جزاك الله كل خير يا سامر . . وكل التحية مني علي شغلك الجميل في التوبيك وانتظرني قريبا بأسئلة جديدة . .
عرض للطباعة
جزاك الله كل خير يا سامر . . وكل التحية مني علي شغلك الجميل في التوبيك وانتظرني قريبا بأسئلة جديدة . .
السلام عليكم :-
رجعنا من جديد :-
1- بالنسبة للمساعدين تبع العربية عندي . . افضل طريقة للحفاظ عليهم ايه ؟ . . وللأسف الشوارع الجانبية فيها حفر كتير وزلط ده بالاضافة الي انها غير متسفلتة . . وكمان الكلام ده موجود في بعض الطرق الرئيسية!! . . هل الحفر دي والبلاعات تاثر علي مساعدين العربية . . ؟
2- بالنسبة للموضوع السرقة . . هل يكفي جهاز الانذار والغطا ولا لازم اعمل الزرار اللي بيتوصل بالموبينة علشان يفصل كهربة العربية ؟؟ وكلبش الدريكسيون ده موجود في محلات الاكسسوارات ؟ ؟
3- بالنسبة لفرامل ABS . . انا عارف ان الانسر 2006 فيها الخاصية دي . . بس للاسف اللمبة مش بتنور عندي في التابلوه لما المحرك بيدور . . هل ده يعني انها خربت ! ولا انها مش موجودة اصلا ؟ ؟
4- عجل العربية هل لازم يتيغير بعد فترة معينة . . وعندي عجلة غيرتها والجنط بتاعها ضاع . . ده ممكن يسبب تلف العجلة او الكوتش ولا لا ؟؟
5- عندي خدوش كتير في العربية . .في منها خدش صغير ولأسف في خدوش كبيرة الي حد ما . . ممكن الصنايعي يظبطها بحيث ما تبانش . . ولا لازم تدخل العربية فرن ؟ ؟
6- بالنسبة لظبط الزاويا في العربية . . في حد متخصص في المجال ده . . ولا اي ميكانيكي يقدر يعمله ؟ ؟
-=- اتمني الاسئلة تكون مفيدة وتفيد الكل . . في انتظار جوابك يا سامر -=-
السلام عليكم
انا الماستر العمومي عندي نصفة الخلفي ناحية الكباس باين ان في ارتشاح لسائل الفرامل
هل كدا محتاج يتغير ؟
أهلا بيك مرة تانية و أسف علي التأخر في الرد.
و بالنسبة للحفر و المطبات فهي بالتأكيد تؤثر في السيارة و لكن لا مفر منها في شوارع المحروسة و الحل الوحيد تحاول تهدئة السرعة قدر ما تستطيع عند المطبات.
أعتقد الإنذار كافي و لكن لا تحضر أنذار حساس لأي شئ فمثلا لو طلعت قطة علي السيارة تجد الإنذار أنطلق لكن حاول أن تحضر نوعا أقل حساسية.
و الغطا ليس له علاقة بالسرقة قدر ما له علاقة بالحفاظ علي السيارة.
و مفتاح الكهرباء لا أعتقد انه مناسب للسيارة و لموديلها فهذا قد يوضع في تاكسي أو سيارة قديمة و لكن لا أراه في سيارة حديثة و يكتفي بالإنذار و كلبش الدركسيون و هو موجود بالفعل في محلات الإكسسوار و ستجد الصيني في حدود 20 - 25 و لكن لا تشتريه لاني احضرته من أسبوع تقريبا و أعدته له مرة اخري فهو تالف من قبل ان يعمل أصلا و له مفتاحان مفتاح يعمل و الاخر معووج و لا يعمل طبعا فالإيطالي أفضل كثيرا و ستجده في حدود 25 - 35 تقريبا و هو الأغلي و الأفضل.
