مياة الفلتر

**محمدالدالي** · 27-08-2018 08:45 AM

مياة الفلتر كويسة للرداتير

**borio1704** · 27-08-2018 09:05 AM

لأ.. مش كويسة

مياه الفلتر زي مياه الحنفية، بس نسبة الشوائب الفيزيائية فيها أقل، وبعض الفلاتر بتقلل من الفطريات وبعض الميكروبات.

الأملاح الذائبة في المياه والأكسجين الذائب هما السبب الرئيسي في صدا دورة التبريد، ودي الفلاتر العادية بتاعتنا مش بتعرف تشيلها.

أفضل مياه للرادياتير هي المياه المقطرة.. المخصصة للبطاريات..

ممكن تعمل مياه مقطرة في بيتك بس هتكلفك غاز كتير... والكمية مش هتكون كفاية.

...

**borio1704** · 27-08-2018 03:57 PM

المشاركة الأصلية كتبت بواسطة akmm

حتى المياه المقطره غير صالحه للرادياتير لانها أيضا تغللى عند درجه حراره 100 درجه مئويه .... ولكن المياه المخصصه للرادياتيرات باختلاف الوانها شريطه ان تكون جيده الصناعه تحتوى بنسب عاليه على مواد كيميائيه تجعل السائل يغلى على 110 الى 120 في كتير من أنواعها ...

هو فعلا المواد الكيماوية بترفع درجة حرارة الغليان بنسبة حسب تركيزه (تركيز 50% يرفع درجة الغليان إلى 106 °م) .. لكن العامل المؤثر فعلا في رفع درجة الغليان هو الضغط...

فعليا.. رفع الضغط داخل دورة التبريد إلى حوالي 1 بار يرفع درجة الغليان إلى 122 °م بدون وضع أي مواد إضافية.

...