العربيه نيو اكسنت 06 مانيوال
هو الي حد كبير جدا انا فهمت كل ميكانيكا عربيتي
بس فعلا في حاجات مالهاش عندي ولا عند الصنايعيه اي تفسير
زي الكاوتش اليمين بيفرك علطول لو حرقت على الوالاني والشمال بيمشي زي الفل غيرت جوز فرد قدام اتزبط الموضوع شويه بس برضو العيب موجود بس مش متلاحظ عشان كاوتش ماسك نفسه
الكبالن مفيش اي تخبيط ولا رجرجه الاسطوانه طبيعيه والمشكله كمان ان نيو اكسنت دبرياج بتاعها عالي جدااا وفي نفس الوقت خفيف والموضوع ده لاحظته في شويه عربيات
بيخلي العربيه تفصل من اي حد لو مخدش باله وفي نفس الوقت لو اتسرع شويه تنتش وتبقى الطلعه رديئه زي الناس الي لسه متعلمه سواقه
ولما اتغيرت البليه الميكانيكي قالي ديسك واسطوانه زي الفل
بس المشكله ان الميكانيكي ده ممكن تبقى الحاجه قدامه شغاله بس تعبانه شويه بس يقولك كويسه عشان يستحرم يغيرها
بس في حاجات انا بحسها وبتطلع صح زي بطاحه المساعد لما بازت روحت قولت للميكانيكي البطاحه بايزه وانا اساسا عمري ما شوفت بطاحه في حياتي وطلع كلامي مزبوط
بالنسبه للحوادث الكلام ده اغلبيته اول ما جبت العربيه بس الحمد لله مع كل ده العربيه فقط راشه اكصدام ودلوقتي قليل لما بما بعرض واخمس عشان مستحرم ابوظ تاني
طبعا معلوماتي عن الكهربا صفر
والمشكله ان العربيه برضو فيها سنه هسهسه مش عارف من ايه لو مشغل الانوار بالليل بسمع زنه اطفيها الزنه تروح نفس الكلام مع القزاز الكهربا لو مرفوع وانا فضلت دايس على الزرار اسمع الزنه
النور احيانا بيضعف خصه نور الصالون
وخايف اوديها لكهربائي يخرف ويبوز الدنيا
المفضلات