بالنسبة للـ ABS أعتقد بانه موجود في السيارة بالفعل و المفروض ان اللمبة تضي في أول تشغيل السيارة لمدة ثواني و تنطفئ تماما كلمبة الزيت و لا تضئ أثناء عمل السيارة الا لو وجد خلل في الـ ABS و يمكنك التأكد بفتح الموتور و رؤية ما إذا كان بها جهاز ABS ام لا و ربما تكون اللمبة الموجودة في التابلوه بها مشكلة فقط.
ملحوظة: ساحاول أحضار صورة لجهاز الـ ABS لمن لا يعرف شكله.
بصراحة في سؤال مش فاهمه اللي هو:
عجل العربية هل لازم يتيغير بعد فترة معينة . . وعندي عجلة غيرتها والجنط بتاعها ضاع . . ده ممكن يسبب تلف العجلة او الكوتش ولا لا ؟؟
هو عجل العربية يتغير لو تلف أو النقشة اللي فيه اتمسحت لكن موضوع الجنط اللي ضاع انا مش فاهمه لكن ممكن تجيب جانط تاني و تركبه في الكاوتش, بس أزاي الجنط يضيع لو كان قصدك البلاستيكة اللي بتركب في الجانط بتاع العجلة فدي أسمها طاسة أنا مش عارف ده قصدك و لا قصدك الجانط نفسه, و للعلم ضياع الطاسة البلاستيك ليس له أي تأثير بأي شكل علي الجانط او الكاوتش دي منظر أكتر منها فائدة.
الخدوش دي في كل العربيات متضايقش نفسك و لو حاجات بسيطة ممكن تتعمل بالقلم أنت بس تقول للصنايعي أعملها لي بالقلم و هو حيفهم و ده عشان متعملش بارومة و لو جزء كبير من الدهان متقشر و صعب يتعمل بالقلم ممكن يتحط معجون بس لحد لما تجدد العربية كلها لكن مش كل كام خدش ندخل العربية فرن لا طبعا كدة لأني دخول العربية الفرن ده مش رخيص.
ظبط الزوايا ده شئ تاني خالص ملوش اي علاقة بالميكانيكية و ده بتقوم بيه ورش مخصوصة لظبط الزوايا فقط منهم ورشة محسن مثلا و دي من اشهر الورش و أفضلها و ده ليه كذا فرع و لو تحب نتفق و اجي مع حضرتك تحت أمرك و الحكاية كلها بتكلف حوالي 20 جنيه و لو فيه مشكلة في العفشة لا قدر الله بيديك بيها Report أو تقرير و تدفع العشرين جنيه و تحل المشكلة و ترجع تعمل ظبط زوايا مرة تانية بالتقرير اللي معاك بدون أي تكاليف اضافية بس خلال اسبوع.
و يارب أكون أفدتك و أفدت الجميع و أرجو المعذرة لعدم الرد في نفس اليوم او تاني يوم و ده بيكون لظروف خارجة عن إرادتي.
أنا مستني أستفسارتكم و أسألتكم في أي وقت.
انا لسه جايب عربية زيرو جديدة من 3 شهور فيرنا
ولكن روحت كذا مره للتوكيل واشتكى من الفرامل.
لن اول ما جبتها كان بمجرد لمس الفرامل كانت تهدى ولو ضغط شوية صغيرين تقف العربية
لكن بعد ال 5000 حسيت ان الفرامل بتاخد مسافة كبيرة علشان تقف
وقوتها الكانت فى الاول راحت
وكل ما اروح التوكيل يعملوا رجلاش خلفى وهما افنعونى انه طبيعى
لحد ما الحمد لله العربية عملت بها حادثة اول امبارح بس العربية بازت من الامام لنى نلحقتش اقف
فرجوا حد يقولى ايه المقياس للفرامل يعنى امتى أأقول انه كويسه او لأ؟
مع العلم انه الفرامل بتاخد تقريبا نص المسافة لتحت علشان تبتدى توقف والزيت مضبوط وكل حاجه
ثانيا انا لما العربية بازت طبعا وديتها للتوكيل - غبور لنى مامن تبعهم تبع حاجه اسمها الجمعية المصرية ،، فهل حد عنده معلومات ايه نظام التامين ده لنى اول مره استخدمه واول سنة ومش عارف هل الناس ديه بتتاخر ولا ايه؟؟؟؟؟؟؟؟؟؟؟
وشكرا على المنتدى الجميل والمفيد جدا جدا جدا
آسف 5 شهور
اهلا بيك..
