تنتيش فى العربيه على المشى البطئ

**ibrahimsaad** · 16-12-2008 06:36 AM

عربيتى 128 من فتره حصل فيها انها كانت بتنتش جامد فغيرت طقم الكهرباء بوجيهات وكوندنسر وابلاتين ولم تحل المشكله حتى اكتشف الميكانيكى فى الاخر ان الكوندنسر طلع مغشوش فغيره بواحد قديم وكله بقى تمام

دلوقت بعد فتره فيه تنتيش بسيط جدا لما اكون ماشى على الغيار الاول او الثانى او بعد نقل الغيار مباشره

مش عارف المشكله منين ؟

وليه دايما لما اكون ماشى على البطئ فى المطبات او الاماكن المكسره بيحصل ده
للعلم لما اكون دايش دبرياج فى الوقت ده مابيحصلش تنتيش لكن دلوقت بقيت استغنى عن الدبرياج خوفا على الاسطوانه زى ماالناس قالت

فهل ده طبيعى ولا ايه ؟

**ahmed1981** · 16-12-2008 07:23 AM

لو قصدك تنتيش بمعنى أن السيارة بتقصر فجأة وبعدين تسحب عادي
بمعنى عطسة
بمعنى كإن الموتور فجأة سرعته هديت خالص لمدة لحظة ثم رجعت مرة أخرى عادية
وأكيد لو دايس دبرياش مش هتحس لأن الحركة مفصولة بين السيارة والموتور

في هذه الحالة هناك إحتمالات
* الكوندنسر بايظ تاني أو الكهرباء عايزة ضبط (إحتمال ضعيف)
* الكربيراتير محتاج نظافة وضبط
* لو المشكلة بتحصل كمان على السرعات العالية 80 أو 90 ممكن يكون هناك إنسداد في خراطيم البنزين أو فلتر البنزين أو طرمبة البنزين بدأت في التوديع

**ahmedsamir79** · 16-12-2008 11:11 AM

ممكن كمان تكون اليوجيهات

**ibrahimsaad** · 16-12-2008 08:01 PM

ا احمد سمير
البوجيهات جديده لسه

باشمهندس احمد
بالضبط كده زى ماقلت بيحصل لما الموتور حركته تهدى واللى كمان بيساعد على كده انى مابكونش دايس على الدبرياج
وبيحصل التنتيش هنا واول مابدوس بنزين بيختفى لكن فى اول دوسه بنزين باحس بنتشه بعدها بتختفى

فهل السبب انى مش دايس دبرياج ام سبب اخر

وهل الافضل انى ادوس دبرياج كلما هديت علشان مايحصلش كده

وهل ده بيقصر عمر الاسطوانه ولا لا

**ahmed1981** · 16-12-2008 09:52 PM

أظن إحتمال أكبر تكون المشكلة في الكربيراتير
وقت التنتيش بيكون حاجة من إثنين
* البنزين زيادة قوي فبيحصل شرقة بسبب عدم ضبط الكربيراتير أو خرطوم الراجع مسدود أو إبرة العوامة ضعفت
* البنزين بيقطع فجأة لنقص فيه أو لعدم ضبط الكربيراتير جيداً أو لأن طرمبة البنزين وحشة أو لأن هناك إنسداد في أحد خراطيم البنزين الرايح أو الراجع

في جميع الحالات محتاج تعرضه على ميكانيكي بيفهم في الكربيراتير يراجع على الكلام السابق
ومفيش مانع لو راجع على الكهرباء

**ahmed1981** · 16-12-2008 10:10 PM

المشاركة الأصلية كتبت بواسطة ibrahimsaad

وهل الافضل انى ادوس دبرياج كلما هديت علشان مايحصلش كده
وهل ده بيقصر عمر الاسطوانه ولا لا

مفيش مشكلة لو هتدوس دبرياش
لكن لما تدوس يبقى للآخر
بمعنى أن لا تحمل على الإسطوانة

**hossam_nasr** · 16-12-2008 10:20 PM

انا العربية كانت بتنتش كدة معايا و طلع البيكات بتاعت الكربيراتير متسخة ممكن يكون التنك او فلتر البنزين عايزين يتنظفوا و اكشف على الاسهل الاول

**ibrahimsaad** · 17-12-2008 11:57 PM

الف شكر ياجماعه وان شاء الله اروح للميكانيكى

**sherif_habeb** · 18-12-2008 02:52 AM

الكربيراتير محتاج نظافة وضبط

**chihab18** · 23-12-2008 09:37 PM

العيب ممكن يكون عيب الكلابلات اللي بين الاسبراتير والبوجيهات ؛ يكون كابل مقطوع وعلشا تتأكد تلامس طرف الكابل بجسم الماتور فاذا طلع شر ارة يبقي سليم واذا لم يطلع يبقي مقطوع

الموضوع: تنتيش فى العربيه على المشى البطئ

LinkBack

أدوات الموضوع

عرض

تنتيش فى العربيه على المشى البطئ - انشر الموضوع فى :

-

-

-

-

-

-

-

المواضيع المتشابهه

ما هو المارش السريع والمارش البطئ ؟

العربيه مش بتدور من أول لقطه وبتقطع فى المشى

رجه على البطئ

صوت تكة وانا ماشى بالعربية على البطئ

تنتيش فى المشى

الكلمات الدلالية لهذا الموضوع

المفضلات

المفضلات

ضوابط المشاركة