سيارة مستعملة في حدود ١٠٠ الف اوتوماتك

مساء الفل على رجالة nile motors
انا محتار في اختيار عربية في حدود ١٠٠ الف أوتوماتيك متطلبات العربية
عملية لاني ممكن اعمل ١٠٠٠٠ كيلو في الشهر
قطع غيارها معمرة
موفره في البنزين
مكيفة
عائلية بس لعيلة صغيرة
يفضل السيدان
مبفضلش الصيني
ومتعقد من المتسبيشي ( بايع بومة ٢٠٠٦ أوتوماتيك ١٦٠٠ سبورت قبل التعويم ب ٧٠ الف فمش من المنطقي اني احط ٣٠ الف في موديل اقدم ب ٧ سنين)
بفكر في التويوتا عيون او السيفيا واسمع ان افضل موديل فيها هو ٩٩ لان اللي بعد كدا تقفيل مصري
كان نفسي في الاوكتافيا A4 بس سعرها عالي
وناس رشحتلي الاكسنت بس حاسس انها مش بالقوة المطلوبة
فبرجاء الافادة
ومعلومة قليله تمنع بلاوي كثيرة
وشكرا مقدماً
معلومة في اخر ٥ سنوات مدوب جولف ٢ - متسبيشي ٢٠٠٦ - باسات ٢٠١٠ - و١٢٧ بتاعة المدام ودي اللي باقيه