و حمد لله علي سلامتك و أنشاء الله العربية تتصلح و ترجع زي ما كانت و أحسن كمان..
و بالنسبة لكيفية التأكد من فرامل السيارة فأليك بعض الأشياء الهامة التي تؤكد لك أن فرامل السيارة جيدة أم لا:-
كيف أتأكد من جودة الفرامل؟؟
1- يكون مشوارها مش طويل لتحت.
2- (تجربة الفرامل العادية) تاخد سرعة بالعربية و تفرمل فجائي و لو صرخ العجل و توقف العجل عن الدوران يبقي الفرامل جيدة.
3- ألا تكون الفرامل ناشفة زيادة عن اللزوم يعني مشوارها قصير زيادة عن اللزوم و اول ما تدوس العربية تكلبش في الأرض.
4- تكون الفرامل مش محجرة لما تدوس تحس انك بتدوس علي طوبة و مع ذلك العربية مش بتفرمل و لا تتوقف.
5- عدم وجود حدفة يمين او يسار.
6- أن تكون الفرامل مستقرة و استقرار الفرامل بمعني الا تتوقف في مرة و مرة الفرامل تهرب.
7- عدم توقف عجلة واحدة فقط و الباقي لا و عدم توقف جميع العجل و عجلة واحدة لا أو ان تتوقف السيارة من ناحية الشمال فقط او اليمين فقط او من الامام فقط او الخلف فقط.
و في حالة حضرتك دي ممكن تكون العربية عايز يتاخد لها هواء و مش شرط طالما الزيت كامل يكون الزيت نفسه كويس ممكن تكون نوعيته مش كويسة.
فأهم شئ تراجع علي الماستر العمومي و سائل الفرامل و جودته و لو وجدتهم بحالة جيدة يبقي العربية دي محتاجة يتاخد لها هواء من دورة الفرامل عشان الفرامل تعلي و بس و بإذن الله بسيطة.
أما موضوع التأمين فلا أعرف عنه شئ و لو حد من الزملاء يحب يتكلم عنه أو عنده معلومات عنه فأهلا بيه.
السلام عليكم
انا معايا 128
لما ادوس على الفرامل جامد بتمسك كويس بس مش بالدرجة المطلوبة بس الفرامل كويسة جدااا و بتمسك حلو
المهم دلوقتي جي بشوف الماستر العمومي لقيتة زي مدلوق علية طبقة من الزيت كدا قولت يمكن حاجة تانية
لقيت الكباس بتاع الفرامل علية بردة زيت كتير قولت كدا في حاجة
حطيت ايدي من تحت لقيت سائل كدا روحت شوفت طعمة اية لقيتة مسكر و دوقت سائل الفرامل ليقتة نفس الطعم
كدا في تسريب لسائل الفرامل
يا ترى كدا اية المشكلة هل الكباس بيسرب زيت و لا الماستر العمومي
هي الفرامل كويسة و ما فيهاش حاجة خالص هل لو سيبت الزيت دة كدا هل في مشاكل ان الفرامل يحصلها تلف مفاجئ لا قدر الله و انا ماشي
و لا دة كدا خطر
الدبرياج اعرف ازاى انة فية مشكلة
اصل التوكيل قال انة لازم يتغير و انا عمرى ماشتكيت
من الدبرياج
أسف جدا للتأخر في الرد و لكن الكمبيوتر به مشاكل و ليس مشكلة واحدة و سأرد في اقرب وقت ممكن إن شاء الله.
