حطيت زيت 20w50 و مشيت عليه 1000 كيلو و عرفت أنه غلط جدا علي العربيه يا ريت اعرف افضل حاجه عشان مش عارف اوصل للكتالوج
حطيت زيت 20w50 و مشيت عليه 1000 كيلو و عرفت أنه غلط جدا علي العربيه يا ريت اعرف افضل حاجه عشان مش عارف اوصل للكتالوج
حاول تتصفح قسم اللانسر ............ في الياباني اكيد هتلاقى اجابه لنوعيه الزيت المطلوب ..... تحياتى .
مين اللي قال لحضرتك إنه غلط جدا؟؟؟ وعلى أي أساس قال الكلام ده؟؟؟
دي توصيات الزيت في كتالوج اللانسر المكواة والبومة (من 2002 إلى 2014)
https://nileup.com/up/uploads/nilemo...4731172371.jpg
تعالى نقرا المكتوب بالراحة ونشوف إحنا ماشيين صح ولا لأ.
أول حاجة... اللزوجة
20W-40 أو 20W-50
15W-40 أو 15W-50
10W-40 أو 10W-50
10W-30 (بحد أقصى 40 درجة مئوية)
5W-40
5W-30 أو 0W-30 (بحد أقصى 40 درجة مئوية)
كل اللزوجات تقريبا ممكن تستخدمها.. معنى الكلام ده إن لزوجة 20W-50 اللي حضرتك حطيتها مش هي المشكلة..
المشكلة الأكبر والأهم هي مستوى أداء الزيت المطلوب.. ودي بتلاقيها على شكل أكواد مكتوبة على ظهر علبة الزيت.. ولازم الأكواد دي تبقى زي المكتوب في الكتالوج أو أحسن منها.
تاني حاجة.. مستوى الأداء
API: تصنيف SG أو أعلى (SH أو SJ أو SL أو SM أو SN كل دول تمام وأفضلهم SN)
معتمد من ILSAC... وده موجود في الزيوت الخفيفة بس (10W-40 فأقل)..
اللي فوق ده لازم يكون موجود في أي زيت هتحطه في الموتور...
بالإضافة للي فات ده... اللزوجات اللي باللون الأزرق فوق دي لازم تكون واخدة تصنيف ACEA.. سواء A1 أو A3 أو A5
لو كان الزيت اللي حضرتك حطيته مش مكتوب عليه API SG أو أعلى.. يبقى لازم الزيت ده ينزل حالا.
وبما إن الكتالوج فاتح الاختيارات قدامنا كده.. يبقى محتاجين من حضرتك شوية معلومات تانية علشان يبقى الاختيار أفضل ما يمكن..
1- أسلوب استخدامك للعربية .. يعني بتركبها كام مرة في الأسبوع وبمعدل كام مرة في اليوم ومشاويرك قصيرة ولا طويلة؟؟
2- أسلوب سواقتك للعربية... يعني سواقتك هادية ولا بتحب القرص على الموتور؟
3- أسلوب تحميلك للموتور... يعني العربية أغلب وقتها محملة أوزان تقيلة ولا لأ.. بتسوقها في طرق جبلية زي البحر الأحمر أو سيناء مثلا؟؟
4- ميزانيتك في حدود كام؟؟
بعد المعلومات دي إن شاء الله ممكن نلاقي الأفضل بالنسبة لعربيتك ولحضرتك.
آه صحيح... لو حضرتك حابب تنزل قسم الصيانة في كتالوج اللانسر البومة.. تقدر تنزله من هنا:
https://drive.google.com/open?id=0Bx...Dh6S2RZdDgwcGs
...
1- أسلوب استخدامك للعربية .. حاليا نظرا للشغل بعيد عن محل السكن العربيه بسوقها 10 ايام في الشهر فقط و مركونه باقي الشهر و في خلال ال 10 ايام سواقه يوميا و مشاوير كتير و مرات متعدده في اليوم الواحد
2- أسلوب سواقتك للعربية... 70٪ سواقه هادية
3- معظم الوقت غير محملة بس ممكن نعتبر لأربع اشخاص بالسيارة و مش بمشي في مناطق جبليه أو مكسره
4- ميزانيه متاحة لافضل شيى
اقتباس:
المشاركة الأصلية كتبت بواسطة Mostafa kolib
حسب طبيعة استخدامك وسواقتك.. كده يبقى الأفضل لحضرتك الزيوت التخليقية.. خصوصا إن العربية بتتركن فترات طويلة..
الركنة لفترات طويلة بتخلي الزيت يرقد في الكارتيرة وياخد شوية وقت على ما يوصل للمناطق العالية في وش السلندر (الكامات والتاكيهات).. وكمان كراسي الكرنك بتبقى شبه فاضية ومفيهاش زيت..
وفي الحالات دي.. فالأفضل هو استخدام زيوت خفيفة علشان نقلل من فترة عدم وجود الزيت في بداية تشغيل الموتور... خصوصا إن الفترة دي هي أكتر حاجة بتعمل تآكل في الموتور.
يبقى الأفضل ندور في اللزوجات ابتداء من 10W-40 فأقل...
