ياخبراء:اشتري الافيو المقلوبه دي ولا بلاش
السلام عليكم
اخواني الاعزاء
اتشرف بأني اتكلم معاكم هنا في منتدي الشفروليه ودي اول مره هنا معاكم
باختصار علشان مش اطول
معروض عليا عربيه أفيو موديل 2007 بتاعة واحد صاحبي وهي كانت مقلوبه (عملت حادثه)وصاحبي اشتراها وهو عارف وكان شاريها ب55 وبعدين لما اشتراها كان فيها حبة لخبطه وفضل ورا العربيه لغاية لما ظبطها.
المهم هو اشتري شقه وعاوز يبيع العربيه واتكلمت معاه وهو طلب 50 الف
انا مشفتش العربيه قبل كده معاك ولا ركبتها هو مجرد كلام مع بعض
المهم انا قبل اي حاجه امكانياتي بالعافيه 45 الف وبعدين في مجموعة اسئلة ياريت اسمع رد عليها من حضراتكم
1- اشتري العربيه دي اصلا ولا بلاش
2- لو هشتريها يبقي اكشف علي ايه وفين وطبعا العربيه رشه فمش عارف هكشف علي ايه
3- لو العربيه ماشي حالها 45 لو وافق هيبقي مناسب ولا ايه
طبعا الموضوع مقلق بس الراجل كان ماشي بالعربيه تمام بس برضك قلقان
ياريت اجابه منكم
وشكرا