السلام عليكم


نفسى أعرف إيه اللى بيخللى البينى مينى و الماروتى يطلعوا بالتصميم ده. الكراسى الأمامية بتبقى مرفوعة فى الهوا مش زى بقية العربيات مرتكزة عالشاسيه مباشرة و الرفع ده عن طريق جزء حامل منحنى و فيه المسامير.

فى ظل إن وزنى ١٢٠ كجم و مع طرق مصر البشعة النتيجة اللى جربتها فى الماروتى بعد ٥ سنين سواقة بدون توقف إن هيكل الكرسى الأمامى المعدن بيتضعضع و يتشرخ و يتكسر من تحت و ممكن مع غدرة طريق تلاقيه اتكسر و بيتطوح بيك!!!

يعنى لما تبقى البينى عاجبانى فى كل حاجة و هيا الوحيدة اللى يدوب حقدر على تمنها و صيانتها بالعافية و طلوع الروح و أبقى محسور و مرارتى حتفرقع عشان عارف إن كرسيها مش حيستحملنى...أعمل إيه؟ أقطع ٦٠ كجم من لحمى عشان أعرف أشترى عربية؟


العيب ده خطير جدا و محدش بيجيب سيرته