الموضوع: تغيير زيت فتيس اوبترا 2012 وهل الفتيس كده بيخلص

السلام عليكم اخواني معذرة لو القسم غير مناسب بس محتاج مساعدتكم ضروري لاني في حيرة

اشتريت اوبترا 2012 من كفرالشيخ كانت ماشية 100 الف اخدتها وعملت صيانة كاملة ومنها زيت الفتيس كان اسود، نزلته وحطيت موبيل 320، الميكانيكي غيى من الطبة ومخلش الكرتيرة واخدت تقريبا 3 كيلو وشوية ومشيت ورجعت القاهرة، كام يوم ببص علي الزيت بالمقاس لقيته اسود وبدأت رحلة القلق، كام يوم وبدأت احس بالنقلات اكتر واحس كده بتكة في العربية مع النقلة وساعات احس الغيار الرابع مش بيجي بسرعة مبقتش عارف ده صح ولا بيتهيألي علشان القلق.

المهم دورت وقالولي ان زيت jws 3309 هو المناسب وقررت اني انزله واغير زيت الفتيس، انا ماشي علي الموبيل 320 تقريبا 700 كيلو الي الان

للعلم بقي امبارح لفيت علي كذا ميكانيكي وبتاع زيت اللي يقولك الفتيس كده بيشيع واللي يقولي ده بداية حريق للزيت ولازم تغير الزيت واللي يقولي الموبيل تمام ولا يهمك من السواد وامشي كده وركب العربية وقالي النقلات تمام والفتيس زي الفل

السؤال
1. فين الاقي زيت jws 3309 وعايز ميكانيكي او مكان كويس اغير فيه، انا في الهرم، لاني مش لاقي الزيت ولا اعرف حد هنا كويس...

2. ايه الطريقة الصح لتغيير زيت الفتيس، ايه اللي المفروض اعمله واشتري كام كيلو زيت

3. هل السواد ده معناها ان الفتيس خلاص

4. هل اقدر امشي بالعربية لاني خايف امشي بيها وراكنها