تقييم الزيوت مش بالرأي...
زيوت المحركات ليها مواصفات محددة.. والمواصفات دي ليها أكواد.. وأنواع الأكواد دي كتير..
فيه أكواد لمواصفات الزيت اللي يناسب موتور عربيتك مكتوبة في كتالوج عربيتك...
القاعدة بتقول.. لازم الأكواد بتاعت الزيت تكون زي أكواد الكتالوج أو أحسن منه...
علشان كده ممكن الزيت اللي بتسأل عليه عند بيزول يكون مناسب لعربيات معينة... ومش مناسب لعربيتك..
وساعتها حتسمع من أصحاب العربيات التانية كلام حلو جدا عن الزيت... ونفس الزيت حتسمع عليه كلام وحش من أصحاب العربيات اللي الزيت مش مناسب لعربياتهم...
خد بالك... بيزول شركة زيوت بتعمل أنواع زيوت كتير علشان كل نوع بيناسب مواتير معينة (حسب الأكواد بتاعت الكتالوج)...
فمش كل ماركة بيزول تنفع معاك... بس ممكن يكون عندهم حاجة تنفع... ده لو المستورد جايبها.
علشان نساعدك فعلا.. لازم تقول لنا 3 حاجات..
1- نوع عربيتك وموديلها.. (علشان نعرف توصيات الكتالوج)
2- أسلوب استخدام عربيتك (عدد الكيلومترات اللي بتعملها كل يوم وكام مرة بتسوق العربية كل يوم)
3- أسلوب تحميل العربية (بتحب تقرص عالموتور.. بتحمل أوزان عالية.. بتسوق في أماكن جبلية).
المفضلات