عرض للطباعة
السلام عليكم
عندى مشكلة فى صنى ٢٠١٨
مره واحده العربيه مبتسحبش والار بى ام بيعلى على الفاضي وبعدين تقف خالص العربيه ابطلها وارجع ادورها تمشى كويس وبعدين ترجع تبوظ تانى
وفى الاخر لمبه فحص الموتور نورت
السؤال هو
دى مشكلة كبيرة ولا بنزين وحش
وهل ممكن اسافر بيها لحد ما اروح التوكيل ولا لا
لازم تروح التوكيل وتكشف
لو حد قال حاجه بدون كشف يبقا فتى وتخمين- ملهاش لازمه تضييع الوقت ويمكن الفلوس كمان
اكشف هى كلمه السر
ممكن بنزين وممكن حاجات تانيه كتير
بلاش تسافر وانت مش مطمن
وانشاء الله تكون حاجه بسيطه
وياريت تبغنا عملت ايه وطلع المشكله من فين
الحمد لله
طلع عيب فتيس وتم تغيره
والعربيه الحمد لله تمام دلوقتى
شكرا لمشاركه حضرتك
ممكن تفاصيل اكتر
هل تم تغيير الفتيس بالكامل؟ ايه كانت الاعراض؟
الضمان ايه اخباره؟
ياريت تبلغنا تفاصيل المشكله وحلها عشان نستفيداقتباس:
المشاركة الأصلية كتبت بواسطة shekossd
استشاره فنيه -لو سمحت انا مش عارف زرار الاوفر درايف odv ده استعمله ولا
والاهم لما ينور في التابلوه بيبقي اووف ovd/offمعني كده انه مش شغال يبقي ده الطبيعي ولا اخليه مش منور في الطابلوه
لان فى المعرض وقت الاستلام قالولي يستحسن متستعملوش ده بتاع الغرز
معلش عالاطاله بس بجد محتار فيه ومش عارف الغيه ازاى او اسوق طبيعي وهو منور في الطابلوه ولا
over drive دا مصطلح بيطلق على نسبه سرعه دوران المحرك واحد او اقل من سرعه العجل
فى الصنى النقله الرابعه هى ال over drive
لما بتدوس على الزرار لمبه التابلوه بتنور وبتقول ان ال over drive off
يعنى الفتيس مش هينقل للنقله الرابعه- هيكون بينقل من الاول للثانى للثالث فقط
دا مش غرز دا فتى
وتقدر تستخدمه لو محمل جامد وطالع مطلع وعايز العربيه يكون فى عزم
تقر تستخدمه لو عايز تتخطى عربيه فى حالات الطوارئ وعايز عزم
طبعا صوت المحرك هيكون عالى ولو مشيت عليه كتير / على سرعات عاليه استهلاك البنزين هيكون عالى
النقله الثالثه اعتقد اخرها 140 كم/س
المفروض التبلوه ميكنش فيه اى لمبه منوره (دا الطبيعى)
شكرا الله يبارك لك نورتني وفهمتني
جزاك الله كل خير
السلام عليكم
تكمله وشرح لما سبق فى موضوع الفتيس
كنت على طريق الجلاله العين السخنه وعملت كيك داون كذا مره بس واضح ان الفتيس دا مش بتاع كيك دوان كتيير
ال ار بى ام بدل يعلى جامد والعربيه سرعتها بتقل وبعدين لمبه التشيك انجن نورت
روحت التوكيل وطبعا اخدو وقت على ما ردو عليا فى مشكله الفتيس وقررو ان الفتيس باظ وفى مجموعات اتحرفت وسلخت والفالف هيد باظ وغيرتو الحمد لله عندهم بعد واسطه كبيره وقصص كتير
والحمد لله العربيه رجعت زى الفل بس حرمت اعمل كيك داون تانى
حضرتك دفعت حاجه ولا اتغير في الضمان