مشكلة تأخير غيارات سيفيك 92 اتوماتيك وسؤال عن فياتر زيت الفيتيس

**engmesk3** · 02-08-2018 11:36 AM

السلام عليكم يا رجالة الهوندا
كان عندي مشكلة في الفتيس وهي اني لما كنت بحطها علي ال D ماكانش بيجي الغيار الاولاني والموتور صوته يعلي وبس فكنت بضطر انقل علي 2 وبعدين انقل ل d4 والحمد لله المشكلة اتحلت بعد تغيير اورينج جوه الفيتيس ..
لكن بعد ماقفلنا لاقينا الفيتيس بتتاخر غياراته جدا والعربية باردة .. لو سخنتها 5 او 10 دقايق تمشي افضل بنسبة كبيرة.. مش عارف ايه حل المشكلة دي ؟؟
بفكر اغير زيت الفيتيس وبسال هل الفتيس الاتوماتيك (الاتنين شجرة) بتاع 92 ليه فلتر زيت؟؟ ولا لأ

شكرا

**borio1704** · 02-08-2018 11:25 PM

لو حضرتك ما غيرتش الزيت يبقى المفروض تغيره...

حسب الكتالوج .. زيت الفتيس لازم يتغير كل 50 ألف أو سنتين... أيهما أقرب.

الزيت المطلوب للفتيس الأوتوماتيك اسمه Dexron II.. وده يكافئ زيت موبل ATF 220

وممكن تحط زيت Dexron III (موبل ATF 320).. وده المفروض يديك أداء أحسن.

حسب الموضح في كتالوج الصيانة .. ما قدرتش ألاقي أي حاجة تدلني على وجود فلتر في الفتيس..

في الرابط اللي تحت ده كتالوج الصيانة الأصلي بتاع الهوندا سيفيك 92.. فيه كل تفصيلة كبيرة وصغيرة عن صيانة عربيتك.. بس حجمه كبير شوية (105 ميجا)..
1992-1995 Honda Civic Service Manual - iFixit

...

**SAMEH_FOUAD** · 01-10-2018 02:24 PM

المشاركة الأصلية كتبت بواسطة engmesk3

السلام عليكم يا رجالة الهوندا
كان عندي مشكلة في الفتيس وهي اني لما كنت بحطها علي ال D ماكانش بيجي الغيار الاولاني والموتور صوته يعلي وبس فكنت بضطر انقل علي 2 وبعدين انقل ل d4 والحمد لله المشكلة اتحلت بعد تغيير اورينج جوه الفيتيس ..
لكن بعد ماقفلنا لاقينا الفيتيس بتتاخر غياراته جدا والعربية باردة .. لو سخنتها 5 او 10 دقايق تمشي افضل بنسبة كبيرة.. مش عارف ايه حل المشكلة دي ؟؟
بفكر اغير زيت الفيتيس وبسال هل الفتيس الاتوماتيك (الاتنين شجرة) بتاع 92 ليه فلتر زيت؟؟ ولا لأ

شكرا

كنت المفروض وانت فاكك الفتيس تنظف المصفاة او تغيرها , هية دية اللى بتقوم مقام الفلتر , وبتتباع جديدة فى التوكيل بتبقى زى شريحة كدة وفيها شبك مسامة مفتوحة رفيعة جدااااااااااا بحيث ماتنزلش اى رواسب بس طبعا مع الاهمال فى تغير الزيت بيبدأ الرايش والرواسب تتراكم وبتأثر على اداء الفتيس

عموما اللى انت بتتكلم فية دة ضعف فى اداء الفتيس ولازم يتفك ويتنظف الاول وبعد كدة تحط زيت ( موبيل - شيل - توتال ) atf 220 وبيتغير من 15-20 الف كيلو على حسب طريقة القيادة