يا جماعه انا عندي استفسار....
لا قدر الله لو العربية بتاعتي متأمن عليها وبعدين عملت حادث ...من غير خساير في الارواح...سواء كنت انا الغلطان او المجني علية...
اية هي الاجراءات المتبعه علشان ابلغ واعمل محضر بالحادثة ...وخلافة ....لاني سمعت ان بلاغات الموبايل غير معتمدة في وزارة الداخلية .....يعني لو بلغت النجدة او شرطة المرور بالموبايل ...هل فعلا مش بيستلموها ....
ياريت حد يعرفنا الخطوات بالظبط ....لحد ما تروح التوكيل وتتعامل مع شركة التأمين ....
ولكم جميعا جزيل الشكر ...
ده بيرجع للشركة المؤمن لديها لكن الإجراآت لن تخرج عن :
1- عمل محضر بالواقعه
2- أخذ صورة فورية من المحضر
3- إبلاغ شكرة التأمين بالواقعه
4- إن أمكن تصوير السيارة + صور الرخص + صورة المحضر و أخذهم لشركة التأمين
5- بتكلم مندوب التأمين إللى بتتعامل معاه أو الشركة و هما بيدلوك تتصرف إذاى
الف شكر ياباشا....بس حكاية المحضر دي نظامها اية ....يعني انت لو في فوق كبري ولا في نص شارع رئيسي ...الناس بتفضل واقفة لحد الشرطة ما تيجي وتعمل محضر...ولا التصرف اية..
لاء يا هيرو انت ممكن تعمل محضر في اي وقت ومش لازم تدى اوصاف او نمر اللي خبطك يعني ممكن تقول في المحضر ان العربية اتخبطتت وهيا واقفة او اللي خبطك خبطك وجرى
بس اللي اعرفة ان الجمعية الاهليه مش لازم محضر بس مش متاكد من الكلام ده
طب اللى انت خبطته ده حيسيبك تروح ولا حيتخانق معاك ويقول لك صلح لى عربيتى على حسابك وهل التامين بيقوم بالاصلاح للشخص الاخر برضه ولا مالوش دعوه :lol: