عــربيتى فى الــتوكيـل بتصلح :)

**THETOP** · 15-12-2008 08:44 PM

ســلام عليكم ورحمه الله وبركاته

ازيكم يا شباب كل سنه وانتم طيبين جميعاً

طبعا العنوان باين عربيتى فى التوكيل

كنت حاجز من شهرين عشان كان فيها شوية حاجات بسيطة

فا كده كده انا مأمن على العربية تبع مصر للتأمين وهما عاملين

ديل مع هوندا بيسهلوا الامور سوا يعنى

فا روحت والحمد لله يوم السبت اللى فات مشوار طبعا بعيد اووى

لانى انا فى الهرم والتوكيل بتاع السمكرة والدوكو فى طريق جسر السويس جمب توكيل سبرانزا ومرسيدس

اخذت دورى طبعا الحمد لله مكانش زحمة لانى كنت حاجز من شهرين

قابلت الاستاذ محمد عياد مسؤل الصيانة هناك راجل جنتل ومحترم اوى اوى . اخ بجد

ادانى استمارتين املاهم اول استمارة بكتب بياناتى وتانى اسمارة

بشرح ايه اللى حصل للعربية وايه الخباطات اللى فيها بوصف الحادث بمعنى اصح بوصفى تفصيلى

قعدة مع الاستاذ محمد عياد قالى معلش اخرت شوية قولتلوا ولا يهمك قالى حضرتك حاجز ... قولتلوا من شهرين

قالى شهرين قولتلوا تخيل..قمنا عملنا معاينة للعربية

قالى بسيطة الحمد لله قالى ده حصل الكلام ده ازاى قولتلوا وهى واقفة تحت البيت ومتغطية وحاطتها فوق الرصيف كمان وحاطيت حجرين عشان الملفات برضو اتخبطة قولتلوا الحمد لله نصيبنا كده

الاصابات اللى فيها بقى ( خبطة بسيطة فى الشنطة + جرح غويط فى الرفرف الشمال الخلفى + الاكصدام الامامى والخلفى فى شوية خرابيش هايترشوا + الكساحات الكاوتش فى الاكصدام الامامى مقطوع منها حته)

طبعا كل ده على حساب التأمين وبحمد ربنا ان مأمن على العربية

بس كان فى نقر بسيطة فى العتب بتاع العربية قولت ليه يعملها قالى نصيحة منى بلاش حرام ارشها اقتنعت بكلامة

اولاً وش الشنطة هايتغير (لونى اى سمكرى هايعرف يعملوا دى حاجة بسيطة اوى يعنى ) قالى افضلك ان اغيرها قولتلوا غير.

ثانياً الجرح الغويط اللى فى الرفرف ها يتسمكر ويترش

ثالثاُ الاقصدامات هاتترش برضو

رابعاً الكساحات الكاوتش الامامية هايتغير برضو

الحاجات دى كلها هاتتعمل فى 10 ايــام تخيلوا بعد حجز وكده

قولت مش مشكلة المهم انى اوضب العربية قبل مااروح اجدد الرخصة لان شهر 2 الجاى هاجدد الرخصة فاقولت اعمل الكلام ده كلوا.

انا قولت اعمل الموضوع ده عشان اخد رأيكوا فى اللى حصل

واى استفسارت انا موجود

وربنا ميجبلكمش حاجة وحشة

ويجعله عامر

**emnm_elsheikh** · 15-12-2008 09:41 PM

اولا قدر الله و ما شاء فعل
ثانيا انا كنت بفكر اجيب العربية ده بس خايف من ارتفاعها من الارض
ايه رايك انت جربتها هل ده مشكلة ولا لا مع مطبات بلدنا

**THETOP** · 15-12-2008 11:15 PM

السلام عليكم ورحمه الله وبركاته

صدقنى العربية دى من افضل العربيات اللى ركبتها

حتت ان العربية واطية عن الارض فا ده مش عيب بالعكس

فى ناس بيبقى عربيتهم مرتفعة وبيخفضوها عشان الاتزان

وتكون استيبول

صدقنى ده مش عيب سيارة ده عيب شوارعنا احنا :((

عامة صلى صلاة الاستخارة واستعن بالله وقرار شوف انت هاتعمل ايه

بس حاجة اخيرة

الهوندا هوندا يعنى اليابانى 100%

اسم لوحدة حكاية كبيرة اووى وانت شايف ان العربية بدأ كتير من الشعب المصرى يجيب منها وانا منهم

وتابع المواضيع فى القسم وشوف تفاصيل السيارة

وشكرا لمتابعتك :)

ويجعله عامر

**emnm_elsheikh** · 16-12-2008 08:33 AM

شكرا جدا على ردك بجد ريحتنى
جزاك الله خيرا

**THETOP** · 16-12-2008 05:05 PM

جزانا الله واياكم يا اخى :)

فينكم يا شباب الهونداااااا سيفيك :)

ويجعله عامر

**Hisham_ElFeky** · 21-12-2008 04:31 PM

محمد عياد انسان محترم جدا

انا عندي برضو الاكصدامات عايزه تترش وكده بس مأجل الموضوع شوية

وشكرا لشرحك الوافي

وعايزين نعرف النتيجة ايه والرش محترم وفيه فرق في الالوان وكده هوا دا المفيد بقا

**tmedhat** · 21-12-2008 08:42 PM

ربنا يوفقك

انا مش من انصار ان العربية تترش للحاجات البسيطة دى

بردة العربية لما بتكون فابريكة برة و جوة بيكون افضل

**THETOP** · 21-12-2008 09:51 PM

المشاركة الأصلية كتبت بواسطة Hisham_ElFeky

محمد عياد انسان محترم جدا

انا عندي برضو الاكصدامات عايزه تترش وكده بس مأجل الموضوع شوية

وشكرا لشرحك الوافي

وعايزين نعرف النتيجة ايه والرش محترم وفيه فرق في الالوان وكده هوا دا المفيد بقا

ان شاء الله انا هاستلمها يوم الخميس الجاى

وهاقولكوا النتيجة ايه :)

**THETOP** · 21-12-2008 09:56 PM

المشاركة الأصلية كتبت بواسطة tmedhat

ربنا يوفقك

انا مش من انصار ان العربية تترش للحاجات البسيطة دى

بردة العربية لما بتكون فابريكة برة و جوة بيكون افضل

يا سيدى خليها على الله

انا كده كده مش من هواة قلب السيارات بسرعة :)

هى ونصيبها وربنا يسترها :)

**EslaM_NagY** · 25-12-2008 02:46 PM

المهندس / محمد عياد

دا صديق شخصى ليا من زماااااااااااان ايام ما كان فى الكلية
بجد انا مبسوط جدددددددددددددددددددددددد ددددددددددددددددا انو قدر يخلصلوكوا عربياتكوا وتكونوا راضين.

وكفاية كلمة "محمد عياد انسان محترم جدا "
بجد انا مبسوط جدددددددددددددددددددددددد ددددددا من كلامكوا

الموضوع: عــربيتى فى الــتوكيـل بتصلح :)

LinkBack

أدوات الموضوع

عرض

عــربيتى فى الــتوكيـل بتصلح :) - انشر الموضوع فى :

-

-

-

-

-

-

-

المواضيع المتشابهه

سياره بتصلح نفسها بالكمبيوتر

استطلاع:بتصلح اول باول ولا بستني لما تعطل خالص؟

بتصلح عربيتك بنفسك

الكلمات الدلالية لهذا الموضوع

المفضلات

المفضلات

ضوابط المشاركة