بناتنا رجالة بصحيح .. فتيات مصر عاوزين يدخلوا الجيش..!!

**bee** · 16-01-2009 12:19 AM

المشاركة الأصلية كتبت بواسطة birdybirdy

اعتقد ان الموضوع ده بداية غير مبشرة بالمرة لخناقة جديدة على المنتدي عن الصراع الدائم والأزلي بين الرجل والمرأة وطبعا لازم في الوسط نحشر قضية حرية المرأة والكلام الخايب اياه
وكل ولد قابل نموذج معين من البنات الغير سوية وشاف تصرفاتها جاتله عقدة من كل البنات فطبعا يقولك كل البنات تافهين كل البنات متخلفين كل البنات مسترجلين (بس ده مالوش علاقة بأغنية كل البنات حلوين بتاعة حسام حسني

) كل البنات منيلين بستين نيلة وكإن الكام نموذج اللي بيظهروا في حياة بعض الشباب المعقدين من البنات دول هما عالم البنات بأكمله يعني

وبرده الواحدة مننا لو اتكلمت عن بعض النماذج اللي بنشوفها في الشارع او شوفناها في الحياة عموما من الشباب هايبقي الدم للرُكب :k40:.
بس على ايه حقناً للدماء خلينا ساكتين احسن

.

وبأكد مرة تانية الخبر اصلا مصدره غير واضح وهو مش قانون بيتناقش دي مجرد Survey زيه زي اي بحث بتعمله جريدة مثلا او برنامج من بتوع O.T.V او مثلا بتعمله اي شركة عن ايه رأي حضرتك في منتجاتنا يافندم تحب نحطلك عليها كاتشاب ولا مايونيز احسن

وطبعا هايكون في ردود مهيسة عادي جدا

بالعربي كده دردشة ناس فاضية مش لاقية حاجة تعملها

على فكره يا اختى الكريمة موضوع حرية المرأة ده مش كلام خايب ولا حاجه
ويا ريت حضرتك تردي بكلام منطقي ..
مهي المرأة دلوقتي ليها حرية التعبير عن الرأى :k49:

وبالمناسبة انا مش زعلان يا ربببببببببب البنات تدخل الجيش على الاقل الاقي اصحابي جانبي مش الجيش خطفهم .. وميرسي على كلامك اوى

**meeezo333eg** · 16-01-2009 12:36 AM

المشاركة الأصلية كتبت بواسطة abzoabzo

ربنا يوفقهم بس انا ليه تعليق الكلام ده مش من بنات دول اشباه فلزات حتى تلحظوا انهم ملوا الشوارع وبدل ما الواحد كان بيدعى عليهم ان ربنا يحرقهم او يخودهم يبقى يتنيالوا يدخلوا الجيش احسن

انا فرحان موووووووووووووووووووووووو ووووووووووووووووووووووووو وووت بالخبر ده ياريت بقى يخلصونا من البلاوى اللى فى الشارع بسرعة

حلوة اوى اشباه الفلزات دى

انا عن نفسى لو اتعمل قانون تجنيد اجبارى للبنات و جم ياخدوا اختى و لا بنتى للتجنيد ده يبقى على جثتى

**amir** · 16-01-2009 01:14 AM

المشاركة الأصلية كتبت بواسطة mobitek

خليهم يروحوا يجربوا
ما هو اللى ميعرفش يقول *****
واللى دخل الجيش مش زى اللى شاف فيلم عبود على الحدود

+100000000
شكلك كده اكلت جرايه انت كمان
ولا لأ؟
بجد كل الاسماء اللي مكتوبه بتاعت البنات دول عايزين يتاخدو يتطبطب عليهم و يتقالهم بس يا ماما منك ليها روحي ساعدي ماما في البيت الاول ولا اقعدي ذاكري كلمتين ينفعوكي و بلاش فرجه علي عبود علي الحدود نهائي
قال جيش قال
بجد حاجه تنرفز
و اللي ينرفز انهم بيتمنو حاجه لا يدرو عنها شيء
انا مش عارف التفاهه و الهيافه وصلت لحد فين اصلها جيبه ولا فستان هتلبسه و ان معجبهاش ترجعه!!!!

**R A N A** · 17-01-2009 12:25 AM

المشاركة الأصلية كتبت بواسطة bee

على فكره يا اختى الكريمة موضوع حرية المرأة ده مش كلام خايب ولا حاجه
ويا ريت حضرتك تردي بكلام منطقي ..
مهي المرأة دلوقتي ليها حرية التعبير عن الرأى :k49:

وبالمناسبة انا مش زعلان يا ربببببببببب البنات تدخل الجيش على الاقل الاقي اصحابي جانبي مش الجيش خطفهم .. وميرسي على كلامك اوى

معلش يا أخ Bee ممكن اعرف ايه اللي مش منطقي في ردي؟ وايه اللي في ردي مضايق حضرتك وخلاك واخد مني موقف كده؟
انا لما قصدت بالكلام عن حرية المرأة وقلت كلام خايب اقصد القضايا اللي بتتطالب بالمساواة في حاجات مش منطقية اصلا وفي رأيي ده يبقي كلام خايب طبعا لان في حاجات تختص بيها النساء لايمكن للرجال القيام بيها وفي حاجات يختص بيها الرجال لايمكن للنساء القيام بيها نظراً لإختلاف الطبيعة والتكوين.
وانا هنا مش بتكلم عن حرية المرأة في التعبير عن رأيها لان ده اصلا حق مشروع من حقوقها يعني انها تعبر عن رأيها ، لكن قضية حرية المرأة بالصورة اللي بتتناقش في الاعلام بإنها تتجاوز كونها انثى لدرجة لا اخلاقية كمان.
وبعدين احب الفت نظر حضرتك لحاجة مهمة
انا اصلا رافضة الموضوع المطروح ده شكلاً وموضوعاً وضد فكرة دخول البنت الجيش اصلا وقلت كمان ان الموضوع مالوش مصدر ومجرد Survey مش أكتر ومليان ردود مهيسة (وده طبعا يدل اني اصلا مش مقتنعة بالموضوع) ولو كنت حضرتك اخدت بالك من ردودي كنت هتلاقيها مجرد رد على اهانة للبنات ووصفهم بألفاظ متصحش والبنات دول في الاول اخواتنا وامهاتنا ميصحش نشتمهم ونقول عليهم كلام جارح بالشكل اللي موجود في الموضوع المستفز ده.

