انا اتضحك عليا النهاردة يا جدعان

**ASKAFRAWY** · 14-12-2008 07:56 PM

حسام باشا ماتزعلش اليعيش ياما يشوف المهم ان الطيبة والذوق فى الزمن دة مبقوش ينفعوا
باين كدة ان الواحد لسة عايش فايام الزمن الجميل ميعرفش ان الناس بقت خلاص عاوزة............................
ولايهمك

**ASKAFRAWY** · 14-12-2008 08:01 PM

المشاركة الأصلية كتبت بواسطة hossam_nasr

انا و صاحبى احمد الكفراوى كنا النهاردة كنا بنذاكر فى نادى المهندسين و احنا بنذاكر لقينا واحدة بتنادى و بتقول يا استاذ يا استاذ فالتفتنا ناحيتها
فقالت ممكن اعمل مكالمة دقيقة من موبايلك . بصراحة انا قلت مش ممكن حد يطلب طلب زى دة من حد ميعرغهوش الا لو كان فعلا مزنوق فقلت مش مشكلة هية يعنى المكالمة بكام و اديتلها التليفون و فضلت تتكلم وثلاث دقايق فاتو مش واحدة و كانت قاعدة تهزر فالتليفون كانه تليفون ابوها

و بعد كدة اديتنى الموبايل طبعا اتكسفت اشوف اتكلمت قد اية . المهم لقيتها قامت بعد ما اديتنى الموبايل و مشت
فقولت اشوف الرصيد و لقيته نقص 15 جنية فبصيت على النمرة اللى كلمتها لقيتها اتكلمت دولى

حد يصدق ان ممكن واحدة تعمل كدة و على فكرة شكلها عادى خالص لا يدل على شىء

انا عايز اسالكوا لو حصل معاك كدة حتعمل اية؟؟؟؟؟؟؟؟؟؟:k40:

انت نسيت ياباشا!!مش قالتلك دا اخويا الكنت بكلمه ولو اتصل ماتقولش انى كنت فالنادي انا كنت......................بشتري حاجات
كمل الحكاية

\

**pro_samir** · 14-12-2008 10:36 PM

انت مش غلطان ومحدش بيتعلم ببلاش

اللى الواحد المفروض يتعلمة انة يساعد الناس اوك مفيش مشاكل
بس يتحرى الدقة الأول ولو بأسئلة بسيطة

يعنى ابسط حاجة الناس اللى تيجى تقولك انا من المريخ ومحفظتى وقعت وعايز حق الميكروباص .. ابسط حاجة تسألة الأجرة كام و ورينى بطاقتك مثلا تشوفة منين
اسئلة بسيطة يعنى بس الواحد يبقى عمل اللى علية على الأقل علشان ميحسش انة اتقرطس

دة المفروض يعنى

بس مين بقى اللى بيعمل كدة

**D . a .\ AYMAN** · 15-12-2008 12:01 AM

المشاركة الأصلية كتبت بواسطة shanodaa

نصيحه بلاش تخلي اي حد غريب يستعمل موبيلك ممكن يسبب لك مشاكل جامده جدا
بنت كانت هربانه من اهلها واتصلت بخالها من موبيلي بعد استاذان مني ووجدت تليفوني يرن يسئل عليها اكثر من شخص حتي اني اخبرتهم بمكاني وظروف عملي ولم ي

المصيبة اللى بجد بقى إن ييجي واحد يتكلم من تلفونك ويعمل مكالمة مع واحد تلفونه متراقب ويكلموا مع بعض في تفاصيل جناية مثلا ... طبعا في الظروف اللى زي دي حضرتك اللى هاتتجاب وتتسئل عن الموضوع وإثبت بقى انه كان مجرد واحد معدي في الشارع ... وعلى فكرة الواقعة دي حصلت كذا مرة

أنا شايف ان الحل للموضوع ده ...(عشان ماتبقاش برضه رفضت طلب لواحد مزنوق)... إنك انت اللى تطلب الرقم للشخص المزنوق في المكالمة وانت اللى تكلم الطرف الآخر كمان على السماعة وتفهمه ان فلان عايز يكلمك من تلفوني وانا معرفوش خالص ... والله عاجبه كان بها مش عاجبه خلاص ولو مزنوق فعلا هايوافق

**MissHappy** · 15-12-2008 12:14 AM

المشاركة الأصلية كتبت بواسطة NYSMA

المصيبة اللى بجد بقى إن ييجي واحد يتكلم من تلفونك ويعمل مكالمة مع واحد تلفونه متراقب ويكلموا مع بعض في تفاصيل جناية مثلا ... طبعا في الظروف اللى زي دي حضرتك اللى هاتتجاب وتتسئل عن الموضوع وإثبت بقى انه كان مجرد واحد معدي في الشارع ... وعلى فكرة الواقعة دي حصلت كذا مرة

ينهار ابييييييييض

فعلا مشكلة رخمة وموقف ارخم ويحرق الدم

تعيش ومتاخدش منها تانى يا hossam_nasr ان شاء الله

**hossam_nasr** · 15-12-2008 12:30 AM

المشكلة انها بتحسب ان هية كدة شاطرة و لكن اللى هيه مش عرفاه انها كدة بقى عليها دين ليوم القيامة لان دى تعتبر سرقة . اللى يدايق مش الفلوس بس الحركة نفسها حقيرة

**bee** · 15-12-2008 12:44 AM

عارف لما قريت كلامك جه في بالي طريقة جديدة من طرق النصب وتخيلتك بتقول انها حولت 15 جنيه رصيد من تليفونك .. مهي ممكن تحصل وانتي هتفتكرها بتتصل

-

-

-

الموضوع: انا اتضحك عليا النهاردة يا جدعان

LinkBack

أدوات الموضوع

عرض

-

-

-

-

-

-

المواضيع المتشابهه

أنا حاسس ان اتضحك عليا

هو ده عيب فيميه ولا عيب تركيب ولا اتضحك عليا؟

حاسس ان اتضحك عليا

هو انا كده اتضحك عليا ولا لا؟

هو كدا اتضحك عليا و لا لأ

الكلمات الدلالية لهذا الموضوع

المفضلات

المفضلات

ضوابط المشاركة