السلام عليكم و رحمة الله و بركاته

دا اول موضوع ليا هنا و اتشرف بالتواجد معاكم

كما هو موضح بالعنوان انا عايز اجيب طارة اكسنت rb مالتي فانكشن و احطها للڤيرنا و كل اللي يهمني هو اني أتحكم في الكاسيت وبس من الطارة سواء أشغل راديو أو اشغل بلوتوث اوطي الصوت أعليه و هكذا بصراحة كمان لان طارة الڤيرنا شكلها مش عاطفي خالص

فانا حابب من السادة الاعضاء المحترمين سواء اللي جربوا الموضوع دا ف عربياتهم او السادة الافاضل اللي عندهم أي معلومة تفيدني يردو عليا في النقاط دي:
1- انا عرفت ان لازم نوع كاسيت معين و حد كانت كاتب انه لازم يكون يتبرمج Learn و مش فاهم يعني ايه و معرفش ايه النوع دا و اجيبه منين و هل هو متاح ف ماركات محددة بس زي بايونير ولا مش شرط؟ ولا المهم يكون كاسيت حديث و خلاص؟

2- هل سهل الاقي طارة rb و ايه الاسهل الاقيها استيراد و لا مستعمل و لا اصلي و اسعارهم رينج كام و الاقيهم فين؟ (علما اني افضل طارة مش متهانة و بوهيتها فيها مش مأكسدة و مقرحة)

3- اجيب الطارة ((دا لو لقيتها أصلا)) ادور على طارة rb عادية و اشتري زراير المالتي من مكان تاني ولا الاسهل اني اجيب طارة rb مالتي فانكشن منها فيها؟

4- اخيرا وليس اخرا الموضوع دا عايز كهربائي بيفهم كويس فا ياريت لو حد يعرف واحد في القاهرة فاهم كويس الكلام اللي فوق دا يديني رقمه.

وبشكر الجميع مقدما سواء اللي هيفيدوني و يفيدو الناس اللي محتاسه زي حالاتي في الموضوع دا او سواء اللي هيقروا الموضوع و يتابعوه و كل عام و انتم بخير جميعا.