يعني 10W-40 أو 5W-40 أو 10W-30 أو 5W-30
اللي فاضل إننا نلاقي الزيوت اللي مطابقة لمواصفات الكتالوج
أحسن زيت بندور عليه هو اللي واخد تصنيف API SN و ILSAC GF-5 و ACEA A1 أو A3 أو A5
الحاجات موجودة في الزيوت التالية:
موبل1 x1 بلزوجة 5W-30
Mobil 1™ x1 5W-30
https://www.mobil1-egypt.com/~/media..._5w-30_4l.ashx
بترومين A-1 سوبر سنثيتك بلزوجة 5W-30
Petromin Lubricants Products – Petromin
http://www.petromin.com/wp-content/u...hetic-5w30.png
زيت AC Delco بلزوجة 5W-30
https://acdelco.com.au/wp-content/up...ils-dexos1.jpg
زيت مانول إنرجي فورمولا بلزوجة 5W-30
https://www.mannolegypt.com/mannol-p...-formula-5w-30
https://www.mannolegypt.com/media/dj...la-5w-30_l.jpg
زيت ليكوي مولي سبيشال تك AA بلزوجة 5W-30
LIQUI MOLY SPECIAL TEC AA 5W-30
https://products.liqui-moly.com/medi...8281_ctx-1.jpg
زيت ليكوي مولي موليجين نيو جينيريشن بلزوجة 5W-30
LIQUI MOLY MOLYGEN NEW GENERATION 5W-30
https://products.liqui-moly.com/medi...3932_ctx-1.jpg
آمسويل سجنتشر بلزوجة 5W-30
Signature Series 5W-30 Synthetic Motor Oil
https://www.amsoil.com/shopres/products/270px/ASL.jpg
آمسويل XL بلزوجة 5W-30
AMSOIL XL 5W-30 Synthetic Motor Oil
https://www.amsoil.com/shopres/products/270px/XLF.jpg
آمسويل OE بلزوجة 5W-30
AMSOIL OE 5W-30 Synthetic Motor Oil
https://www.amsoil.com/shopres/products/270px/OEF.jpg
طبعا حضرتك أخدت بالك إن اللزوجات كلها 5W-30...
المشكلة إن مفيش في السوق المصري (على حسب علمي) زيوت مصنفة ILSAC إلا لزوجتها 5W-30...
وما تقلقش.. كل الزيوت دي واخدة تصنيف ACEA
يجوز السوق فيه زيوت أكتر وتكون مناسبة زي الكتالوج.. بس أهم شيء إنك تلاقي عليها عبارة API SN و ILSAC GF-5 مع بعض (واحدة لوحدها مش كفاية)
لو حضرتك قلقان من اللزوجة دي وحابب تروح على لزوجات أعلى.. فده ممكن.. بس مش هيبقى أفضل شيء للموتور. لإن مستوى الأداء أهم من اللزوجة.
في رأيي لما تيجي تشتري.. اختار الزيت اللي تلاقيه بسهولة علشان تثبت عليه.. لإن تغيير أنواع الزيت باستمرار بيقلل من كفاءة الزيت الجديد.
لو عند حضرتك أي أسئلة تانية أنا تحت أمرك.
...
لو سمحت يا باشمهندس احمد ..... ممكن تشرح ايه المقصود من العبارة السابقة ؟!اقتباس:
المشاركة الأصلية كتبت بواسطة borio1704
حضرتك عارف إن زيوت المحركات كلها عليها إضافات...اقتباس:
المشاركة الأصلية كتبت بواسطة ahmed_eng2001
المشكلة إن الإضافات في شركات الزيوت المختلفة مش زي بعض.. بمعنى إن ممكن (مثلا) شركة تستخدم أحد الإضافات لتقليل الاحتكاك .. وشركة تانية تستخدم إضافة من نوع مختلف بس بردو بتقلل الاحتكاك...
لو الإضافتين كانوا موجودين مع بعض احتمال كبير يتفاعلوا مع بعض ويتكون منتج جديد غير معلوم الأثر.. وبكده نبقى خسرنا تأثير الإضافتين..
شركات الزيوت بتعمل تجارب على زيوتها للتأكد من إنها بتوفي متطلبات التصنيفات المختلفة.. لكن صعب جدا تعمل تجارب على باقي الزيوت في العالم..
في العالم الواقعي.. لما بتغير الزيت بيكون فاضل كمية قليلة من الزيت القديم ما بتنزلش (حوالي ربع لتر) ... وطبعا بتختلط بالزيت الجديد...
لو الإضافات في الزيت القديم ما كانتش متوافقة مع إضافات الزيت الجديد ممكن تقلل من كفاءة إضافات الزيت الجديد ولو بنسبة بسيطة... وفي كل مرة بتحط زيت من ماركة مختلفة فتحط نفسك قدام الاحتمال ده.
علشان كده.. يفضل إنك تثبت على نوع واحد وما تغيروش إلا عند الضرورة.
وده نفس سبب رفض خلط الزيوت في الموتور.
الموضوع ده فيه تفاصيل أكتر عن إضافات الزيوت.. سواء المضافة للزيت أو المباعة بشكل منفصل:
https://www.nilemotors.net/Nile/492072-a.html
...
ربنا يباركلك و شكرا على الشرح :)