انا اتضحك عليا النهاردة يا جدعان

**hossam_nasr** · 14-12-2008 06:21 PM

انا و صاحبى احمد الكفراوى كنا النهاردة كنا بنذاكر فى نادى المهندسين و احنا بنذاكر لقينا واحدة بتنادى و بتقول يا استاذ يا استاذ فالتفتنا ناحيتها
فقالت ممكن اعمل مكالمة دقيقة من موبايلك . بصراحة انا قلت مش ممكن حد يطلب طلب زى دة من حد ميعرغهوش الا لو كان فعلا مزنوق فقلت مش مشكلة هية يعنى المكالمة بكام و اديتلها التليفون و فضلت تتكلم وثلاث دقايق فاتو مش واحدة و كانت قاعدة تهزر فالتليفون كانه تليفون ابوها و بعد كدة اديتنى الموبايل طبعا اتكسفت اشوف اتكلمت قد اية . المهم لقيتها قامت بعد ما اديتنى الموبايل و مشت
فقولت اشوف الرصيد و لقيته نقص 15 جنية فبصيت على النمرة اللى كلمتها لقيتها اتكلمت دولى حد يصدق ان ممكن واحدة تعمل كدة و على فكرة شكلها عادى خالص لا يدل على شىء

انا عايز اسالكوا لو حصل معاك كدة حتعمل اية؟؟؟؟؟؟؟؟؟؟:k40:

**kimo-nubira** · 14-12-2008 06:28 PM

سووري يعني ديه واحده مش محترمه لو واحده محترمه هاتكسف تعمل كده اصلا

انت فكرتني بموقف حصل معايا قريب جت واحده من اياهم دول وطلبت مني سجاره

وكنت واقف ساند على شنطه عربيتي ومولع سجاره وحاطط علبه السجاير علي الشنطه

رديت عليها وقلتلها بطلت سجاير

خدت في وشها وطارت

**نور القمر** · 14-12-2008 06:28 PM

[align=center]معلش يا حسام اعمل الخير وارميه البحر
مش يمكن كانت مزنوقه في مكالمة دولي
هو يعني الواحد ما ينفعش يتزنق غير في مكالمة محلي هههههههههههههههههه

انا بقه لو مكانك مبقدرش حد يطلب مني مساعده وارفض
لكن لو اكتشفت انه اتضحك عليا امممممممممممم مش هعمل حاجة بردو هرضى بقسمتي واسكت [/align]

**kimo-nubira** · 14-12-2008 06:31 PM

المشاركة الأصلية كتبت بواسطة نور القمر

معلش يا حسام اعمل الخير وارميه البحر

مش يمكن كانت مزنوقه في مكالمة دولي
هو يعني الواحد ما ينفعش يتزنق غير في مكالمة محلي هههههههههههههههههه

انا بقه لو مكانك مبقدرش حد يطلب مني مساعده وارفض
لكن لو اكتشفت انه اتضحك عليا امممممممممممم مش هعمل حاجة بردو هرضى بقسمتي واسكت

بس يانور كده احنا اللي بنشجعهم اللي محتاج مساعده بجد بتبقي نفسه عزيزه عليه جدا

وساعتها احنا اللي لازم ندور على الناس اللي محتاجه مساعده مش هما اللي يدورو علينا

**نور القمر** · 14-12-2008 06:40 PM

[align=center]طيب يا كريم مرة حصلت معايا وخرجت من البيت ودخلت مول قريب من البيت ولميت اشكال والوان اشتريها

وجيت احاسب اكتشفت اني خرجت بشنطة ايد مفيهاش حجة خالص لا فلوس ولا موبايل ولا حتى مفتاح الشقة
والمشكلة كنت لسه ساكنه جديد في العمارة معرفش حد ولا حد يعرفني
مبقتش عارفه اتصرف ازاي طبعا الحاجة سيبتها وخلاص ما اشترتش لكن المشكلة ادخل الشقة ازاي
دخلت سوبر ماركت بتعامل معاه ديما وطلبت من الرجل صاحبه الموبايل وقلت له هابعت لك تمن المكالمة مجرد ما اروح
كنت طبعا هتصل بجوزي يجي يفتح لي
بصراحة اداني الموبايل على مضض كنت بقول يا ارض اتشقي وابلعيني علشان اتحطيت في موقف زي ده
وفعلا لما روحت بعتلو تمن المكالمة بس رفض ياخدها
يعني احيانا الواحد بيتزنق بجد وساعتها انت مش هتقدر تفرق بين اللي محتاج مساعدة بجد واللي بيستهبل[/align]

**shanodaa** · 14-12-2008 06:46 PM

نصيحه بلاش تخلي اي حد غريب يستعمل موبيلك ممكن يسبب لك مشاكل جامده جدا
بنت كانت هربانه من اهلها واتصلت بخالها من موبيلي بعد استاذان مني ووجدت تليفوني يرن يسئل عليها اكثر من شخص حتي اني اخبرتهم بمكاني وظروف عملي ولم ي

**TaoTao** · 14-12-2008 07:09 PM

المشاركة الأصلية كتبت بواسطة shanodaa

نصيحه بلاش تخلي اي حد غريب يستعمل موبيلك ممكن يسبب لك مشاكل جامده جدا
بنت كانت هربانه من اهلها واتصلت بخالها من موبيلي بعد استاذان مني ووجدت تليفوني يرن يسئل عليها اكثر من شخص حتي اني اخبرتهم بمكاني وظروف عملي ولم ي

المشاكل اللي بالشكل ده مابتكونش في بال الواحد فعلاً لما بيحب يقدم خدمة بحسن نية.
شكراً للتنبيه

**hossam_nasr** · 14-12-2008 07:10 PM

فعلا يا جماعة لازم الواحد ياخد باله اكتر من كدة بس الواحد بيقول لنفسه لما اساعد الناس حلاقى اللى يساعدنى مش كدة و لا دلوقت الواحد مينفعش يثق فى حد

**NaviGator_13** · 14-12-2008 07:20 PM

انتا اللى غلطان ياحسام باشا
ولا البنت شكلها عاجبك ! ههههههههههههههههه

**ASKAFRAWY** · 14-12-2008 07:51 PM

المشاركة الأصلية كتبت بواسطة NaviGator_13

انتا اللى غلطان ياحسام باشا
ولا البنت شكلها عاجبك ! ههههههههههههههههه

ياباشا البنت شكلها............................
ولا بلاش عشان الرقابة هو حسام الطيب وحاول يساعد مش اكتر

الموضوع: انا اتضحك عليا النهاردة يا جدعان

LinkBack

أدوات الموضوع

عرض

-

-

-

-

-

-

المواضيع المتشابهه

أنا حاسس ان اتضحك عليا

هو ده عيب فيميه ولا عيب تركيب ولا اتضحك عليا؟

حاسس ان اتضحك عليا

هو انا كده اتضحك عليا ولا لا؟

هو كدا اتضحك عليا و لا لأ

الكلمات الدلالية لهذا الموضوع

المفضلات

المفضلات

ضوابط المشاركة