انا النهاردة غيرت الزيت و لاول مرة احط زيت توتال الحقيقة لقيت الموتور صوته ارتاح عن الاول كتير مع العلم انى كنت على طول احط موبيل-1 لكن على ما يبدو ان موبيل مش زى الاول خالص لانى فعلا حسيت بالفرق بعد التغير
عرض للطباعة
انا النهاردة غيرت الزيت و لاول مرة احط زيت توتال الحقيقة لقيت الموتور صوته ارتاح عن الاول كتير مع العلم انى كنت على طول احط موبيل-1 لكن على ما يبدو ان موبيل مش زى الاول خالص لانى فعلا حسيت بالفرق بعد التغير
انا بردة غيرت بتوتال وانا مرتاح معاة خالص :D :D :D
أنا دايماً كنت باستخدم زيت توتال أيام السيينا
وكان أكثر من ممتاز
ممكن كمان تجرب زيوت شل
زيت تحفة بحس ان العربية ناعمااااااااااااااااااااا ااااااااااااااااااااااااا اااااااااااااا
بقالي اكتر من سنة مواظب علية و ما شاء الله علي العربية
انا كمان بستخدم توتال كورتز 5000 وفعلا بيريح صوت الموتور كمان استهلاك البنزين بيتحسن اوى معاه والاجمل انه بيستحمل انك تتاخر في تغيرة لاكن برضوا زي ما قال مودكس شيل تحفة بجد واكتر حاجة شايفها ميزة فيه - اقصد شل - انة بيحافظ علي حرارة الموتور خاصة في الصيف وده عن تجربة اكتر من مره
طاب هل مفيش مشكلة من تغيير نوع الزيت و لا ممكن يحصل حاجة
سؤال0 هل اثناء الصيانة الدورية بيسالوا عن الزيت اللي احنا عايزينه والا بيغيروا براحتهم؟
كل شركة بتتعامل مع شركة زيوت معينةاقتباس:
هل اثناء الصيانة الدورية بيسالوا عن الزيت اللي احنا عايزينه والا بيغيروا براحتهم؟
نيسان تقريبا بتتعامل مع موبيل
رينو بتتعامل مع توتال
هيونداى بتتعام مع شل
كل شركة عامل عقد مع مورد معين
بس حضرتك ممكن براحتك تغير الزيت النوع اللى انت عايزه بره الصيانة
أنا كنت فى محطة توتال النهارده
وجدت عندهم نوع اسمهQuart 5000 20W/50 ب 60 جنيه ومفروض بيعمل 5000 كم
ونوع اسمه Quartz 9000 5W/40 ب 210 وبيعمل 9000 كم
حد يعرف حاجة عنهم؟؟
وازاى ال 5000 ب 60 جنيه وال 9000 ب 210؟؟؟؟؟
يا د/احمد ده الطبيعى
الزيت المعدنى فى كل المحطات سعره بيتراوح من 60-75 جنيه (حسب النوع)
و الزيت التخليقى بيتراوح سعره من 175-215 جنيه (حسب النوع)
الزيت التخليقى بتاع توتال معبأ فى فرنسا و ده كمان سبب لسعره, اما المعدنى فهو معبأ فى مصر
عامة التوتال ممتاز و الشل كمان
حسب حضرتك بتستعمل من الاول ايه
لو حضرتك بتستعمل موبيل 1, يبقى تجيب التوتال كوارتز 9000
اما لو كنت بتستعمل موبيل xhp, يبقى تستعمل كوارتز 3000
يا دكتور معاذ أنا غيرت الزيت مرة واحدة فقط وكان موبيل 1 وأريد تغييره ، وبصراحة نفسى فى الزيت أبو 5000 كم لأنى حاسس ان 10000 كم من غير تغيير بيبقى كتير قوى ، فإيه رأيك أغير بتوتال 5000 بس من غير ما أغسل الموتور ، أو ممكن أغسله بنصف لتر الزيادة فى الجركن.. ماذا ترى؟
ثانيا إيه الفرق بين تخليقى ومعدنى؟؟؟؟
مدبئيا, لو حضرتك بتستعمل نوع زيت يحبذ يبقى نفس النوع على طول الخط
و ه موضوع كان بيتكلم على انه مينفعش ترتقى بزيت الموتور
http://www.nilemotors.net/Forum/view...D1%CA%DE%C7%C1
يعنى لو بتستعمل زيت معدنى لفترة, مينفعش ترجع بعد كده فى كلامك و تستعمل زيت تخليقى, ده بيخلى الموتور يبقى خفيف
الزيت التخليقى احسن بالنسبة للعربية و خاصة للمواتير الحديثة, لأنه بيشتغل كويس سواء و العربية باردة او لما تسخن (يعنى اداء عالى فى ظروف مختلفة)
الزيت التخليقى ممكن تغيره بعد 10 الاف كم او 6 شهور ايهم اقرب
يعنى مش شرط يفضل معاك ال 10 الاف كلهم, ممكن 9الاف او 8 الاف لو بتعملهم فى 6 شهور
اما لو بتعمل اقل من المسافة دى فى 6 شهور, او شايف انه ممكن يبقى حمل كبير انك تغير زيت تخليقى كل 6 شهور قبل ميعاده,يبقى ساعتها استعمل المعدنى
عامة الفرق بين المعدنى و التخليقى, ان المعدنى معمول من مشتقات بترولية طبيعيعة. اما التخليقى فهو معمول من مواد كيماوية و مصنع بنسبة 100%
فى ناس بتفضل المعدنى و فى ناس بتفضل التخليقى.
بالنسبة لى, انا افضل التخليقى, لأنه هو اللى معظم الشركات بتنصح باستخدامه فى سياراتها
غسيل الموتور بيبقى بزيت مخصوص مش بالزيت الباقى فى الجركن على ما اظناقتباس:
فإيه رأيك أغير بتوتال 5000 بس من غير ما أغسل الموتور ، أو ممكن أغسله بنصف لتر الزيادة فى الجركن.. ماذا ترى؟
ساعتها بتحط الزيت المخصوص ده (اظن اسمه فلاش و تمنه حوالى 25 جنيه) على الزيت اللى موجود اصلا فى الموتور و العربية بتدورها و هى واقفة عشر دقايق وبعدين تنزل الزيت اللى كان فى العربية, ده هو اللى بيغسل الموتور
بسبب السمعة السيئة حاليا لمنتجات الموبيل, فياريت حضرتك خليك فى الشل او التوتال, الاتنين مشهود لهم بالكفائة و انهم بيخلوا الموتور اهدى عن الموبيل
أنا عندى استفسار لو سمحتم
كنت بستخدم زيت توتال كوارتز 3000
وآخر مرة رحت أغير زيت قلت للراجل عايز زيت توتال 3000 وبعد ما غير الزيت واعطانى الجركن بالجزء المتبقى
لاحظت وجود اختلاف بين شكل الجركن والجركن القديم حيث أن الجديد مكتوب عليه توتال موتور أويل ومش مكتوب ولا كوارتز ولا 3000 فهل ده نفس الزيت ولا مختلف
طيب ممكن اعرف اية انسب زيت لل 128 سواء توتال او شل هى موديل 91 وشكرا ليكم