معلش سوال جه على بالى كنت مرة راكب مع الميكانيكى ونازل من كوبرى اكتوبر
بسرعة جدا ولقيت حفرة كبير فى اخر المنزل وفرملت جامد فالميكانيكى قالى كده
خطر على العربية والفرامل الجامدة بتفتح شاسية العربية الكلام ده صح ولا لا
موضوع زي العسل:S_thum1[1]: وشخصية غاية في الاحترام:S_thum1[1]:
ربنا يباركلك
السلام عليكم انا عندي مشكلة اني وانا ماشي على 120 وادوس فرامل الاقي العربية ببترج جامد جدا واذا زودت عن ال120 ووصلت ل140 ومسكت فرامل الرجة بتخف وممكن ماتكنش في حاجة
تبقى ايه هيا المشكلة
انا الحمد لله روحت ركبت الماستر العمومي بس الفرامل البدال وطى لتحت بس بتفرمل جامد اكتر من الاول
المشكلة ان البدال الواطي دة انا مش متعود علية
قولتلة ينفع نعلية اكتر من كدا
قالي لا
قولتلة لية قالي عشان الصباع قصير شوية
تقريبا بتاع السيرفو
السؤال بقى هل البدال هيعلى مع الوقت
انا فاكر انى عملت شغل فرامل و البدال كان واطي و على لوحدة بعد كدا ؟؟
عزيزي عاشق السيارات،
الفرامل أخدت منها هوا .. وبعد أسبوع واحد بس خفت تاني :
ورحت لميكانكي غيره قالي ده عيب طاقية السرفو ، و هي اصلا نصر 83 مفيهاش سرفو.
عاوز استفسر منك عن شوية حاجات عاوز اعلمها بنفسي في عربيتي الـ 127، لاني مش لاقي أي حد متخصص فرامل هنا في 6 اكتوبر
أولا عاوز أتأكد انه مفيش تسريب زيت أعمل أيه، هل هاتنقط زيت تحت الكبوت زي زيت الموتور ... التسريب واضح تحت العربية يعني ولا اعرفه ازاي
ثانيا انا الحمد لله لو شفت التيل الخلفي بقدر اعرف اذا كان متهالك ولا لأ ، أذا كان سمكه 3 ملم تقريبا يبقي كويس .. صح ولا أيه
أما التيل الأمامي أعرف أزاي انه كويس ولا متهالك، لاني اصلا ماعرفش مكانه فين و يتشاف ازاي ؟؟ه
برضه الحقيقة انا معنديش بيبة .. ينفع أفك الفرامل بمفتاح عاده ؟؟
ثالثا العربية كانت جاية و فيها علبة زيت lookhead الأنجليزي ، بس مالقيتوش في السوق فجبت Bindex. هل ده نوع كويس ولا ردئ
أخيرا شكرا ليك علي الموضوع الحيوي و الحساس ده ... ياريت الأدارة تثبت الموضوع ده
سؤال صغير كمان
هي أيه لزمة البتاعة اللي عاملة زي العوامة و فيها سلك طالع لفوق اللي بتكون جوه علبة الزيت
و المفروض تكون عايمة ولا غطسانة
وشكرا مقدما
ما المقصود بــــ :
يرجلش الفرامل
أو
يعمل رجلاش للفرامل
و ما فائدته للسيارات الجديدة عند أول صيانة في التوكيل بعد الخمسة آلاف كيلو الأولى .
و جزاك الله خيرا
انا عندي بس استفسار بخصوص ماستر الدبرياج وهو ان من سنه ونصف تقريبا لاقيت الدبرياج سقط لتحت وطبعا العربيه وقفت مكانها لان انا ساعتها ما عرفت انقل فالمهم الميكانيكي جالي وغيرلي ماستر الدبرياج فطبعا الحكايه دي حصلت فجأة فهل الماستر ده له مده ويتغير زي الصيانه كده ولا له اعراض تلف ولا ايه بالظبط
كدة للأسف الزيت اللي انت حطيته مغشوش و هو هو الزيت اللي أتكلمت عنه قبل كدة في موضوع أسمه مية بسكر و ده الرابط بتاعه
http://www.nilemotors.net/Nile/showt...9+%C8%D3%DF%D1
و للأسف لازم تروح بيها لأقرب متخصص فرامل و دبرياج و يشوف ايه اللي لازم تغييره ما اذا كان جلد او ماستر عمومي او غيره و غالبا ما حيكون الماستر العمومي و لا تسكت عليها و لما تحط سائل فرمل تحط اما لوكهيد او بندكس فرنساوي بالعلبة الصفيح الشهيرة بتاعته هما أغلي شوية بس دي فرامل و زي ما بقول دايما استرخص في أي شئ في العربية ألا الفرامل بالذات.
