الموضوع: إحذر الانتشار السريع , والكماين العجيبة !

المشاركة الأصلية كتبت بواسطة alijandroo

باختلف معاك
في القصة بتاعة موتوريزر
هو مش مضطر يعامل الناس ببشاشة ولا يطلع المأمور في بلاغ لواحد بالتليفون
ببساطة كان ممكن يطلع أمين شرطة ولا ضابط صغير
المسألة هي ان فيه شخص محترم ومتربي وبيحب شغله وبيتعامل مع الناس انهم فعلاً أهله وشخص تاني النقيض

+100000000000000000000

المشاركة الأصلية كتبت بواسطة hesham_tawfiq

مفيش حد من حقه يفتش العربيه الا بأذن نيابه الا لو فيه اشتباه !!!!ولو ظابط مرور طلب يفتش العربيه من حقك ترفض وتشتكيه كمان
لازم الناس تعرف حقوقها
كل اللى ليه عندك المخالفه المروريه وبس ولو اتصالحت فورى مياخدش الرخص

السيارة تأخذ في حكمها حكم المسكن الخاص (المنزل) ... ولكن بشرط أن تكون في حيازة مالكها فقط ... وليس لمستأجرها أو الحائز لها

والمادة 45 من الدستور المصري تقول في ما معناه للمساكن حرمتها ولا يجوز دخولها أو تفتيشها إلا بناء على أمر قضائي مسبب

والكلام ده معناه إن مش من حق أى حد انه يفتش عربيتك حتى لو كانت لجنة مباحث

لكن لا يعد من قبيل التفتيش الأمر بوقف السيارات الخاصة والعامة والأجرة للتأكد من مراعاة القواعد الخاصة بالتراخيص وسلامة المركبة الآلية أو للتفتيش عن مجرم هارب أو التأكد من شخصية ركابها أو أي سبب آخر من هذا القبيل كل ده صح ومظبوط ... وضابط (ماينفعش أمين شرطة إلا إذا كان برفقته ضابط وبينفذ أوامره) المرور أو المباحث من حقه يعمل كده كل في حدود إختصاصه

لكن زي مافهمنا من حرمة السيارة مثلها مثل المسكن الخاص المنصوص عليها في الدستور يبقى مش من حق أي حد مهما كان إنه يدور مثلا في درج تابلوه العربية أو يشيل فرش الشنطة .. أو يمد إيده تحت الكرسي يشوف في إيه ... مثلا ... هوة آخره يبص على العربية من بره ويتأكد من شخصية الركاب أو يبص على الشنطة من بعيد من غير مايدعبس فيها

والكلام ده للسيارة الخاصة الى في حيازة مالكها فقط يعني لو الرخصة مش بإسمك يعمل فيها اللى هوة عايزه إنشالله يفصصها حتت وماتقدرش تتكلم ...

وكمان لو السيارة أجرة أو نقل عام برضه ماينطبقش عليها الحماية دي

المشاركة الأصلية كتبت بواسطة MoToRiZeR

ده حقيقي .. لكن قانون الطوارئ بيسمح للضابط يفتش العربية و يفتشك شخصياَ .. المشكلة في قانون الطوارئ .. بيلغي الحقوق و بيمسح أي قانون تاني بالأستيكة .

قانون الطوارئ ليس له علاقة بالتفتيش ولكنه يبيح سلطات أخرى مثل حرية الحكومة في إصدار أوامر الإعتقال دون رقابة من السلطة القضائية وأحكام أخرى لا مجال لسردها هنا المهم إنك تعرف ان عمليا الضابط العادي اللى واقف في الشارع ده مالوش أي دعوة بتنفيذ قانون الطوارئ إلا بشروط أخرى في حين إن الجهة اللى عمليا برضه هية اللى بتتصرف بناء على أحكام قانون الطوارئ الى حد ما هى مباحث أمن الدولة ...

وبعدين فعليا فانون الطوارئ فعلا غير مطبق في المجتمع إلا في الأحوال اللى هما بيكونوا عايزين يطبقوه فيها على حد معين مثلا زي أوامر الإعتقال اللى بتصدر لأفراد جماعة الإخوان المسلمين كلها بتصدر في ظل قانون الطوارئ ... وهكذا ... الخ

المشاركة الأصلية كتبت بواسطة hesham_tawfiq

مفيش حد من حقه يفتش العربيه الا بأذن نيابه الا لو فيه اشتباه !!!!ولو ظابط مرور طلب يفتش العربيه من حقك ترفض وتشتكيه كمان
لازم الناس تعرف حقوقها
كل اللى ليه عندك المخالفه المروريه وبس ولو اتصالحت فورى مياخدش الرخص

انسي يا استاذ
مش هتعرف تشتكي حد عارف ليه هقولك انا بقي ليه
علشان دي لجان تفتيش فعلا وتحت مسمي امن عام
وعقبال ماحضرتك تروح تشتكي الظابط هيكون طلع اذن تفتيش من النيابه ويبقي حضرتك اللي اذيت نفسك بأيدك
يبقي تسيبه يفتش مدام انت في السليم

طب حضرتك لو الواحد ضابط وقفه و قاله انا هفتش العربية يتصرف معاه إزاي ؟ لأن انا متحطتش في الموقف ده قبل كدة .

و شكراَ علي المعلومات .

طيب خلى بالكوا خصوصا من فوانيس الشبورة ( غالبا يوميا بيوقفوا عربيات مولعة الفوجات ) و انتوا طالعين مطلع كوبرى 6 اكتوبر من عند العجوزة بعد نعمة و انتوا رايحين فى اتجاه مصر الجديدة

هو الفوج لايت مضر فى ايه ده حاجه فى كل العربيات بتنزل معاها

ايه السبب

فعلا مروقين فيصل والهرم ومخلينهم صحراوى طرق سريعة وظابطين الميكروب اص صح حاجة فعلا كويسة.

صح انا عايز اعرف لو واحد قالى هفتش العربية!

اعمل له ايه!

وكمان الفوجات فيها ايه؟ دى نازلة مع العربية!!

اه ه ه ه يا بلد