-
خبر غريب
كان من المفروض ان استلم عربيتي يوم الاتنين 6/8/2007 ولكن الوكيل اتصل بيا واعتذر لي عن التسليم وقال لي ان العربيات هتتأخر شويه حوالي عشر أيام علشان في مكونات ناقصه في العربيات أنا طبعا استغربت جدا المهم ولأني لا أصدق كل ما أسمعه بسهوله اتصلت بمهندس معرفه يعمل بالتوكيل واخبرني بحاجه بقصه غريبه جدا اخبرني انه في مستشار اشترى سياره اسبيرانزا ووجد بيها بعض العيوب ولما طلب انهم يصلحوها له استهبلوا عليه وقالوا لا كله تمام والحركات الفهلويه بتاعت المصريين المهم الراجل طبعا وبما أنه عارف القانون كويس عمل ليهم بلاغ عند النائب العام ورفع عليهم اكتر من قضيه وبيقؤل لي ان جريده الجمهوريه او المساء موش متذكر بالظبط ذكرت القصه ولذلك فأن المصنع قرر الا يسلم أي عربيه جديده الا بعد حل كل المشاكل فياترى حد سمع عن هذه القصه ؟ وايه رأيكم فيها
-
انا اعرف الراجل ده والكلام ده فعلا صحيح
-
لو القصة دى صحيحة بجد يبقى احنا فى بلد مش بيحترم الناس ازاى يعنى الوكيل مش يحسن انتاج عربيته غير لما واحد يهدد الوكيل ويرفع عليه قضايا
انا اللى اعرفه ان الناس سواسية ومش حد احسن من حد والمفروض ان الوكيل مفيش عربية تطلع من عنده غير لما تكون fit
على العموم ربنا يبارك لسيادة المستشار ويجعله يا رب سبب للخير للناس
-
هو ده الخبر
-----------------
كتب ممدوح رمضان:
تقدم أحد نواب رئيس هيئة قضايا الدولة ببلاغ للنائب العام ضد صاحب توكيل السيارة الصيني "اسبرانزا" يشكو من وجود عيوب صناعية في الصبابات والبساتم الخاصة بالسيارة.. وذهب إلي مركز الصيانة لاصلاح العيوب وبعد 70 يوما من المحاولات لم يتم الاصلاح وبدأت أمس وحدة السيارات بجهاز حماية المستهلك في التحقيق في الشكوي.. قال مصدر بالوحدة:. إن الشكاوي من السيارة عديدة وهناك عدم تعاون من الوكيل في حل مشاكل المستهلكين.. وتتجه النية إلي إعداد تقرير عن مخاطر السيارة بعد تعدد الشكاوي
-
انا سمعت عن الخبر ده و كان منشور في جريدة الجمهورية في عدد الثلاثاء 7 اغسطس
انا بجد كنت قلت قبل كدة إن الوكيل لازم يزود عدد مراكز الصيانة لأن الضغط بقى جامد جدا على المركزين إللي في القاهرة و ده طبعا أدى إلي تدهور الخدمة و عدم الإهتمام بطلبات العملاء مما أدى لعدم حل مشاكل الناس بسبب رغبة المهندسين في المراكز بتخليص العربية و تخريجها من عندهم و دخل يا عم العربية إللي بعدها
كدة أحسن على شان سياسات إحتكار الصيانة و قطع الغيار هي إللي عملت فيهم كدة، لو كانوا سابو قطع الغيار متاحة و إدوا الصيانة لكذا مركز معتمد كانوا خفوا الضغط عليهم و كانت الصيانة هاتم صح و بدون ضغط و كل إللي ليه ملاحظة كان عملها و هو مرتاح
-
والله ياجماعة ديت تبقى حاجة كويسة لان المشاكل عندنا لا تحل إلا بعد عمل دوشة ، اما بالنسبة للزميل الذى ذكر اننا سواسية فى الوطن فأقول له هل رفع قضية على الوكيل مشكلة من الجميع فالمحاكم مفتوحة للجميع ولك ان تقدم وترفع قضية على الوكيل ان كان هناك مشكلة وهذا المستشار عرف كيف يأخذ حقة وياريتنا جميعا نحذو حذوة ، بس للعلم وكيل الاسبرانزا ليس الوكيل الوحيد السىء وياريت تقرأ ما يفعلة المسمى غبور افندى او الاستاذ دبور فى العملاء ايضا اثناء الصيانة ، يعنى الامر لايعدو اختلاف اسماء فقط ولو جهاز حماية المستهلك فعلا صح لكان اوقف كل هؤلاء
-
هيا دي مصر
انا مرة سمعت مرة حكمة مش قادر انساها
لو نيل مصر صلصة ميكفيش كوسة مصر
بس بردو ربنا يباركلنا في سعادة المستشار
و انا شايف ده حاجة كويسة اوي للاسبرانزاوية كلهم
و يجعلو عامر
-
مش عارف ليه الناس مستغربة
الواحد كل ثانيه بيشوف مواقف شبيهه و علي كل لسه فكر التوكيل المحترم غير مفهوم في بلدنا
كان عندنا خبراء يابانيين في الشركة زمان و مرة واحد قاللي و هو في منتهي الحرج ان الدراسات عندهم بتقول اننا متخلفين تكنولوجيا عنهم 30 سنة و بالتالي التعامل و الاسترتيجيات تبني علي هذه الدراسات
بس انا رأيي ان فيه تخلف اخلاقي ايضا بس كااااام؟
-
والله يا أستاذ إسلام متهيألي إن في موضوع الأخلاق ديه إحنا متأخرين عنهم مش أقل من 100 سنة
-
يعني الحقيقة هتبان اهه
الحمد لله
Content Relevant URLs by
vBSEO 3.6.0 PL2