-
أغرب موقف
اكيد فى حياة الواحد مننا بيحصلوا مواقف غريبه ممكن تكون مصيبه لقدر الله او طريفه المهم ان احنا بنتعلم منها انا فكرت ان لو كل واحد مننا حكى عن موقف حصله اكيد هانتعلم من اخطأنا وماننكررش الموقف ده تانى
ياريت كل واحد يكتب عن موقف حصله انا عن نفسى هبدأ بموقف حصل قريب
-
انا مكان الشغل بتاعى فى شارع الجلاء فى رمسيس وانا شغلى فى الحكومه بيكون من 8ص الى 3العصر المهم انا مركب فى عربيتى وحده رفع بس وانا للامان عندى مفتاح اسبير فى جيبى دايما ومفتاح فى البيت غير المفتاح الاساسى المهم لما بطاريه الريموت بتاع المفتاح خلصت لقيت حل سهل او بالمعنى الاصح حل كسول ان انا بعد لما اركن عربيتى وانزل منها بيكون الزجاج مفتوح امد ايدى واقفل اللوك سنتر بالتالى العربيه بتتقفل والزجاج بيترفع المهم ده اللى حصل ولما خلصت شغلى خالص نزلت بطلع المفتاح مش لقيه قولت اكيد نسيته فى المكتب طلعت المفتاح الاسبير اللى جيبى وفتحت العربيه ولما قربت المفتاح من الكونتاكت كانت الصدمه
المفتاح موجود فى العربيه والعربيه شغاله
ده معناه ان العربيه شغالة من سبع ساعات ولوحدها وفى شارع الجلاء برمسيس
الحمد لله
-
انا حصلي موقف مشابه... كنت لسة جايب العربية و مش عارف ان سقاطة الباب بتاع السواق ناعمة اوي.. يعني بتنزل لوحدها لما اقفل الباب و لازم افتح الباب بالمفتاح او على الاقل اسيب الزجاج مفتوح... المهم كنت لسة مغير بوجيهات و العربية مكنتش مظبوطة و حاسس ان الراجل عكس الكبلات بتاعة البوجيهات... قلت اطلع على طريق المطار و اجرب العربية كدة في طريق سريع شوية ... المهم ركنت على جنب و قلت اعكس الكبلات كدة و اجرب ... اديت انتظار و فتحت الكابوت و ظبت الكابلات (الحمد لله العربية كانت مطفية طبعا) و اذا بالمفاجأة... طبعا انتوا توقعتوا ايه هية المفاجأة... افتح الباب مش راضي يفتح... ياعم مش طلبة هزار دلوقتي ... قعدت اسايس في الباب يمين شمال مش راضي ... طاب افتح اخد الموبايل و بعدين اقفل تاني ... مفيش فايدة ... سلمت امري لله و قمت واخد تاكسي على البيت و جبت المفتاح الاحتياطي ... مش عارف اوصفلكوا ازاي شعوري ساعتها ... اول عربية اجيبها في حياتي واقفة على طريق المطار لوحدها .... كان يوم صعب فعلا... بس كل مافتكروا قعد اضحك و احمد ربنا اني روحت لقيت العربية ...
-
محدش بقا بيحصلوا اى موقف يفتكره
-
انا حصلى نفس الموقف تقريبا بس انا موقفى غريب شوية كنت عند خطيبتى فى المنصورة مع العلم انا من القاهرة وكان فى حفرة كبير فى وسط الشارع والحمد لله الكهرباء قطعت فى المنطقة فطبعا لو حد مشى فى الشارع هيقع هيموت ودة اكيد فرحت انا نازل مدور العربية وجبتها فى وسط الشارع وفاتح النور على مكان الحفرة وسبتها دايرة ونزلت بشوف حاجة فالباب اتقفل والعربية دايرة وجهاز الانزار راح قافل الابواب فطبعا العربية فى وسط الشارع واديرة والنور العالى شغال والمفتاح جوة وبينى وبين المفتاح الاسبير 150 كيلو تقريبا طبعا انا مكنش عندى غير حلين يا اروح اجيب الاسبير ودة هياخد وقت طبعا كتييييييييييييييييييييييي ييييييير والعربية لسة شغالة كل دة او للاسف انىاضطريت استخدم الحل التانى وجبت سيخ حديد وقعدت اشد الباب من فوق شوية بشوية لحد ما دخلت السيخ فى الباب من فوق ودوست بية على الزرار بتاع الازاز وفتحتة بس طبعا العربية بقت كلها خرابيش بسبب السيخ الفتحت بية بس قدر اللله وما شاء فعلا ودة ارحم من ان انسان يموت
-
ان:36_9_4:ا الموضوع ده حصل معايا بس فى اللانوس نازل الجراج الصبح دورت العربيه تسخن وبعدين قلت امسحها خلصت وجيت افتح الباب
الباب مابيفتحش قلت سهله اجيب المفتاح الاحتياطى (الكلام ده سنه 2006 واناشريها من سنه 2000)فكركو حتلاقى المفتاح اللى انا سايبه من 5 سنين المهم بعد بحث 3 ساعات بهمه ونشاط لقيته وكل ده والعربيه دايره
ومن ساعتها قررت انى ماسخنش العربيه تانى لان ال3ساعات دول كانو كفايه انهم يخلو العربيه سخنه لغايه ما بعتها سنه 2007 وجبت اللانسر
Content Relevant URLs by
vBSEO 3.6.0 PL2