رقم العضوية : 40781
تاريخ التسجيل : 21May2009
المشاركات : 12
النوع : ذكر
الاقامة : Cairo
السيارة: Nothing
السيارة[2]: Elentra
الحالة :
السلام عليكم جميعا
كنت عاوز اشتري فورد فيستا ٢٠١٨ اوتوماتيك الجديدة بس مش متاكد إذا كانت نزلت السوق في مصر ولا لسة، وكام سعرها ؟ وهل حد يرشحها كسيارة هاتشباك، على كونتاكت كارز مافيش غير فيستا ٢٠١٧ مانيوال، لو ممكن حد يفيدني عامة في اختيار فورد فيستا سواء كانت ٢٠١٧ أو ٢٠١٨ كسيارة صغيرة هاتشباك ،
- مواصفاتها
- مميزاتها
- وعيوبها،
- صيانتها وقطع غيارها وتوفرها
- لو حبيت ابيعها بعد ٤ أو ٥ سنوات هل سوق البيع بتاعها هيكون ضعيف فعلا زي ما سمعت ؟
اخر حاجة، للأمانة انا كنت هشتري اصلا رينو ستيب واي ٢٠١٨ الجديدة، بس واحد صاحبي هو اللي خلاني اعيد التفكير وبيقولي أن فيستا في الفئة دي افضل بكتير من رينو ستيب واي
متشكر جدا ليكم
رقم العضوية : 103596
تاريخ التسجيل : 14Jun2011
المشاركات : 1,148
النوع : ذكر
الاقامة : Egypt,Cairo
السيارة: BMW e36 328i
السيارة[2]: Brilliance Frv 1.5
دراجة بخارية: -
الحالة :
علي حد علمي ان فييستا 2018 نزلت من فتره قريبه و تقدر تدخل علي صفحتهم الرسميه علي فيس بوك او علي كونتاكت كارز علشان تشوف المواصفات و الاسعار , عموما الفئات الاوتوماتيك بتبتدي من 300 الف جنيه و بتوصل لحد 375 الف جنيه و في كمان فئه اعلي ب 400 الف جنيه بس بتبقي كوبيه - بس انصحك برضه تتاكد ان الاسعار دي مزادتش في خلال الفتره ال فاتت - , بالنسبه لاني ارشحهالك او لا ف للاسف ده مش هقدر اساعدك فيه لاني مش من ملاك فورد بوجه عام , مع ذلك سمعه اوتو جميل كويسه قوي و من تجارب قليله شفتها مع اصحابي توكيلهم فعلا محترم , و اسعار قطع غيارهم -بوجه عام- اقل من منافسينها في كل فئه موازيه , بس بصراحه في رايي الشخصي السعر بتاع الفييستا مبالغ فيه و بيفقدها تنافسيتها في اسعارها ال كانت من اقوي مميزاتها زمان خصوصا انها عربيه شبابي مش هتناسب الاستخدام العائلي و بالنسبالي الفوكاس ال 2017 هتبقي اختيار افضل طبعا لو هشتري عربيه في الفئه السعريه دي , عموما من المتوقع جدا ان الفوكاس ال 2018 لما تنزل هتكسر حاجز ال 500 الف او هتبقي في حدوده ده غير ان غالبا هيشيلوا شويه من الاوبشنز بتاعتها ال في الجيل الجديد بس دي معلومات مش اكيده لانها في الاخر كلها توقعات من غير اي تصريحات رسميه , نصيحتي ليك بوجه عام انك تشوف افضل فئه تناسبك من عربيات فورد و تختارها لانهم كلهم ممتازين علي مستوي الامان و الثبات و الموتور و الفتيس و تقريبا معظم النقط ال بندور عليها يمكن بس اقل نقطه فيها هي اعاده البيع ال مش بتتقارن بالعربيات الكوري و الياباني في سرعه بيعهم و كم الطلب عليهم و يمكن مع الوقت النقطه دي تتلاشي لما العربيه تاخد سمعه كافيه في السوق المصري باذن الله
المفضلات