**OlaOsman** · 17-01-2009 12:26 AM

المشاركة الأصلية كتبت بواسطة mohammed_raafat

جيش ايه بس
هي ناقصة
مش كفاية التحرشات اللى في البلد
كمان في الجيش!!!!!!!!!!
ولا الظاهر ان الطبيخ و شغل البيت و المسح و الكنس خلص خلاص و هما يا عيني قاعدين فاضيين فقالوا نخش الجيش بالمرة و أهو تجديد

ربنا يستر من الحكومة أحسن تطق في دماغها و تدخلهم الجيش بجد أسوة بأمريكا و الدول المتقدمة اللى الرجالة فيهم خلصت عشان كده بيدخلوا البنات الجيش.
و عجبي...

و فعلا رايحة على فين يابلد

هو الموضوع المفروض انه فكاهي، انما الناس واخدة الخبر على أعصابها أوي مش عارفة ليه

سؤال بس يا أستاذ محمد.. مين اللي قال أصلا ان وظيفة المرأة شغل البيت و الكنس و المسح و الطبيخ؟

**OlaOsman** · 17-01-2009 12:32 AM

المشاركة الأصلية كتبت بواسطة abzoabzo

انا لسه متمسك برائ فى اشباه الفلزات والبلاوى كثيرة الانتشار فى مجتمعنا المتخلف وياريت يقارنة نفسهم بالبنات اللى برة من رقة وفكر وادارة الحوار والثقافة وبعد كده يجوا يتكلموا بلا نيلة اخر تفكيرهم الاكل وال--- انتوا عارفين بقى

طبعا كل واحد حر في رأيه.. بس يا ريت تحاول تطرحه بطريقة "محترمة"عن كده كتير.. و لو ان كل إناء ينضح بما فيه.

**Scent7104** · 17-01-2009 01:27 AM

أنا رأيي ان ما يبقاش في جيش لا للأولاد و لا للبنات ... هو وجع دماغ و عطلة على الفاضي و خلاص و لا ده كمان من ضمن سلو بلدنا؟ إذا كان بلد مش عايزة تحارب و بتقول ده في العلن و الخفاء و بلد مش بتجهز جيشها بأي حاجة يادوب كفاية عليهم الألعاب النارية اللي بيتعلموها في نادي الصيد... و بلد أعلنت استسلامها لكل الأعداء و خريجيين العكليات العسكرية نفسهم بيسيبوا الجيش بعد فترة و يفتحوا شركاتهم الخاصة و يشتغلوا تجار درجو أولى (دول اللي المفروض يبقوا قيادات) ...يبقى كمان اللي فالحة فيه الحكومة انها تيجي على الشعب الغلبان و تقوله كمان تجنيد اجباري و لازم الواحد اللي يجيلوا التجنيد يجيب 1000 واسطة علشان يعفى أو يأجل أو مكان التجنيد يكون جنب بيته أو يبقى تجنيد خفيف كده يعرف يلقط عيشه و ما تضعش عليه سنة ولا تلاتة على الفاضي .... و كله على مفيش اسمه لازم يبقى اخد جيش و لما ييجي يسافر لازم تصريح و لما يشتغل تصريح و لما يموت تصريح و في الآخر لا حول له و لا قوة...حتى في ده الحكومة مش عارفة تعمل نظام يتناسب مع فكرها الجديد ده لو كان عندهم فكر من أصله.

**نور القمر** · 17-01-2009 02:09 AM

المشاركة الأصلية كتبت بواسطة abzoabzo

انا لسه متمسك برائ فى اشباه الفلزات والبلاوى كثيرة الانتشار فى مجتمعنا المتخلف وياريت يقارنة نفسهم بالبنات اللى برة من رقة وفكر وادارة الحوار والثقافة وبعد كده يجوا يتكلموا بلا نيلة اخر تفكيرهم الاكل وال--- انتوا عارفين بقى

لقد خالفت القاعدة رقم 13 من قواعد المنتدى، لذا تستحق عقوبة الإنذار طبقاً للقواعد.

إدارة المنتدى2

رأيك حضرتك تحتفظ بيه لنفسك ولو حضرتك عندك ادنى فكرة بالفكر وادارة الحوار والثقافة مكنتش قلت الكلمتين دول
واعتقد بنات برة اللي بيتميزوا بالرقة والفكر وادارة الحوار والثقافة شافوا كلامك ده هيكون رأيهم فيك نفس رأيي

**نور القمر** · 17-01-2009 02:17 AM

المشاركة الأصلية كتبت بواسطة OlaOsman

هو الموضوع المفروض انه فكاهي، انما الناس واخدة الخبر على أعصابها أوي مش عارفة ليه

عادي يا علا زي ما بياخدوا كل المواضيع على اعصابهم وتلاقيها قلبت خناقة في الاخر والموضوع يتقفل
والاجتماعي خير برهان على كلامي
افتحي اي موضوع عن الكرة ولا احداث غزة تلاقي الناس يسيبوا الموضوع الرئيسي ويدخلوا يشتموا في بعض