عندي سيارة نوبيرا 1 موديل 1997 أريد أن أضع بنزين 80 بدل ال 90
هل يوجد مواد/إضافات معينة توضع مع البنزين لمعادلة الوضع حتي لا يحدث ضعف في السحب + تسقيف ؟
مع العلم أن السيارة إنجكشن + هيدروماتيك .
عرض للطباعة
عندي سيارة نوبيرا 1 موديل 1997 أريد أن أضع بنزين 80 بدل ال 90
هل يوجد مواد/إضافات معينة توضع مع البنزين لمعادلة الوضع حتي لا يحدث ضعف في السحب + تسقيف ؟
مع العلم أن السيارة إنجكشن + هيدروماتيك .
حرام عليك 80 دة زبالة
MMamdouh
THANK YOU
انا لحد دلوقتى 25000 كم على بنزين 80
وبنزين 92 فى المناسبات(لما اكون مسافر ومش لاقى 80)
الفرق بسيط جدا
سحب اقل حاجه بسيطه جدا جدا بس على السرعات عادى
مفيش تسقيف حتى مع التكييف(حصلت مره واحد بس انا قلت البنزين مغشوش وكان الجو حار جدا)
بتأخر حوالى ثانيه واحده فى التدوير
غير كده اوقات كتير اصحابى ركبوها ومحسوش بالفرق الا بعد ما عرفوا انى بستعمل 80 انما قبلها لاء(يعنى هى حاله نفسيه)
بس ليا واحد صاحبى معاه نوبيرا 1 كل ما يحط 80 بتسقف معاه
فعرفت انها عربيات وعربيات
جرب ومش هتخسر حاجه
لو حسيت بفرق بسيط فى السحب
هتحس بفرق كتير فى الفلوس
بس عمرك ما هتحس بفرق على الطرق السريعه من غير تكييف
بس لو سقفت معاك
طبعا ارجع تانى لل92
وطمنا عملت ايه
هي ممكن معاك مبتسقفش علشا ن الماتور لسه ماشاء الله يعتبر في التليين خصوصا انك مش عامل الا 25000 كيلو بس
انا عندي الماتور مش بحالته اووي بس لو حطيت ليها 80 بتسقف جامد من غير تكييف ولا اي حاجه .
هي تعمد تقريبا علي حاله الماتور .
mobitek
انا عندما اشتريتها مستعملة كانت تسير علي 90 وتمام ...
انا بعد كدا حطيت 80 فاشتكت مني بجد وسقفت لما قالت يا بس وكمان السحب قل كثيراً لدرجة انة بعد المطب امشي بالراحة وكل من هب ودب يسبقني حتي الفيات 128 و النصر والفيورا ومنظري بيبقي صعب جداً لما كل سائقي التاكسي الذين يسيرون ورائي يقومون بعمل تخطي حيث أنني دائما أمشي فقط في الشمال أو وسط الشارع ولا أمشي في اليمين حتي لا أفعص أحد وأنا ماشي
بعد ذلك وضعت بنزين 90 وحسيت بالتحسن وذلك منذ 3 شهور حيث أضع في الشهر مرتين بنزين 90 بتكلفة 100ج تقريباً.
والحمد لله كل مدي أجد تحسن
مع العلم أنني وضعت عند آخر تفويل منظف رشاشات إنجكشن أمريكاني مع البنزين .
وعند تغيير الزيت سأضع منظف الموتور أيضأ...
* ولكن في النهاية 90 يعتبر غالي علي ...
توضيح صغير
انا شاريها مستعمله وعامله دلوقتى رقم كبير
يعنى العداد اكتر من 100000
واللى استعملها قبلى كان ماشى بيها ببنزين 95 او على الاقل 92 لأنه كان اجنبى عايش فى شرم الشيخ
بس فعلا انا ليا واحد صاحبى معاه نوبيرا 1 كل ما يحط 80 تسقف جامد معاه علشان كده انا بقوله جرب الاول
ده ممكن يكون اختلاف بين المصرى والكورى
وفعلا فيه فرق بس بسيط بس مفيش تسقيف
الميكانيكى بتاعى كان قاللى ان النوبيرا فيها حساس اسمه حساس تسقيف بيعالج الموضوع ده
ممكن ميكونش فى الكورى
والله اعلم