ارش القايم ولا أعمل ايه!!! حسبي الله ونعم الوكيل.

**Abdallah** · 18-12-2008 01:47 PM

نوع العربية ايه ؟؟
موديل كام؟؟
هيا خبطة ولا حكة؟

**pro_samir** · 18-12-2008 05:07 PM

المشاركة الأصلية كتبت بواسطة Silver_Arrow

هي العربية نوعها أيه ؟
لو كان القايم مستقيم أو صغير ممكن تلزاء ستكير اسود كاينو ترويش أو تحط حلية نيكل ، كدة مش هتحتج ترش ولا تلعب في الدهن و مش هتاثر في البيع

حلو الحل دة

انا كنت عامل كدة زمان فى عربية فولفو بس كان الفريم بتاع الباب نيكل وعملت القايم كمان استيكر نيكل كان شكلة جامد

ولو عندك مثلا الفريم بتاع الباب اسود والقايم مش كبير ممكن تعمل القايم باستيكر اسود

**Abdallah** · 18-12-2008 09:23 PM

سيبها زى ما هيا واوعى ترشها لأنها هتنزل من قيمة العربية كتير, ممكن تعمل القايمين بستيكر جلد اسود ولكن رش يبقى صعب اوى.

**hishamanilka** · 19-12-2008 05:45 PM

واللهي بلدنا دي قمه التخلف قال ايه لو العربيه رشه تنزل من سعرها مع ان ممكن يكون صاحبها رشها نظافه ومعملش بيها حادثه ابدا وحالتها زاي الفل انا عايش في اوروبا والمستعمل هنا اهم معيار فيه شكل العربيه من بره وحاله الماتور والصدا وشكرا انما بقي تقولي راشه ولا مش راشه ودواخل فاريكه وقوايم وبويه المصنع وحاله الماتور زاي الزفت ده بقي شغل بلادنا المتخلفه ارحمونا بقي

**engwalid** · 20-12-2008 05:30 AM

المشاركة الأصلية كتبت بواسطة ecybrarian

لو الموضوع تجريحات جامدة فقط يبقى الحل الرسم مش الرش...كلام غريب إللي انا باقوله ده مش كده. اقصد إن بتاع الدوكو يمشي بفرشة صغيرة طرية (زفرة) على التجريحات فقط (مرمة) وبكده العربية تبان مرتطشة على القايم مش مرشوشة. ولما تبيع هتلاقي إللي بيشتري (ممكن) يجرح في اي حتة تانية في القايم هايلاقي دهان الفبريقة.

وفي طريقة تانية برضه هي إن بتاع الدوكو يغطي القايم بورق ما عدا أماكن التجريح ويرش على كده. يعني زي ما بيغطوا الزجاج والأكر ويرشو.

بس في الحالتين..ما دقش على فرق الألوان قوي. أو تشوف واحد من إللي بيطلعوا عربيات الحوادث فبريقة بره وجوه..بس انا نفسيا مش مستريح للناس إللي شغلهم في النصب.

الرأى ده كويس وحاول تعمله لو كان ينفع ...

وقدر الله وما شاء فعل .. والحمد لله انها جت على قد كده ..

**r0xer** · 20-12-2008 12:42 PM

رشها طبعا وطظ في سعر العربية...يافندم العربية دي بتاعتك ولا بتاعة اللي هيشتريها بعد لو قررت في يوم تبيعها؟

انا عندي تجريحة في الباب و هتترش رغم انها مش باينة...لكن لان انا اللي بركب العربية ولازم شكلها يكون حلو قدامي...