اقتباس:

---

متتوقعش نجاح فيات مع وكيلها الحالى

شوف وكيل فورد معندوش غير عربية واحدة و كل اسبوع اعلان و اعلانات فى الاف ام, و مش ياكت

الوكيل ده نايم على نفسه, و شكلهم مش محترفين

---

كلام 100 % "" للاسف مظبوط "" توكيل مش محترف بالمرة .. اساسة توكيل افيكو وسيارات فيات للنقل الخفيف فى السعودية ... معرفش اية الى جابة مصر :evil: :!: :!: :!: :?: اتمنى حاجة من اتنين.. اما انة ينجح فى تحقيق احلام فيات فى مصر ... او ان التوكيل يتسحب منة وحد زى عبد اللطيف جميل يمسكة .. وياخد معاة وكالة الفاروميو ولانشيا وميزراتى وفيرارى كمان :mrgreen: .. ماهو كلهم تحت اسم فيات جروب .... طبعا كلها احلام وردية :?

اقتباس:

---

ASK ME !!!

---

:lol: اسأل مجرب ولا تسأل طبيب .. تنطبق على حضرتك بالظبط مع اوماترا ....




بس يا جماعة بعيد عن موضوع التوكيل والخدمة والحاجات دية كلها .... العربية دية جامدة جدااااااااااااااااا ....
:mrgreen: انا عارف ان فى حد حيتريق ويقول انها مش شبح .... انا عارف انها مش شبح ولا عفريت كمان .. بس تخيل نفسك راكب عربية 1400 ... " يعنى توفير بنزين " .. و الناس يبصو على البادج يلاقو فيات .. يقوم واحد بجولف ولا استرا الجديدة ولا حتى بى ام 318 .. يقول ... هاتة لما العب بية شوية .................... والنتيجة .. احتمال يركن على جنب ... من كتر الصدمة العصبية الى حتجيلة ... ازاى بونتو تطلع منى ... وبالشكل دة :mrgreen:

فى انتظار مكوك الفضاء Grande Punto T-Jet 150 Sporting :twisted: انا مستنى اشوف نسبة التسارع :twisted: :twisted:
8)

فيات طول عمرها مواتيرها بتتميز انها عصبيه جدا و الامثله كتير.
يا باشمهندس مهاب انا مره في الامارات كنت راكب عربيه نيسان صني و ماشي 140 او 150 في الحدود دي والطرق هناك بتخليك تجر و فجأه الاقي عربيه بونتو ابارث صفرا معدي من جنبي زي الصاروخ ووصلت لحد 180 و برضه ما عرفتش احصله!!!!!!!!
مواتير فيات طول عمرها مرنه و عصبيه و اعلي قوي حصانيه في فئاتها

وهو ده السبب اللافت و الوحيد الي خلاي اجيب الباليو

بيمنا كانت كل السيارات الصغيرة الي تعتبر في نفس الفئة ( البكانتو - التو - ابيزا - بونتو - شاريد ) كلهم حتى الأكسنت ال1300 كانت 65 حصان او حاجة كدة باستثناء الياريس ال 92 حصان

الباليو كانت اقوى موتور 1242 سي يس 83 حصان , من صفر الى 100 في 12 ثانية
والتسارع ده لو شوفتوا ارقام ال 1600 حتلاقوا مقارب و سعات اكتر

بس طبعا بعد حاجز ال 120 , فرق الحصنة و السي سي بيبان :]

انا صديقي معاه بيجو 307 CC
1600 سي سي .. لمل بنطلع عللى الدائري من الآول السرعات من 40 لحد ال 120 كدة انا قدام.. بس يبتدي يقرب لحد 130 مثلا و بعدين مش بشوفه :)
بس هو بيتجنن مني جدا ! lol

على العموم انا حعمل حاجة من الاتنين

يا حبيع سيارتي
حشتري موتور باليو سبورتنج من تركيا
و هو نفس موتوري فاير و لكن 1600 سي سي 121 حصان :) في سيارة في حجم سيارتي , حتاكل الطريق ....
لو فضلت شغالة بس بعيد عن الوكيل الحقير ده

المعلومات الدقيقة بخصوص الباليو:
Engine capacity 1242 cm3
Number of valves 16 DOHC
Max Power 80.22 hp 5500 rpm
Max torque 118 Nm (rpm) 4000 rpm
Top speed 168 km/h
Acceleration 0-100 km/h 12.2 s

وبالمناسبة أخر إنتاج برازيلى لها 2007
أما موديلات 2008 فنزله بشكل جديد ويمكن مشاهدتها على الربط التالى:

http://www.globalautoindex.com/picvi.../4876/6200&n=8

تصليح , اخر موديل 2008 نازل من البرازيل فقط .. تركيا مازالت تستخدم الشكل الحالي و الصين تستخدم شكل اقدم
بينما امريكا الجنوبية تستخدم شكل 2008

تصليح اخر , هي مش 80.22 زي محضرتك اشرت , انت حولت من كيلو وات لي حصان انا فاهم بس للموديل الغلط ..

