الموضوع: صيانة فتيس كيا بيكانتو

طلب يا شباب الخبرة...........

هو في حد ممكن يرشحلي شخص بيعمل صيانه لفتيس كيا بيكانتو 2007 اوتوماتيك ويكون ( مركز او مهندس ) مضمونين او عندهم خبرة.

أرجو الرد في اقرب وقت ممكن يا شباب لان الواحد تعب بجد من الموضوع ده

المشاركة الأصلية كتبت بواسطة borio1704

اللي هقدر أساعدك بيه هو إنك لازم تتأكد من إن زيت الفتيس اللي هتحطه يكون زي طلبات الكتالوج بالضبط.. وإلا هيبقى عندك مشاكل...

حسب كتالوج عربيتك.. البيكانتو 2008 عايزة زيت ATF SP-III...

لو عايز تتأكد .. تقدر تنزل كتالوج عربيتك من هنا:
KIA Picanto 2008 - Owners Manual


لو كنت حطيت زيت mobil 320 فأنصحك تنزله وتعمل فلش علشان تنزله كله.. لإنه مش مطابق لمواصفة زيت SP-III

زيت ATF SP-III موجود من كذا ماركة... موجود عند ميتسوبيشي وكيا.. وموجود كمان عند مانول.. وفيه ماركات تانية ممكن تنفع مع أكتر من مواصفة زيت.. بس الأفضل هو استخدام الزيت المحدد في الكتالوج.

ادخل على الموضوع ده لو عايز تفاصيل أكتر..
زيت الفتيس atf sp-iii هو ال atf 320 (زيت الفتيس atf sp-iii هو ال atf 320 ؟)

...

والله يا هندسة اولا تسلم على ردك الجميل اولا انا الحمد لله عارف كل الكلام اللي حضرتك قولته بس انا كنت بدور على حد بيعمل صيانة للفتيس ان كان مركز او منهدس بس يكون عندهم ضمير ويكون حد جربهم قبل كده.

شكر لذوقك يا جميل لردك وتعبك معايا يا قمر