و أي سؤال أنا تحت أمرك.
أهلا بيك يا دكتور وليد
و الدبرياج بتعرف حالته بكذا طريقة أولهم طبعا - السحب هل لما بتيجي ماشي و مثلا غيرت من التالت للرابع و دوست بنزين عشان تكمل عادي بتسمع صوت عالي للموتور و مفيش سحب و فين علي ما تجمع و تسحب معاك لو ده موجود يبقي الدبرياج فعلا فيه مشكلة.
- و لو طلعت بالعربية و نتشت الدبرياج العربية (بتأمرك) منك يعني العجل بيلف حوالين نفسه طلعة (أمريكاني) زي ما بتسمي يعني و لا مهما نتشت الدبرياج العربية مش بتأمرك خالص لو مش بتأمرك يبقي برضه فيه مشكلة.
بس سؤال بقي ليه يتغير طقم الدبرياج ده بيتغير في أضيق الحدود لو الديسك لا قدر الله تكسر او في سوستة مثلا في الإسطوانة اتكسرت و كنت أنت حتلاحظ ده أكيد لكن يتغير كدة علي طول؟؟!!
اللي بنعمله و كل الناس و الصنايعية بيعملوه بنملأ الإسطوانة تيل و ممكن نخرط الديسك و نطمن علي الفولام بس و بيركب طقم الدبرياج هو هو تاني حاول تشوف حد تاني يتأكد لك من انه كويس بدل تغيير و فلوس و خلاص بدون ما يكون فيه مشكلة.
نعم أزاي يعني شاسيه يتفتح من فرملة ليه معمول من أيه علب كبريت؟؟
أمال لو العربية نزلت في بلاعة جامدة و لا مطب من مطبات المحروسة هيحصل ايه؟؟!!
هي بس فيها شوية تحميل زيادة علي الفرامل مش اكتر يعني العربية ماشية بسرعة و منزل و دوست فرامل جامد لكن بصراحة اول مرة أسمع عن موضوع شاسيه العربية يفتح دي و لو حد عنده خبرة اكبر في الشاسيهات ياريت يقولنا.
بس رايي الشخصي الميكانيكي ده للموتور و بسسسسسسسسسسسسسس ميعملش حاجة غير كدة لأني كل واحد و ليه تخصصه لكن أغلبيتهم بيحبوا يحطوا مناخيرهم في كل حاجة في العربية أهو جاب لك حاجتين ملهمش علاقة ببعض الشاسية و الفرامل و عايز يفهمك أنه بيفهم في الموتور و الشاسيه و الفرامل و كل حاجة و فعلا يحسسوك أنهم فاهمين في كل حاجة في العربية و اني العربية كلها بتاعة الميكانيكي و هو الوحيد اللي بيفهم فيها و ده طبعا كلام فارغ و مش صحيح بالمرة.
أهلا بيك يا roky
بالنسبة لموضوع أني الفرامل وطيت تاني فممكن الرجلاش يتفتح شوية و يتاخد هوا تاني برضه بس أنت متأكد انها مفيهاش سرفو و موديل 83؟؟!!
ياريت تتأكد لنا من النقطة دي.
