مشكلة اهتزاز في الموتور-بيجو 308 موديل 2011

السادة اعضاء المنتدى المحترمين.
حابب اعرض عليكم مشكلة عندي في العربية مأزمة حركتى بيها و مخليانى مش طايقها
المشكلة باختصار شديد ان معايا عربية 308 موديل 2011 بقالها معايا 6 شهور و ماشية 95000 كيلو
اول ماجبتها كانت معايا زي الفل, صحيح كل شوية لمبة الanti pollution faulty كانت كل شوية تنور, لكن بالكشف الكل اجمع على ان ده بسبب البنزين مش اكتر
من حوالى شهر و نص لاحظت اهتزاز جامد في الموتور و رجرجة جامدة في العربية بتبان اكتر لما اجيب الR, قلت يمكن قواعد و فعلا" غيرت قواعد الموتور و الفتيس و لازال العيب قائم و اللى حصل مؤخرا" ان الار بي ام بقي بيلعب عالسلانسيه, و مع بدء الحركة بيوطى و بعدين يعلى تانى و العربية مخنوقة جدااا" عالسرعات الهادية لكن عالسرعات العالية مفيش فيها مشكلة خالص
بكل اسف قررت اروح مركز خدمة بيجو احمد عمارة اللي كان معتمد اللى في الفسطاط, و ده من اسوأ القرارات اللي فكرت فيها, المهندس المحترم بعد ما بيت العربية يومين عنده و عمل اعادة عالتقسيمة و اعاد تعريف البوابة و جرب حساس الكامة جاى يقولى ده شورت بلوك, و طبعا" اتصدمت و قفلت العربية و اخدتها و انا مش عارف اعمل ايه

انا طالب منكم المشورة و النصيحة اعمل ايه؟؟؟ العيوب دي كلها ممكن تكون ايه؟؟؟ هل فعلا" شورت بلوك ؟