إلحقوني العربية سقطت في إختبار العادم

**m000dy** · 17-12-2008 12:37 AM

ياباشا انا من السويس بردو
وحصل معايا نفس الحوار وكنت مركب حليه فى الشكمان كمان
المهندس اللى اسمه بدر زعقلى وبيقوللى ايه ده اجرى روح شيل المصفى دى بلاش منظره وشغل مش عارف ايه
بعد ماقاللى زود وسقطت
لكن الكلمتين دول وجعونى وانا بركب
فقلتله وانت مالك انت اتمنظر ةلا اولع فيها كنت جايبهالى من جيبك ولا تكونش بتصرف عليا انا حر فى عربيتى وتانى حاجه خللى اسلوبك احسن من كده انا مش شغال عندك
انت اللى شغال عندى وعند كل واحد بييجى هنا ويمكن اللى مش عاجباك دى مانتاش عارف تركبها ( مع انها 127 )
قاللى طب مانتاش مرخص
قلتله هاظبط العربيه وانا لسه معمر وهاحطلك 92 ووورقها خلصان وكامل وهارخص غصب عنك
رحت شلت الحليه ب 5 جنيه وظبطت العربيه ب 5 زيهم ورجعت لقيته مشى بعد ماخرجت انا وهو عموما مابيقعدش اكتر من نص ساعه ويقوم عشان تعرف انت توصل ال 50 جنيه للواد بتاع العادم ويقاسم معاه فى اخر اليوم
بس ماتروحلوش هو روح للراجل بتاع النمر اللى بيرسم النمر ده اللى تحت المظله اكيد عارفه طبعا وهو هايعديك ويستناك عند الاوضه اللى فى الاخر دى اللى بيقعد فيها الظابط اديله الخمسين جنيه فى ايده بس اما يعديك الاول وكل الناس بتعمل كده
قانون بيئه قال وعايزين الناس تمشى على القوانين
دى مش قوانين دى سبوبه جديده وجابولها اللى يلهفها وعينوه عشان يقاسم مع الباقى واهو كله خير وبيعم عليهم
اشمعنى الحكومه تغلى الضريبه ومادام الناس قادره على الضريبه ام ميات فمفيش مانع يزودوا علينا كمان اتاوه ب 50 جنيه

**ahmed1981** · 17-12-2008 01:08 AM

غير زيت العربية وحط زيت شيل X100 الجركن الأبيض
وإشتري علبة زيت شنبر خللي اللي هيغيرلك الزيت يعمل حسابه في حطها مع الزيت

**SHLD** · 17-12-2008 12:38 PM

الاخ moody أنا نمرة تليفوني 0186956769 ونفسي أظبط العربية الموتور بس مش عارف أوصل لميكانيكي كزيس في السويس يظبط العربية كل ما أروح لواحد يلهف الفلوس خاصة إن العربية معاي الصبح بيبقي فيها تنتيش ولما أجي أخد الغيار التاني وأدوس بنزين بتبقي كأنها مكتومة وممكن تقف وزمان قبل ماواحد إبن حلال ينضف الكاربرتير والظاهر إنه عمل العكس فنفسي أعرف ميكانيكي كويس في السويس ومش كل واحد مسك مفك يبقي ميكانيكي زمان كنت أدوس بنزين كان صوت العربية يعلي دلوقتي كأن العربية هتقف فيا ريت لو حد يعرف مركز صيانة نضيف في السويس يقيس العادم ويظبط الماكينة ويكون متخصص في الكاربرتير والحاجات دي في السويس مش ميكانيكي بمفك

**SHLD** · 17-12-2008 12:39 PM

أسف نمرة التليفون 0186956769

**Qamar** · 17-12-2008 01:21 PM

آسف انا مش من السويس لكن لما تلاقي الميكانيكي المحترم أعتقد انك محتاج تخليه يبص على البوجيهات كمان و يضبط الكهرباء

**m000dy** · 18-12-2008 09:23 PM

بص ياباشا
قدامك تلاته انا اعرفهم فى موضوع الكربيراتير ده
الاولانى مصباح اللى الورشه بتاعته عند هانو اللى فى الشارع بتاع موبيل اكيد عارفه
الشارع اللى فى وشه وده مابيشتغلش غير كربيراتير بس واشهر واحد فى السويس دانت لو سالت اللى بيكنس فى الشارع هايدلك عليه
وفى واحد قرد مسلسل بجد مفيش حاجه مابيعرفش يعملها بس دباااااااااااااااااح انا بتعامل معاه مضطر لما حاجه تقف فى وشى اسمه اسطى حسنى ادخل من فتحة المدينه الصناعيه اللى فى الاخر وعدى اول شارع وادخل فى التانى يمين اول ورشه على الشمال فوتها دى بتاعت خنافس عشان هو معروف الراجل اللى بقولك عليه لازق فيه على طول
بس انت قولله انا جايلك من طرف محمد سليم وان انا اللى باعتك ليه وانا قلتلك انه حراااااااااق موت
والتالت بقى ايده حلوه فى الكربيراتير اوى الصراحه وحنيييييييييييييييين لابعد الحدود فى السماد اسمه ايهاب بس ماتاخدش منه غير شغل كربيراتير
ادى التلاته وانت اختار
بس معلومه ليك لو عربيتك انجكشن محدش فى دول هاينفعك
ولو رحت التوكيل بالعربيه بردو هاتسقط عادم
انا شفت بعينى واحد ساقط سمع الكلمه ومشى كان معايا واحد صاحبى بيقوللى انا كنت فاكره مشى من غير كلام لان عربيته خرابه ووفر على نفسه الكلام لحد مالقيته رايح يركب عربيه زيرو جايه ترخص اول مره
تخيل
تصور

**ELBASHA** · 19-12-2008 03:32 AM

حط 10 لتر بنزين 95 و خلصت

**Amr_Moh** · 20-12-2008 07:35 PM

المشاركة الأصلية كتبت بواسطة Amrrr

طب ياباشا ماتظبط فعلا العربية وتروح تفحص كويس ومن غير فلوس وخلي الفلوس دي عربيتك أولى بيها وانت كدة كدة هتظبطها وعارف انها ماجاتشي عليك و البلد مليانة هنعمل ايه ؟

+111111111