بالنسبة لتسريب زيت الفرامل أو بمعني اصح سائل الفرامل فبتتأكد منه بانك تحط ايدك خلف كل عجلة و تشوف لو فيه تسريب سائل لأني سائل الفرامل مش بس عند الموتور ده واصل و بيتوزع لكل عجلة لوحدها و لو لقيت سائل يبقي في ماستر ضارب زيت و لازم يتغير ده بالنسبة للعجل بس ممكن الزيت يتسرب من المواسير أو الخراطيم بتاعة الفرامل و المواسير بتكون تحت العربية فصعب شوية أنك تشوفها أما الخراطيم فبتكون موصلة للعجل فحتكون قريبة علي أيدك و لما تمد أيدك لو لقيت سائل لا قدر الله حتقدر تحدد اذا كان من الخراطيم او فيه ماستر ضارب و أحيانا بيكون الزيت ضارب و واصل لحد العجلة من برة و تلاقي الزيت نازل عليها, اما الماستر العمومي فبيتعرف بأنك بتفتح الكبوت و تشوف الماستر نفسه هل ناشع عليه زيت من الخارج و لا لا و عشان تريح دماغك أكشف علي الزيت اللي في خزنة الفرامل و بس و لو لقيته ناقص متزودهوش لأني النقص ده ممكن يكون تآكل في التيل أو تسريب و لازم يتعالج إلا لو كنت في مكان بعيد زي ما بتقول في 6 اكتوبر مثلا و لازم توصل بيها لأقرب متخصص في الحالة دي ممكن تزودها عشان تمشي بيها.
أفتكر 3 ملم بالنسبة للتيل الخلفي كويس أنت قيسته أزاي معاك بوكوليس و لا أيه؟؟
التيل الامامي لو أتاكل حيبدأ يصفر مع دوسة الفرامل و حتلاقي الزيت بينقص و لو تحب تعرفه حتفك العجلة و حتلاقي التيل متوصل بالجشمة اللي متوصلة بالعجلة هي عبارة عن حديدة كدة متوصلة بالعجلة بخراطيم و كدة و جواها بيكون التيل الامامي و تقدر تشوفه أو تحط ايدك و تشوف سمكه.
و دي صور للجشمة او الكاليبر أو الماستر الامامي:-
التيل موجود بالحديدة الموجودة أعلي الطنبورة (الجشمة) كما نري و يبدو التيل ظاهراً لو دققت النظر:-
http://up1.m5zn.com/photo/2009/2/4/10/vs1vlkuzf.jpg/jpg
و صور أخري و التيل موجود داخل الجشمة الزرقاء اللون هنا في الصورة:-
http://up1.m5zn.com/photo/2009/2/4/10/b5hlo4wme.jpg/jpg
و بالنظر او وضع يدك يمكنك تقدير حالة التيل الامامي الموجود.
بالنسبة لفك الفرامل بمفتاح عادة فانا لا افضل فكها اصلا لاني اللعب في الفرامل مش كويس و حتي لو فكيتها بمفتاح عادة حتقدر تطلع التيل من مكانه و كدة و في سوست و حاجات زي كدة؟؟
بالنسبة للبندكس هو زيت كويس أوي و يضاهي اللوكهيد و أرخص منه و انا شخصيا بستخدمه و مش بنبيع غيره في الورشة علي الاقل حاليا.
و ألف شكر لثناءك علي الموضوع و لذوقك.
المفروض بتكون عايمة علي السائل و هي بالظبط نفس فكرة عوامة البنزين لما البنزين يقل لمبة البنزين بتنور.
و نفس الكلام لما سائل الفرامل بيقل لمبة الفرامل بتنور عشان تنبهك و هي معتمدة علي اني في عوامة صغيرة مع نزول الزيت بتنزل معاه و مع نزولها بتوصل دائرة الكهرباء للمبة الموجودة في التابلوه عندك و بكدة تخليها تنور بس.
أهلا بحضرتك
و بالنسبة لموضوع الرجلاش ده ما هو إلا تقليل المسافة الفاصلة (الخلوص) الموجود فيما بين التيل و الطنابير الخلفية و ده بيعمل علي تعلية الدواسة و جعل إستجابة الفرامل أفضل و أسرع و هو بمثابة تعويض للتيل المتآكل.