60 كيلو وات = 80.22 حصان بس ده بالنسبة للموديل ال 8v

الغريب انه في الكتالوج الأصلي مكتوب انها 83 حصان بينما الموقع الخاص بيقول انها 80 كيلووات , يعني 108 حصـــان !!!

طبعا انا نفسي اصدق التانية :)

ممكن ربط الموقع المذكور فيه 80 كيلووات...

كريم باشا أعتقد حضرتك تقصد باليو97 وليس 87 لأن مكانش فيه باليو فى سنة 87 وعلى فكره موديل 97 قدرته 75 حصان .ورجاء موفاتنا بالربط الموقع المذكور فيه 80كيلووات

سألت عن العربية دي في ال معرض. أكدولي انها هاتنزل مصر بعد شهر. هاتنزل بابين ب 130 الف.

أنا قرأت حاجة ملفتة. ان أغلب المواتير ال 1400 تي-جيت بتنزل 150 حصان، حتى لو انت مستلم عربيتك 120. ده بسبب ان فيات بيقللو المواصفات الرسمية لموديلاتهم العادية عشان ماتضربش الموديل الابراث. والله اعلم.

شكرا على الموضوع و ان شاء الله تنزل مصر و بسعر معقول حتكتسح

اقتباس:

---

المشاركة الأصلية كتبت بواسطة معاذ الشرباصى

متتوقعش نجاح فيات مع وكيلها الحالى

شوف وكيل فورد معندوش غير عربية واحدة و كل اسبوع اعلان و اعلانات فى الاف ام, و مش ياكت

الوكيل ده نايم على نفسه, و شكلهم مش محترفين

---

صح كدة....

مهما كان قوة العربيه ونجاحها...لازم يسندها التوكيل....مش اشترى العربية واتسوح بعد كدة...

اقتباس:

---

المشاركة الأصلية كتبت بواسطة mohabsaeed

بس يا جماعة بعيد عن موضوع التوكيل والخدمة والحاجات دية كلها .... العربية دية جامدة جدااااااااااااااااا ....
:mrgreen: انا عارف ان فى حد حيتريق ويقول انها مش شبح .... انا عارف انها مش شبح ولا عفريت كمان .. بس تخيل نفسك راكب عربية 1400 ... " يعنى توفير بنزين " .. و الناس يبصو على البادج يلاقو فيات .. يقوم واحد بجولف ولا استرا الجديدة ولا حتى بى ام 318 .. يقول ... هاتة لما العب بية شوية .................... والنتيجة .. احتمال يركن على جنب ... من كتر الصدمة العصبية الى حتجيلة ... ازاى بونتو تطلع منى ... وبالشكل دة :mrgreen:

فى انتظار مكوك الفضاء grande punto t-jet 150 sporting :twisted: انا مستنى اشوف نسبة التسارع :twisted: :twisted:
8)

---

كلام جامد جدا فعلا هيتصدم صدمه جمده أوى و ده اللى حصل فعلا بس بين البرافو و الجولف ما بالك بقى أن البونتو أخف فى الوزن كمان من البرافو فعلا هتكون صدمه جمده أوى عليهم

العربية الفيات بونتو المستعمله بكام ؟؟؟؟؟؟؟؟؟؟موديلات قبل سنه 2000 وبكام موديلات بعد سنه 2000 لو سمحتم ياجماعه

اقتباس:

---

المشاركة الأصلية كتبت بواسطة monsif

كلام جامد جدا فعلا هيتصدم صدمه جمده أوى و ده اللى حصل فعلا بس بين البرافو و الجولف ما بالك بقى أن البونتو أخف فى الوزن كمان من البرافو فعلا هتكون صدمه جمده أوى عليهم

---

Golf Vs Bravo =:khd:

اقتباس:

---

المشاركة الأصلية كتبت بواسطة GGBEBE

العربية الفيات بونتو المستعمله بكام ؟؟؟؟؟؟؟؟؟؟موديلات قبل سنه 2000 وبكام موديلات بعد سنه 2000 لو سمحتم ياجماعه

---

حضرتك الاستفسار مش فى مكانه الصحيح ... ممكن تسأل فى قسم البيع و الشراء او قسم فيات فى موضوع جديد .

عموما للاسف انا معنديش فكره عن الاسعار دلوقتى وصلت لكام لان كل اسعار العربيات نزلت .

هى العربية لسه موجودة فى التوكيل ؟؟ و ياريت اسعارها

سعرها كام دي يا رجاله

هى كانت نازله من فتره ب 120 الف جنيه بنسخه3 باب فقط ... مش عارف حاليا سعرها كام .

شكرا على المعلومه وفى انتظار نزولها والتفاصيل الكامله