تخيل 20 مليون مصري ممكن يعملوا أيه

**Samir Elshahawy** · 14-12-2008 11:47 PM

مين شاف الاعلان ده ؟؟

طيب لو زودنا الفقرات دي :
- تخيل لو 20 مليون مصري قاطعوا البضائع المغالي في سعرها ؟
- تخيل لو 20 مليون مصري أدلوا بأصواتهم الحقيقية في صناديق الاقتراع ؟؟
- تخيل لو 20 مليون مصري التزموا و أدوا ماعليهم من واجبات و طالبوا مالهم من حقوق ؟؟

**احمد عز** · 15-12-2008 12:46 AM

انا شفت الاعلان بس فى كام مقوله جمدا اخر حاجه
1- لو 20 ميلون مصرى شالوا الورق من الشارع حتبقى احسن من اوروبا
2- لو 20 ميلون مصرى ضحكوا الصبح
لو
لو
لو
لو
لو
لو
ياريت الكلام ده يحصل حتكون من اجمل بلد فى العالم

**bee** · 15-12-2008 12:49 AM

المشاركة الأصلية كتبت بواسطة SE_coralsea

مين شاف الاعلان ده ؟؟

طيب لو زودنا الفقرات دي :
- تخيل لو 20 مليون مصري قاطعوا البضائع المغالي في سعرها ؟
- تخيل لو 20 مليون مصري أدلوا بأصواتهم الحقيقية في صناديق الاقتراع ؟؟
- تخيل لو 20 مليون مصري التزموا و أدوا ماعليهم من واجبات و طالبوا مالهم من حقوق ؟؟

كل لما اسمع الاعلان ده اقول في نفسي تخيل لو 20 مليون مصري بطلوا تمثيل على بعض

ولو 20 مليون مصري عرفوا يتصلوا ببعض وهم موبينيل ههههههههههههه

**mohmd76** · 15-12-2008 01:48 AM

لو 20 مليون مصرى تركوا التليفونات المحمولة الى الابد

**Bossy_Fadl** · 15-12-2008 02:07 AM

تعقيبا بس علي الفقرة دي

تخيل لو 20 مليون مصري أدلوا بأصواتهم الحقيقية في صناديق الاقتراع ؟؟

الحقيقه ان النسبة اللي بتدلي بصوتها الحقيقي في صناديق الاقتراع اكتر من كده بكتير

الناس بس مالهومش ذنب ان في ناس تانية بتلعب في النتايج

اكيد حضرتك مش مصدق ان في نتيجه بالشكل ده (99,9%)

و الا نبقي عايشين في يوتوبيا بقي الحكام اللي فيها راضيين البشر من كل الطبقات و الاديان و الاختلافات ايا كانت

**نور القمر** · 15-12-2008 02:34 AM

تخيل 20 مليون مصري عزلوا من المدن الكبيرة المزدحمة واستقروا بالمدن الجديدة
يا سلام .. الدنيا هتكون رايقه وجميلة

**Abohmaid** · 15-12-2008 03:47 AM

تخيلوا 20 مليون مصري بيصلوا صلاة الفجر فى جماعة
تخيلوا 20 مليون مصري بطلوا يشتروا منتجات صينية مالهاش لازمة
تخيلوا 20 مليون مصري بطلوا الاسراف فى المياة
تخيلوا 20 مليون مصري احترموا قواعد المرور والتزموا بيها
متهيألى حاجات كتير يقدروا يعملوها 20 مليون مصرى غير ان هما يتكلموا فى الموبايل عن طريق موبينيل

**Samir Elshahawy** · 15-12-2008 01:36 PM

تخيلوا لو ال 20 مليون مصري شافوا شغلهم بأتقان من غير رشوة و لا محسوبية , مصالح الناس هاتمشي بيسر و من غير تعب و قرف

ياجماعة أنا لسة جاي من النيابة و هناك شوفت العجب , أنا اللي متضرر و مقدم البلاغ و عايزين يحققوا معايا و البيه وكيلها أشر علي المحضر بمخالفة و أني أنا اللي متسبب في الحادث و لما دخلت له و شرحت له وقائع الحادثة و خليته يقرأ المحضر غير تأشيرته بأن المتسبب في الحادث سيارة مجهولة
تصوروا بيصدروا احكامهم من غير مايقروا

حسبي الله و نعم الوكيل

**r0xer** · 15-12-2008 01:47 PM

تخيلوا لو 20 مليون مصري بطلو يحلمو إن في 20 مليون مصري ممكن يجتمعوا على أي حاجة في الدنيا....إلا التفاهة طبعا!!

متشائم..اوي.

**human** · 15-12-2008 01:58 PM

انتو بتقولوا 20 مليون ممكن يعملوا ايه!!
واووووو

بصوا الحكوموا و مجلس الشعب و الشورى رجال الاعمال و الهجص ده كله ممكن ييجوا 1500 واحد بالكتير
شوفوا دول عملوا ايه فى مصر لما اجتمعوا على صالح البلد

تخيلوا بقى لو 20 مليون!!!

يا ساتر يا رب انا اترعبت من الفكره بس