الموضوع: اخر اسعار البيتلز

السلام عليكم أخ هاشم
انا اعتقد ان البيتلز اسعارها زى ماهى مااتغيرتش خالص
العربيات اللى عايزه شغل فى الماتور بالذات بتكون رخيصه
طبعا العربيه اللى ب 8000 جنيه دى هتكون عايزه عربيه
اما العربيات اللى ماتورها بحاله كويسه
وعفشه وبودى تمام
ولو كمان لونها حلو وعلبها بويه كويسه وجنوط وغيره من الكماليات
دى زى ماهى بتكون من 16000 وانت طالع لغاية دلوقتى فى بيتلز 1300 مع ظابط شرطة موديل سبعينات
والله كان طالب فيها 35000
ان شاء الله هصورها واوريكو صورها
تحفه بمعنى الكلمه
اما بالنسبه لل 1303 و 1302 اللى حالتهم كويسه دول من 20000 وانت طالع
انا بقول الكلام ده عن درايه تامه
لانى دايما لما بشوف حد معاه بيتلز عارضها للبيع بنزل اتكلم معاه
اما بقى اسعار سوق السيارات دى فعلا ممكن تكون زى ماحضرتك بتقول
لان اغلب عربيات السوق انت وحظك وطبعا اكيد انت عارف الموضوع
ده

انا مااتوقعه بالنسبه لمراقبتى لسوق السيارات فى مصر
ان تقريبا اول 3 شهور من عام 2009 هيكون فى كساد فى سوق السيارات الجديده لهذا وارد ان الجديد ينزل شويه فى مصر اما فى خارج مصر فاسعار السيارات الجديده ستنهار
لاكن فى مصر الدوله يتاخد فلوس من التجار كثير
وهو مايقال عليه جمرك وضريبه و و و
لهذا فأعتقد ان الحكومه المصريه مش هترضى ان التجار يخسرو لاكنها ترضى ان الشعب يخسر مافيش مشلكه
لو جينا بقى للمستعمل اعتقد انه هيرجع لطبيعته تانى بعد كام شهر بالاخص العربيات اللى اثبتت وجودها زى مثلا الفيات 131
البيتلز بقى وضعها خاص لان اللى بيحبها بس هو اللى بيركبها واللى جربها بس هو اللى يعرف قيمتها
نيجى بقى للعربيات اللى تسببت فى ضعف سوق المستعمل وكثرة المعروض
زى المرسيدس والبيجو والجيب وكل العربيات اللى السى سى بتاعها عالى فوق 2000 سى سى وده كان قبل موضوع انهيار الاسوق العالميه ده كان مرتبط بضريبة التراخيص اولا وارتفاع اسعار البنزين ثانيا
ودى فعلا العربيات اللى مش متوقع انها ترجع لطبيعتها تانى
بالاخص ان اغلب البيجو اللى هو تاكسى حاليا بعد الاحلال هيبقى اكثر فى السوق طبعا اقصد احلال التاكسيات
انا اعتقد ان السوق هيتقسم لعدة شرائح تقريبا
الشريحة الاولى عربيات تحت 10000 جنيه
ودى هتكون الموديلات القديمه والعربيات اللى قطع غيارها اما ناقصه فى السوق او غاليه وطبعا العربيات اللى فيها مشاكل وصاحبها زهق منها وعايز يتخلص منها
الشريحه الثانيه اللى فوق 12000 لغاية 20000 ودى هتكون اما عربيه عايزه شغل او سى سى عالى وعايزه بنزينه وراها زى الفيات 132 ال 20000 سى سى عربيات قطع غياها متوفره لاكنها مشكله فى الصرف ومشكله تانيه فى الترخيص والضريبه
وبعض العربيات الكويسه اللى بنفع تتركب هتكون موجوده فى الشريحه دى بس مش هقدر اذكر موديلات لانهم كثير لاكن هيكون فى انواع كويسه ممكن تتركب
اللى بقى فوق 20000 هتكون عربيات موديلات عاليه على الاقل لغاية سنة 2000
وهتكون كلها تقريبا عربيات محترمه وممكن توصل لغاية 35000
ده مجرد اعتقاد
والله واعلم