عربيتي اوكتافيا a5 موديل ٢٠٠٧
سحب العربيه ضعيف جدا جدا بحس اني جارر ورايا ترله
رغم تغيير فلتر الهواء والبوجيهات وفلتر البنزين
ممكن يكون ايه السبب ؟؟؟؟
عرض للطباعة
عربيتي اوكتافيا a5 موديل ٢٠٠٧
سحب العربيه ضعيف جدا جدا بحس اني جارر ورايا ترله
رغم تغيير فلتر الهواء والبوجيهات وفلتر البنزين
ممكن يكون ايه السبب ؟؟؟؟
كشفت علي العربيه بالكمبيوتر
الغربيه قرأت حساس الجكمان بس
هل يمكن ان يكون حساس الجكمان هو السبب في هذا
لو ما استخدمتش منظف دورة الوقود قبل كده فده وقته...
منظف دورة الوقود والبخاخات بيشيل كل الترسبات اللي تعوق دخول الهواء بانسيابية إلى غرفة الاحتراق..
غالبا بعد فترة من الاستخدام .. وبالذات مع الزيوت المعدنية.. بتتكون رواسب كربونية كتير في مانيفولد السحب.. لإن رذاذ الزيت بيدخل مع الهوا والبنزين من فتحة الـPCV أو بلف السايكون (بلغة الصنايعية).. وده شيء طبيعي موجود في كل المواتير بلا استثناء..
تقدر تاخد فكرة أكبر عن الموضوع ده من هنا:
https://www.nilemotors.net/Nile/418186-a.html
المسألة بتبقى عامل زي واحد عنده زكام ومش عارف ياخد نفسه..
زي الصورة دي..
http://pawlikautomotive.com/wp-conte...TDI-Intake.jpg
المفروض الماسورة دي تكون بتلمع من جوه...
وده شكل الصبابات قبل التنظيف
http://thechronicleherald.ca/sites/d...5EDK5U8.11.jpg
أكيد إن شاء الله هتحس بتحسن كبير بعد التنظيف... وأنصحك تستخدم منظف دورة الوقود والبخاخات كل 5000 كيلومتر علشان تحافظ على موتورك دايما فايق...
أنصحك بعد كده كمان تنظف بوابة السحب.. ودي البوابة اللي بتحدد كمية الهوا اللي بيدخل السلندر وبتفتح حسب دوسة رجلك على دواسة البنزين..
https://encrypted-tbn0.gstatic.com/i...I92UBUOGkR9Czd
تنظيف البوابة هيخليها تتحرك بسهولة أكبر من أقل دوسة على الدواسة وهتخلي استجابة الموتور أسرع بكتير.
البوابة تقدر تعرف مكانها بسهولة.. وهي أو جزء معدني في الموتور بيقابل الخرطوم الكبير اللي جاي من فلتر الهوا
في الصورة دي هو الجزء الفضي في أعلى الموتور اللي الخرطوم واصل عليه.
https://www.autonavigator.hu/wp-cont...574_source.jpg
تنظيف البوابة ممكن يتعمل بشوية بنزين وجاز أو باسبراي مخصوص (بردو عبارة عن بنزين وجاز).. وغالبا بعد التنظيف بتحتاج تعمل إعادة برمجة للعربية.
لو السحب ما تحسنش بعد النظافة دي .. ساعتها تبقى تدور على الحساسات.
...
متشكر جدا جدا علي الرد والشرح الجميل ده