إحلق شنبك بمزاجك بدل ما يتحلقلك في الشارع غصب عنك ؟؟

**nasr-eldeen** · 14-12-2008 04:22 PM

عفواً على العنوان بس القافية تحكم !!!!:k10::k10::k10:
من يومين فوجئت بأحد أصدقائي يتصل بي في الحادية عشر مساءاً ، ويطلب مني خدمة أيه ياعم الخدمة قال لى مفتاح جراجك علشان النور ليه يا عم قال لي أن أحد زملاءه في العمل أتصل به وقال له أنه رأى لجنة في مصر الجديدة وكانت تضم رتب مختلفة من العسكري حتى اللواء ومعهم عمال وأن أي سيارة سواء ماتريكس أو سوزوكي أو تريوس أو حتى 4*4 ويكون بها صداد أمامي ( شنب) أو أعتاب أو صداد خلفي أو ما شابه يتم خلعة ( حلقة ) ومصادرته أو سحب الرخصة .
وعليه قام صديقي بفك الشنب فقط من الماتريكس بتاعته .
وفي اليوم التالي وجدت لجنة مشابهة في شارع الهرم قامت بإيقاف سيارة جراند فيتارا بسبب الإكسسوارات إللي متركبة في السيارة بس لا أعرف إن كان تم فكهم أم لا .
ولاحظت طول الطريق أن جميع السيارات تقريباً فاكة ( حالقة)الشنب وتاركة الأعتاب والصداد الخلفي .:k40::k40::k40:
فقولت أنبه على السادة الأعضاء.
ودمتم.

**Karim_Monir** · 14-12-2008 04:31 PM

يا رب يا اخي تتشال كلها
لانها بصراحة منتهى الافتراء
لو ريح على عربيتك تريحة خفيفة يبهدلك العربية من ورا وهو مايحصلوش حاجة
ولو خبط بني ادام بسرعة خفيفة من 40 الى 60 كم هايبهلدوة ان ماكنش يموته
بصراحة اختراع غاية في القسوة ولا يستخدم في الاستخدام الطبيعي له
شان كل الاشياء في مصر

**drhaytham** · 14-12-2008 04:45 PM

احسن حاجة والله انا باكره الدفندر ده جدا لأنه مؤذي جدا جدا

**Osama_soliman** · 14-12-2008 04:55 PM

الحمد لله

عربتى مهاليش شنب ولا شعر

قرعةةةةةةةةةةةةةة ههههههههههههههههههههههههه

**Hosam_Optrawy** · 14-12-2008 05:17 PM

انا اصلا مبحبش الشنب
وعلى فكره من كام يوم شوفت توكتوك مركب شنب بس من ورا

**AshTurbo** · 14-12-2008 05:21 PM

مع أن العنوان معجبنيش بس أنا بشكر قانون المرور وبشكر الظباط اللي بتخلصنا من الناس اللي راكبة عربيات مدرعة ومصفحة ضد أي خدوش على مبدأ يلا نفسي و ياروح ما بعدك روح ولا كأن في عربيات ماشية معاهم في الشارع ويتبدل الحال من مدن متحضرة ومتقدمة الى غابات يحكمها مبدأ البقاء للأقوى وأنا متأكد أن لو أي واحد فيهم عمل حادثة هينزل سعيد ومطمن أن عربيته مفيهاش خدشة واحدة في حين أنه تسبب في تدمير سيارة الشخص المسكين اللي نسى يركب(المزنجر) اللى حيخلصه من كل هؤلاء الأشرار اللذين لا هم لهم سوى تدمير سيارته الحبيبة .

**mahamedaraby** · 14-12-2008 06:06 PM

شفته فى عربيه اسبرنزا 516 السيدان والصراحه كان شكل العربيه مقرف اوى

بس اهيه اى حاجه تاذى بيها الناس وخلاص

يارب يتشال من العربيات اللى عامله تاذى الناس