و إليك صورة للإيضاح:-
و يظهر كما هو واضح الماستر بالأعلي و من الأسفل موجود الرجلاش كما هو مكتوب وواضح علي الصور:-
http://up1.m5zn.com/photo/2009/2/5/07/jth9t56j3.jpg/jpg
و صورة أخري بشكل آخر للرجلاش:-
http://up1.m5zn.com/photo/2009/2/5/07/g4n5w38qj.jpg/jpg
و فائدته أنه يقوم بتعويض التآكل في التيل كما قلت سابقا و يقوم بظبط المسافة ما بين التيل و الطنابير.
أرجو ان أكون قد اوضحت الصورة و أي إستفسار أنا في خدمتكم دائماً.
أهلا بيك و بإستفسارك
لكن في سؤال هل حسيت أني الفرامل ضعفت لما كان الدبرياج ضعيف؟؟
لأني عربية حضرتك الدبرياج بتاعها علي زيت مش علي سلك يعني الدبرياج بيعمل من سائل الفرامل و لها ماستر زي الماستر العمومي للفرامل بس أصغر حجما و بيستخدم نفس خزنة زيت الفرامل.
و علي كل أعراض التلف بتكون أني الغيارات مش بتيجي كويس أو تقيلة بس اللي أعرفه أني الدواسة لما تسقط كدة يبقي محتاجة زيت و عشان كدة بسأل علي الفرامل و لو ولابد من تغيير في الحالة دي ممكن نجيب طقم إصلاح فقط.
لكن برضه مش عايز أظلم الراجل و خاصة أني العيب ده مش بيتكرر كتير و الماستر مهما كان ليه عمر إفتراضي.
اولا انا عوز اشكرك علي المجود الرائع ده وكل المعلومات القيمة دي
ثانيا انا كنت عاوز اسأل علي فرامل العربية الفيرنا لأن من ساعت ما اشترنا العربيه وانا مش عاجباني الفرامل بتاعتها مقارنه بالأكسنت مثلا اللي كانت معانا قبلها وبالماروتي الي معايا شخصيا اللي بيحصل وحصل ان الفرامل بحس انها بتاخد مسافه كبيره لتوقف لاتتناسب مع الضغطه علي الدواسه وبالذات فيالفرامل الفجائية العربيه 1-2007 وعامله 15000 الف كم ورحت بيها التوكيل من صيانه الأف وانا بشتكي منها وهما كل الي بيعملو بيلعبو في الخلوص ولما كلمت واحد في التوكيل معرفه قالي نفس الكلام وقالي الفرامل كده مظبوطه ولما ضغطت عليه قالي دي زي باقي العربيات مفهاش مشكلة في الفرامل لدرجه اني جربت عربيه عنده وكمان في الجراج الي تحتا بيتي بس الموضوع ميتحسش بظبوط الا فيالمش وانا مقتنع ان العربيه مفروض تبقي اقوي من كده بس مش عارف اعمل ايه ومفيش حد يفدني بمعلومه صح حتي ولو فراملها كده بس اطمن ان مفهاش حاجة وبعد كده نفكر نعمل ايه
ايه رايك ياباشا في الكلام ده مش مفروض ان لمسه فرامل يبقي ليها تأثير بالذات مع عربيه جديده؟؟؟
ولو الموضوع كده .... هل ينفع يركبلها abs مثلا عشان تبقي احسن؟؟؟
انا مستني ردك علي احر من الجمر
وشكرا مقدماً
هي العربية بتبقى كده بس لما اعد ال100 او 120 ودلوقتي بقيت لما عدي المية العربية تفضل تترج طول ما انا دايس الفرامل لحد ما توصل السرعة الى 110 تقريبا اما داخل المدينة زي الفل طالما العدا مابزيدش عن 100 110 العربية زي الفل لا فيه تصفير ولا اي حاااااااااجة
س: هي الورشة بتاعتك فين ؟؟؟؟؟:36_1_37[1]: