تنظيف الشنطة الخلفية (حصريا من مجلة نايل موتورز)
علي فكره الموضوع ده انا كنت محوشة للمجلة ان شاء الله بس اهو كله ليكم
سواء كانت عربيتك سيدان او هاتش باك اكيد اخر حاجة بتفكر تنظفها هي الشنطة الخلفية مع انها هيا اللي بتشيل معظم الحمولة وكمان هيا اكتر حاجة عرضة للاتساخ فضلا عن احتوائها علي مجموعة اجزاء تحتاج المتابعة والصيانة الدورية زي المساعدين الخلفيين والاشارات الخلفية وقفل باب الشنطة وميكانزم فتح وغلق الشنطة
ديه خطوات بسيطة لعمل صيانة وتنظيف للجزء الخلفي من السيارة
1- اول حاجة وده خطوة مهمة جدا هي انك تفضي الشطنة من كل محتاويتها وكل كراكيبها (خاصة الكراكيب كركوبة كركوبة ) وبعد كده تفك الموكيت بتاع الشنطة وفي الغالب هتلاقية 3 قطع اتنين جانبيين وواحدة في الارضية والموكيت تبعتلة للمدام عشان تنظفة بالمكنسة فقط واوعى تغسلة عشان الموكيت الجانبي بيقي مكبوس بشكل يدية ابعاد العربية فالغسيل هيخيليه يفقد تماسكة وابعادة
(ملحوظة) متنساش تحتفظ بكليبسات تثبيت الموكيت عشان مضيعش ولو ضاع منها حاجة متقلقش بتتباع في محلات الاكسسوار
http://www.mediafire.com/imgbnc.php/...f87afcb42g.jpg
2- ده الشكل اللي هتوصلة بعد رفع الموكيت وشنطة العدة والاستبن لاحظ في الصورة بداية تكون اوساخ في قاع حوض الاستبن كذلك وجود اربع كوتشات تحت الاستبن فك واحدة منهم عشان تبقي بمثابة (بلاعة) للاوساخ والمياة المستخدمة في الغسيل
(ملحوظة) ممكن متستخدمش مية في التنظيف وتكتفي بالفوم بتاع غسيل المحرك مثلا وعامة لا يستحب الاكثار من المياة عشان الشنطة فيها مكونات كهربية قد تتعطل بفعل المياه كمان عشان متتراكمش ميه في اي مكان فتعمل بارومه
http://www.mediafire.com/imgbnc.php/...7579b28e2g.jpg
3- ده منظر لجانب الشنطة اليمين لاحظ وجود اسلاك التحكم في الانوار الخلفيه والشنطة وارضي وما الي ذلك من نظم كهربيه
4- استخدم المفتاح المناسب لتربيط المساعدين الخلفيين في حالة انهم سايبين
http://www.mediafire.com/imgbnc.php/...b48a16d22g.jpg
5- ارفع بحرص الكاوتش العازل للشنطة وقم بتنظيف الصاج اسفلة لانة من الاماكن اللي بتتراكم فيها المياه وبالتالي البارومة (لاحظ في الصورة وجود بقعة بنية )
http://www.mediafire.com/imgbnc.php/...88708bef2g.jpg
6- استخدم فرشاه (بتاعة النقاشين) لتنظيف المجرى بين الشنطة والزجاج الخلفي من الاتربة والاوساخ كما هو بالصورة
http://www.mediafire.com/imgbnc.php/...45e2c9a92g.jpg
7- راجع التوصيلات الكهربيه واحسن تثبيتها بشريط لاصق كما في الصورة كمان راجع تثبيت حزام الامان الخلفي واعمل نفس الاجراءات مع وصلات الكهرباء المغذية لغطاء الشنطة
http://www.mediafire.com/imgbnc.php/...f23b13f52g.jpg
8- راجع عمل الاضاءه الخاصة بلوحة النمر كذلك تزييت كالون الشنطة ب WD40
http://www.mediafire.com/imgbnc.php/...08f0b2ed2g.jpg
9- اخيرا اعد تثبيت الاستبن (بالمسامار الخاص به) كذلك شنطة العدة والكوريك وقم بتركيب الموكيت
http://www.mediafire.com/imgbnc.php/...b469f2132g.jpg
10- قبل ما ترجع الكراكيب (علي فكره انا من هواه الكراكيب) لمكانها افرزها وتخلص قدر المستطاع من كل شيء ملوش لازمة ضرورية في الشنطة
http://www.mediafire.com/imgbnc.php/...000840e92g.jpg
:lol: