الموضوع: كام واحد مأمن مع الجمعية المصرية للتأمين التعاونى ؟

5- سبعاوى (والمصبية انى مش بس مأمن على العربية بس معاهم لكن الشركة عندنا عاملنا تأمين صحى عندهم، يعن لو لاقدر الله حصلت حادثة ، انا والعربية هانتصلح على حساب الجمعية :lol: )

يا جماعة بعد السلام عليكم ورحمة الله وبركاتة

انا يا جماعة الذى بدأ بهذا الموضوع للتذكرة
انا الحمد لله استلمت العربية خلاص و زى ماقولتلكوا انا أمنت تبع ابو غالى والوثيقة بأسم الجمعية المصرية للتأمين التعاونى, ابو غالى ذات نفسة بيتعامل معاها بنسبة 2.5% يعنى معنى كدة ان الجمعية سمعتها كويسة جدا
بس انا عايز اقولكوا حاجة مهمة قولتها قبل كدة ان اى شركة تأمين فى الدنيا سواء قطاع خاص او عام لازم يبقى وراها مصلحة من صرف التعويض ماهو التأمين يعنى مش حيديك فلوس بالساهل يعنى حيطلع عينيك لازم .بس انت لو مأمن زى ماقولت تبع مجموعة كبيرة زى مثلا ابو غالى او شركة كبيرة بيصرفوا علطول علشان دة بيبقى تعامل اعداد كبيرة فطبعا شركات التأمين تضع الاولوية للشركات الكبيرة فى صرف التعويضات لان عدد الوثائق كتييير

من الاخر يا جماعة كل شركات التأمين زى بعضها والاولوية للشركات التى تتعامل بالالاف الوثائق مع شركة التأمين دية اللى ممكن والله اعلم طبعا تسهل فى اجراءات التعويض مقارنأ بالتعويض الفردى او الافراد الذين يتبعون الشركات الصغيرة زى المنتدى بتاعنا كدة بيتعامل مع شركة اسمها جود لايف هى شركة كويسة بس مش زى طبعا البنوك والشركات الكبيرة اللى بتخاف شركات التأمين انها تزعلها وماتصرفلهاش التعويضات المناسبة

فا يا جماعة محدش يقلق من الجمعية كجمعية زى اى شركة تأمين واللى يفكر يأمن يعتمد كليا كليا كليا على ربنا اولا واخيرا فعلا لان بجد حتى لو فى تأمين, ممكن لو انت تبع اكبر شركة فى مصر مايتصرفلكش التعويض كلة ,دة حتى ابو غالى نفسة قالى ان ممكن يلغى التعاقد مع الجمعية فى اى وقت ويبقى التعامل بتاعى مع الجمعية مباشرا
فمن الاخر سيبها على ربنا (قل لن يصيبنا إلا ما كتب الله لنا )
انا نفسى حاطط فى دماغى انى كأنى مأمنتش ولو لا قدر الله حصل اى حاجة ربنا هو اللى حيعوضنى عن طريق بقى التأمين عن طريق رزق جالى عن طريق ان دا كان فداءا لصحتى عن اى حاجة ,انا راضى الحمد لله بما كتبة الله لنا وربنا يستر يارب ويكفينا شر المستخبى
وشكرا